AtthaPali Vol.15

3. Balavaggavannana [22] Tatiyassa pathame accayam accayato na passatiti "aparajjhitva aparaddham maya"ti attano aparadham na passati aparaddham mayati vatva dandakammam aharitva na khamapetiti attho. Accayam desentassati evam vatva dandakammam aharitva khamapentassa. Yathadhammam na patigganhatiti "puna evam na karissami, khamatha me"ti vuccamano accayam imam yathadhammam yathasabhavam na patigganhati. "ito patthaya puna evarupam ma akasi, khamami tuyhan"ti na vadati. Sukkapakkho vuttapatipakkhanayeneva veditabbo. [23] Dutiye abbhacikkhantiti abhibhavitva acikkhanti, abhutena vadanti. Dosantaroti abbhantare patitthitadoso. ^2- Evarupo hi "natthi samanassa gotamassa @Footnote: ¹ i. atthakatha dunnita ² cha.Ma. antare patitadoso

--------------------------------------------------------------------------------------------- page29.

Uttarimanussadhammo"tiadini vadanto sunakkhatto viya tathagatam abbhacikkhati. Saddho va duggahitenati yo va ^1- nanavirahitaya saddhaya atisaddho hoti muduppasanno, ^2- sopi "buddho nama sabbalokuttaro, sabbe tassa kesadayo battimsakotthasa lokuttarayeva"tiadina nayena duggahitam ganhitva tathagatam abbhacikkhati. Tatiye uttanamevati. ^3- [25] Catutthe neyyattham suttantanti yassa attho netabbo, tam netabbattham suttantam. Nitattho suttantoti dipetiti kathitattho ayam suttantoti vadati. Tattha "ekapuggalo bhikkhave, dveme bhikkhave puggala, tayome bhikkhave puggala, cattarome bhikkhave puggala"ti evarupo suttanto neyyattho nama. Ettha hi kincapi sammasambuddhena "ekapuggalo bhikkhave"tiadi vuttam, paramatthato pana puggalo nama natthiti evamassa attho netabbova hoti. Ayam pana attano balataya nitattho ayam suttantoti dipeti. Paramatthato hi puggale asati na tathagato "ekapuggalo bhikkhave"tiadini vadeyya. Yasma pana tena vuttam, tasma paramatthato atthi puggaloti ganhanto tam neyyattham suttantam nitattho suttantoti dipeti. Nitatthanti aniccam dukkham anattati evam kathitattham. Ettha hi aniccameva dukkhameva anattayevati attho. Ayam pana attano balataya "neyyattho ayam suttanto, atthamassa aharissami"ti "niccam nama atthi, sukhannama atthi, atta nama atthi"ti ganhanto nitattham suttantam neyyattho suttantoti dipeti nama. Pancame ^4- uttanatthamevati. [27] Chatthe paticchannakammantassati papakammassa. Papam hi paticchadetva karonti. No cepi paticchadetva karonti, papakammam paticchannamevati @Footnote: ¹ cha.Ma. yo hi ² cha.Ma., i. muddhappasanno @³ cha.Ma. tatiyam uttanatthamevati, i. tatiyam uttanatthameva ⁴ cha.Ma. pancamam

--------------------------------------------------------------------------------------------- page30.

Vuccati. Nirayoti sahokasaka khandha. Tiracchanayoniyam khandhava labbhanti. Sattamatthame uttanamevati. ^1- [30] Navame patiggahati patiggahita, ^2- dussilam puggalam dve thanani patigganhantiti attho. [31] Dasame atthavaseti karanani. Arannavanapatthaniti arannani ca vanapatthani ca. Tattha kincapi abhidhamme nippariyayena "nikkhamitva bahiindakhila, sabbametam arannan"ti ^3- vuttam. Tathapi yam tam "pancadhanusatikam pacchiman"ti ^4- arannikanganipphadanasenasanam vuttam, tadeva adhippetanti veditabbam. Vanapatthanti gamantam atikkamitva manussanam anupacaratthanam, yattha na kasiyati na vapiyati. Pantaniti pariyantani atidurani. Ditthadhammasukhaviharanti lokiyalokuttaram ^5- phasuviharam. Pacchimanca janatam anukampamanoti pacchime mama savake anukampanto. [32] Ekadasame vijjabhagiyati vijjakotthasika. Samathoti cittekaggata. Vipassanati sankharapariggahakananam. Kimatthamanubhotiti ^6- katamam attham aradheti sampadeti paripureti. Cittam bhaviyatiti maggacittam bhaviyati bruhiyati vaddhiyati. Yo rago, so pahiyatiti yo rajjanakavasena rago, so pahiyati. Rago hi maggacittassa paccaniko, maggacittam ragassa ca. Ragakkhane maggacittam natthi, maggacittakkhane rago natthi. Yada pana rago uppajjati, tada maggacittassa uppattim nivareti, padam pacchindati. Yatha pana maggacittam uppajjati, tada ragam samulakam ubbattetva samugghatentameva uppajjati. Tena vuttam "rago pahiyati"ti. Vipassana bhikkhave bhavitati vipassanananam bruhitam vaddhitam. Panna bhaviyatiti @Footnote: ¹ cha.Ma. sattamatthamani uttanatthaneva ² cha.Ma.,i. patiggahaka @³ abhi. vi. 35/529/302 jhanavibhanga ⁴ vi. mahavi. 2/654/97 sasankasikkhapada @⁵ Ma. lokuttaram ⁶ cha.Ma. kamatthamanubhotiti

--------------------------------------------------------------------------------------------- page31.

Maggapanna bhaviyati bruhiyati vaddhiyati. Ya avijja, sa pahiyatiti atthasu thanesu vattamulika mahaavijja pahiyati. Avijja hi maggapannaya paccanika, maggapanna avijjaya. Avijjakkhane maggapanna natthi, maggapannakkhane avijja natthi. Yada pana avijja uppajjati, tada maggapannaya uppattim nivareti, padam pacchindati. Yada maggapanna uppajjati, tada avijjam samulikam ubbattetva samugghatayamanava uppajjati. Tena vuttam "avijja pahiyati"ti. Iti maggacittam maggapannati dvepi sahajatadhammava kathita. Ragupakkilittham va bhikkhave cittam na vimuccatiti ragena upakkilitthatta maggacittam na vimuccatiti dasseti. Avijjupakkilittha va panna na bhaviyatiti avijjaya upakkilitthatta maggapanna na bhaviyatiti dasseti. Iti kho bhikkhaveti evam kho bhikkhave. Ragaviraga cetovimuttiti ragassa khayaviragena cetovimutti nama hoti. Phalasamadhissetam namam. Avijjaviraga pannavimuttiti avijjaya khayaviragena pannavimutti nama hoti. Imasmim sutte nanakkhanika samadhivipassana ^1- kathitati. Balavaggo tatiyo. -----------

The Pali Atthakatha in Roman Book 15 page 28-31. http://84000.org/tipitaka/atthapali/read_rm.php?B=15&A=635&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=635&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=267 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=1564 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=1547 The Pali Tipitaka in Roman Character :- http://84000.org/tipitaka/read/roman_read.php?B=20&A=1547 Contents of The Tipitaka Volume 20 http://84000.org/tipitaka/read/?index_20