AtthaPali Vol.16

10. Nissaraniyasuttavannana [200] Dasame nissaraniyati nissata visannutta. Dhatuyoti attasunna- sabhava. Kamam manasikarototi kamam manasikarontassa, asubhajjhanato vutthaya agadam gahetva visam vimamsanto viya vimamsanattham kamabhimukham cittam pesentassati attho. Na pakkhandatiti na pavisati. Na pasidatiti pasadam napajjati. Na santitthatiti na patitthahati. Na vimuccatiti nadhimuccati. Yatha pana kukkutapattam va nharudaddulam va aggimhi pakkhittam patiliyati patikutati pativattati na sampasariyati, evam patiliyati na sampasariyati. Nekkhammam kho panati idha nekkhammam nama asubhesu pathamaj- jhanam, tadassa ^2- manasikaroto cittam pakkhandati. Tassa tam cittanti tassa tam asubhajjhanacittam. Sugatanti gocare gatatta sutthu gatam. Subhavitanti ahanabhagiyatta sutthu bhavitam. Suvutthitanti kamato vutthitam. Suvimuttanti kamehi sutthu vimuttam. Kamapaccaya asava nama kamahetuka cattaro asava. Vighatati dukkha. Parilahati kamaragaparilaha. Na so tam vedanam vediyatiti so tam kamavedanam vighataparilahavedananca na vediyati. Idamakkhatam kamanam nissarananti idam asubhajjhanam kamehi nissatatta kamanam nissarananti akkhatam. Yo pana tam jhanam padakam katva sankhare sammasanto tatiyamaggam patva anagamiphalena nibbanam disva "puna kama nama natthi"ti janati. Tassa cittam accantanissarana- meva. Sesapadesupi eseva nayo. Ayam pana viseso:- dutiyavare mettajhanani byapadassa nissaranam nama. @Footnote: ¹ cha.Ma. na kalavassanti ² cha.Ma. tamassa Tatiyavare karunajhanani vihimsaya nissaranam nama. Catutthavare arupajjhanani rupanam nissaranam nama. Accantanissaranancettha arahattaphalam yojetabbam. Pancamavare sakkayam manasikarototi suddhasankhare parigganhitva arahattappattassa sukkhavipassakassa phalasamapattito vutthaya vimamsanattham pancupadanakkhandhabhimukham cittam pesentassa. Idamakkhatam sakkayassa nissarananti idam arahattamaggena ca phalena ca nibbanam disva thitassa bhikkhuno "puna sakkayo natthi"ti uppannaarahattaphala- samapatticittam sakkayassa nissarananti akkhatam. Idani evam sakkayanissarananirodham patva thitassa khinasavassa vannam kathento tassa kamanandipi nanusetitiadimaha. Tattha nanusetiti na nibbattati. Ananusayati anibbattiya. Sesamettha uttanatthamevati. Brahmanavaggo pancamo. Catutthapannasako nitthito. ---------------

The Pali Atthakatha in Roman Book 16 page 82-83. http://84000.org/tipitaka/atthapali/read_rm.php?B=16&A=1840&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=1840&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=22&i=200 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=5677 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=5751 The Pali Tipitaka in Roman Character :- http://84000.org/tipitaka/read/roman_read.php?B=22&A=5751 Contents of The Tipitaka Volume 22 http://84000.org/tipitaka/read/?index_22