บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
{294} Chatthasikkhapade. Dethavuso bhattanti ettha tam kira bhattam abhihatam ahosi tasma evamahamsu. Anabhihate pana evam vattum na labbhati payuttavaca hoti. {295} Tenahi bhikkhave patiggahetva nikkhipathati idam pana bhagava kulassa saddhanurakkhanatthaya aha. Yadi hi bhagava bhajetva khadathati vadeyya manussanam pasadannathattam siya. Ussadayitthati patihariyittha. Gharamyeva nam gahetva agamamsuti vuttam hoti. {298} Santam bhikkhunti ettha kittavata santo hoti kittavata asanto. Antovihare yattham thitassa kulani payirupasanacittam uppannam hoti tato patthaya yam passe va abhimukhe va passati yassa sakka hoti pakativacanena arocetum ayam santo nama. Itocitoca pariyesitva arocanakiccam pana natthi. Yo hi evam pariyesitabbo so asantoyeva. Apica antoupacarasimayam bhikkhum disva apucchissamiti gantva tattha yam passati so apucchitabbo. No ce passati asantam bhikkhum anapuccha pavittho nama hoti. {302} Antararamanti antogame viharo hoti tam gacchati. Bhattiyagharanti nimantitagharam va salakabhattadidayakanam va gharam. Apadasuti jivitabrahmacariyantarayesu sati gantum vattati. Sesamettha uttanameva. Kathinasamutthanam kayavacato kayavacacittato ca samutthati kiriyakiriyam nosannavimokkham acittakam pannattivajjam kayakammam vacikammam ticittam Tivedananti. Carittasikkhapadam chattham.The Pali Atthakatha in Roman Book 2 page 447-448. http://84000.org/tipitaka/atthapali/read_rm.php?B=2&A=9429&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=9429&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=1&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A= The Pali Tipitaka in Roman Character :- http://84000.org/tipitaka/read/roman_read.php?B=1&A= Contents of The Tipitaka Volume 1 http://84000.org/tipitaka/read/?index_1
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]