AtthaPali Vol.27

3. Inadriyasuttavannana [62] Tatiye indriyaniti adhipateyyatthena indriyani. Yani hi sahajatadhammesu issara viya hutva tehi anuvattitabbani, tani indriyani nama. Apica indo bhagava dhammissaro paramena ca cittissariyena samannagato, tena indena sabbapathamam ditthatta adhigatatta paresam ca ditthatta desitatta vihitatta gocarabhavanasevanahi ditthatta ca indriyani. Indam va maggadhigamassa upanissayabhutam punnakammam, tassa linganitipi indriyani. Anannatannassamitindriyanti "anamatagge samsare anannatam anadhigatam amatapadam catusaccadhammameva va janissami"ti patipannassa imina pubbabhagena uppannam indriyam, sotapattimaggapannayetam adhivacanam. Annindriyanti ajananaindriyam. Tatrayam vacanattho:- ajanati pathamamaggananena ditthamariyadam anatikkamitvava janatiti anna. Yatheva hi pathamamaggapanna dukkhadisu parinnabhisamayadivasena pavattati, tatheva ayampi pavattatiti anna ca sa yathavuttenatthena indriyam cati annindriyam ajananattheneva annassa va

--------------------------------------------------------------------------------------------- page238.

Ariyapuggalassa indriyanti annindriyam, sotapattiphalato patthaya chasu thanesu nanassetam adhivacanam. Annatavindriyanti annatavino catusu saccesu nitthitananakiccassa khinasavassa uppajjanato indriyatthasambhavato ca annatavindriyam. Ettha ca pathamapacchimani pathamamaggacatutthaphalavasena ekatthanikani, itaram itaramaggaphalavasena chatthanikanti veditabbam. Gathasu sikkhamanassati adhisilasikkhadayo sikkhamanassa bhaventassa. Ujumagganusarinoti ujumaggo vuccati ariyamaggo, antadvayavivajjitatta tassa anussaranato ujumagganusarino, patipatiya magge uppadentassati attho. Khayasminti anavasesanam kilesanam khepanato khayasankhate aggamagge nanam pathamam pureyeva uppajjati. Tato anna anantarati tato maggananato anantara arahattam uppajjati. Atha va ujumagganusarinoti linuddhacca- patitthanayuhanadike vajjetva samathavipassanam yuganaddham katva bhavanavasena pavattam pubbabhagamaggam anussarantassa anugacchantassa patipajjantassa gotrabhunananantaram ditthekatthanam kilesanam khepanato khayasmim sotapattimagge pathamananam anannatannassamitindriyam uppajjati. Tato anna anantarati tato pathamananato anantara anantarato patthaya yava aggamagga anna annindriyam uppajjati. Tato anna vimuttassati tato anna annindriyato paccha arahattamagganananantara arahattaphalena pannavimuttiya annatavindriyena vimuttassa. Nanam ve hoti tadinoti arahattaphaluppattito uttarakale itthanitthadisu tadilakkhanappattassa khinasavassa paccavekkhanananam uppajjati. Katham uppajjatiti aha "akuppa me vimutti"ti. Tassa akuppabhavassa karanam dasseti "bhavasamyojanakkhaya"ti.

--------------------------------------------------------------------------------------------- page239.

Idani tadisam khinasavam thomento "sa ve indariyasampanno"ti tatiyam gathamaha. Tattha indriyasampannoti yathavuttehi tihi lokuttarindriyehi samannagato, suddhehipi va patippassaddhiladdhehi saddhadihi indriyehi samannagato paripunno, tato eva cakkhvadihi sutthu vupasantehi nibbisevanehi indriyehi samannagato. Tenaha "santo"ti, sabbakilesaparilahavupasamena upasantoti attho. Santipade ratoti nibbane abhirato adhimutto. Ettha ca "indriyasampanno"ti etena bhavitamaggata parinnatakkhandhata cassa dassita, "santo"ti etena pahinakilesata, "santipade rato"ti etena sacchikatanirodhatati. Sesam vuttanayameva. Tatiyasuttavannana nitthita. -------------

The Pali Atthakatha in Roman Book 27 page 237-239. http://84000.org/tipitaka/atthapali/read_rm.php?B=27&A=5228&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=5228&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=240 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5606 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5594 The Pali Tipitaka in Roman Character :- http://84000.org/tipitaka/read/roman_read.php?B=25&A=5594 Contents of The Tipitaka Volume 25 http://84000.org/tipitaka/read/?index_25