AtthaPali Vol.27

10. Dutiyaragasuttavannana [69] Dasame atariti tinno, ^1- na tinno atinno, samuddanti samsarasamuddam, cakkhvayatanadisamuddam va. Tadubhayampi duppuranatthena samuddo viyati samuddam. Atha va samuddanatthena samuddam, kilesavassanena sattasantanassa kilesa- sadanatoti ^2- attho. Savicinti kodhupayasavicihi savicim. Vuttanhetam "vicibhayanti kho bhikkhu kodhupayasassetam adhivacanan"ti. ^3- Savattanti pancakamagunavattehi saha avattam. Vuttampi cetam "avattabhayanti kho bhikkhu pancannetam kamagunanam adhivacanan"ti. ^4- Sagaham sarakkhasanti attano gocaragatanam anatthajananato candamakaramacchakacchaparakkhasasadisehi visabhagapuggalehi sahitam. Tatha caha "sagaham sarakkhasanti kho bhikkhu matugamassetam adhivacanan"ti. ^5- Atariti maggapannanavaya yathavuttam samuddam uttari. Tinnoti nittinno. Paragatoti tassa samuddassa param paratitam nirodham upagato. Thale titthatiti tato eva samsaramahogham kamadimahoghanca atikkamitva thale paratire nibbane bahitapapabrahmano titthatiti vuccati. Idhapi gatha sukkapakkhavaseneva agata. Tattha umibhayanti yathavuttaumibhayam, bhayitabbam etasmati tam umi bhayam. Duttaranti duratikkamam, accatariti atikkami. @Footnote: ¹ Si. na ataritam atinno ² Si. kilesasaranatoti samanam ³ khu.iti. 25/109/327 @⁴ khu.iti. 25/109/328, an.catukka 21/122/142 ⁵ khu.iti. 25/109/328

--------------------------------------------------------------------------------------------- page248.

Sangatigoti ragadinam pancannam sanganam atikkantatta pahinatta sangatigo atthangato so na pamanametiti so evambhuto araha ragadinam pamanakaradhammanam accantameva atthangatatta atthangato, tato eva siladidhammakkhandhaparipuriya ca "ediso silena samadhina pannaya"ti kenaci paminitum asakkuneyyo pamanam na eti, atha va anupadisesanibbanasankhatam attham gato so araha "imaya nama gatiya thito, ediso ca nama ca namagottena"ti paminitum asakkuneyyataya pamanam na eti na upagacchati, tato eva amohayi maccurajam, tena anubandhitum asakkuneyyoti vadamiti anupadisesanibbanadhatuyava desanam nitthapesi. Iti imasmim vagge pathamapancamachatthesu vattam kathitam, dutiyasattamatthamesu vivattam, sesesu vattavivattam kathitanti veditabbam. Dasamasuttavannana nitthita. Dutiyavaggavannana nitthita. --------------

The Pali Atthakatha in Roman Book 27 page 247-248. http://84000.org/tipitaka/atthapali/read_rm.php?B=27&A=5442&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=5442&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=247 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5721 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5663 The Pali Tipitaka in Roman Character :- http://84000.org/tipitaka/read/roman_read.php?B=25&A=5663 Contents of The Tipitaka Volume 25 http://84000.org/tipitaka/read/?index_25