|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Dhammanudhammapatipannasuttavannana [86] Sattame dhammanudhammapatipannassati ettha dhammo nama navavidho lokuttaradhammo, tassa dhammassa anudhammo silavisuddhiadi pubbabhagapatipadadhammo, tam dhammanudhammam patipannassa adhigantum patipajjamanassa. Ayamanudhammo hotiti ayam anucchavikasabhavo patirupasabhavo hoti. Veyyakaranayati kathanaya. Dhammanudhammapatipannoyanti yanti karanatthe paccattavacanam. Idam vuttam hoti:- yena anudhammena tam dhammanudhammam patipannoti byakaramano sammadeva byakaronto nama siya, na tatonidanam vinnuhi garahitabbo siyati. Yanti va kiriyaparamasanam, tenetam dasseti "yadidam dhammasseva bhasanam, dhammavitakkasseva ca vitakkanam tadubhayabhave nanupekkhaya, ayam dhammanudhammapatipannassa bhikkhuno tatharupo ayanti kathanaya anurupahetu anucchavikakaranam bhasamano dhammamyeva bhaseyyati kathento ce dasakathavatthudhammamyeva katheyya, na tappatipakkhamahicchatadiadhammam. Vuttanhetam:- "yayam katha abhisallekhika cetovivaranasappaya ekantanibbidaya viragaya nirodhaya upasamaya abhinnaya sambodhaya nibbanaya samvattati. Seyyathidam, appicchakatha santutthikatha pavivekakatha viriyarambhakatha silakatha samadhikatha pannakatha vimuttikatha vimuttinanadassanakatha, evarupaya kathaya nikamalabhi hoti akicchalabhi akasiralabhi"ti. 1- Abhisallekhikaya kathaya labhi eva hi tam bhaseyya. Etena kalyanamittasampada dassita. @Footnote: 1 an.dasaka. 23/207/370 (sya), khu.u. 25/31/142--------------------------------------------------------------------------------------------- page307.
Dhammavitakkanti nekkhammavitakkadim dhammato anapetam vitakkayato "siladipatipadam paripuressami"ti uparupari ussaho abhivaddhissati. So pana vitakko siladinam anupakaradhamme vajjetva upakaradhamme anubruhanavasena hanabhagiyabhavam apanetva thitibhagiyabhavepi atthatva visesabhagiyatam nibbedhabhagiyatanca papanavasena pavattiya anekappabhedo veditabbo. No adhammavitakkanti kamavitakkam no vitakkeyyati attho. Tadubhayam va panati yadetam paresam anuggahanattham dhammabhasanam attano anuggahanattham dhammavitakkananca vuttam. Atha va pana tam ubhayam abhinivajjetva appatipajjitva akatva. Upekkhakoti tathapatipattiyam upasino samathavipassasanabhavanameva anubruhanto vihareyya, samathapatipattiyam va upekkhako hutva vipassanayameva kammam karonto vihareyya. Vipassanampi ussukkapetva tatthapi sankharupekkhananavasena upekkhako yava vipassanananam maggena ghatiyati, tava yatha tam tikkham suram pasannam hutva vahati, tatha vihareyya sato sampajanoti. Gathasu samathavipassanadhammo aramitabbatthena aramo etassati dhammaramo. Tasmimyeva dhamme ratoti dhammarato. Tasseva dhammassa punappunam vicintanato dhammam anuvicintayam tam dhammam avajjento, manasikarontoti attho. Anussaranti tameva dhammam uparupari bhavanavasena anussaranto. Atha va vimuttayatanasise thatva paresam desanavasena siladidhammo aramitabbatthena aramo etassati dhammaramo. Tatheva tasmim dhamme rato abhiratoti dhammarato. Tesamyeva siladidhammanam gatiyo samanvesanto kamavitakkadinam okasam adatva nekkhammasankappadidhammamyeva anuvicintanato dhammam anuvicintayam. Tadubhayam va pana olarikato dahanto ajjhupekkhitva samathavipassanadhammameva uparupari bhavanavasena anussaranto anubruhanavasena pavattento saddhammati sattatimsappabheda--------------------------------------------------------------------------------------------- page308.
Bodhipakkhiyadhamma navavidhalokuttaradhamma ca na parihayati, nacirasseva tam adhigacchatiti attho. Idani tassa anussaranavidhim dassento "caram va"tiadimaha. Tattha caram vati bhikkhacaravasena cankamanavasena ca caranto va. Yadi va titthanti titthanto va nisinno va. Uda va sayanti sayanto va. Evam catusupi iriyapathesu. Ajjhattam samayam cittanti yathavutte kammatthanasankhate gocarajjhatte attano cittam ragadikilesanam vupasamanavasena pajahanavasena samayam samento. Santimevadhigacchatiti accantasantim nibbanameva papunatiti. Sattamasuttavannana nitthita. ---------------The Pali Atthakatha in Roman Book 27 page 306-308. http://84000.org/tipitaka/atthapali/read_rm.php?B=27&A=6754&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=6754&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=265 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6170 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6067 The Pali Tipitaka in Roman Character :- http://84000.org/tipitaka/read/roman_read.php?B=25&A=6067 Contents of The Tipitaka Volume 25 http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]