|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
12. Culabyuhasuttavannana
[885-6] Sakam sakam ditthiparibbasanati culabyuhasuttam. Ka uppatti?
idampi tasmimyeva mahasamaye "sabbepime ditthigatika `sadhurupamha'ti bhananti,
kim nu kho sadhurupavime attanoyeva ditthiya patitthahanti, udahu annampi
ditthim ganhanti"ti uppannacittanam ekaccanam devatanam tamattham pakasetum
purimanayeneva nimmitabuddhena attanam pucchapetva vuttam.
Tattha adito dvepi gatha pucchagathayeva. Tasu sakam sakam
ditthiparibbasanati attano attano ditthiya vasamana. Viggayha nana kusala vadantiti
ditthibalavaggaham gahetva, tattha "kusalamha"ti patijanamana puthu puthu vadanti,
@Footnote: 1 cha.Ma.,i. nissaye ca natva
---------------------------------------------------------------------------------------------
page396.
Ekam na vadanti. Yo evam janati sa vedi dhammam, idam patikkosamakevali soti
tanca ditthim sandhaya yo evam janati, so dhammam vedi. 1- Idam pana patikkosanto
hino hotiti vadanti. Baloti hino. Akkusaloti avidva.
[887-8] Idani tisso vissajjagatha honti. Ta purimaddhena
vuttamattham pacchimaddhena patibyuhetva thita. Tena byuhena uttarasuttato
ca appakatta idam suttam "culabyuhan"ti namam labhi. 2- Tattha parassa ce dhammanti
parassa ditthim. Sabbeva 3- balati evam sante sabbe ime bala hontiti
adhippayo. Kimkaranam? sabbevime ditthiparibbasanati, sanditthiya ceva na
vivadata. Samsuddhapanna kusala mutimati sakaya ditthiya na vivadata na
vodata sankilitthava samana samsuddhapanna ca kusala ca suddhapanna ca kusala
ca mutimanto ca te honti ce. Atha va "sanditthiya ce pana vivadata"tipi
patho. Tassattho:- sakaya pana ditthiya vodata samsuddhapanna kusala
mutimanto honti ce. Na tesam kociti evam sante tesam ekopi nihinapanno 4-
na hoti. Kimkaranam? ditthi hi tesampi tatha samatta, yatha itaresanti.
[889] Na vahametanti gathaya sankhepattho 5- :- yam te mithu dve
dve jana annamannam "bala"ti ahu, aham etam tathiyam tacchanti 6- va neva
brumi. Kimkaranam? yasma sabbe te sakam sakam ditthim "idameva saccam
moghamannan"ti akamsu. Tena ca karanena param "balo"ti dahanti. Ettha ca
"tathiyan"ti "kathivan"ti dvepi patha. 7-
[890] Yamahuti pucchagathaya yam ditthisaccam tathiyanti 8- eke aha.
@Footnote: 1 ka. vedayati 2 cha.Ma. labhati 3 ka. sabbevime
@4 cha.Ma. hinapanno 5 ka. sambandho 6 ka. tathivanti taccham
@7 ka. dvidhapi patho 8 ka. yanti ditthisaccam tathivanti
---------------------------------------------------------------------------------------------
page397.
[891] Ekam hi saccanti vissajjanagathaya ekam saccam nirodho maggo
va. Yasmim paja no vivade pajananti yamhi sacce pajananto paja no
vivadeyya. Sayam thunantiti attana vadanti.
[892] Kasma nuti pucchagathaya pavadiyaseti vadino. Udahu te
takkamanussarantiti te vadino udahu attano takkamattam anugacchanti.
[893] Nahevati vissajjanagathaya annatra sannaya niccaniti thapetva
sannamattena niccanti gahitaggahanani. Takkanca ditthisu pakappayitvati attano
micchasankappamattam ditthisu janetva. Yasma pana ditthisu vitakkam janenta
ditthiyopi janenti, tasma niddese 1- vuttam "ditthigatani janenti
sanjanenti"tiadi.
[894-5] Idani evam nanasaccesu asantesu takkamattamanussarantanam
ditthigatikanam vippatipattim dassetum "ditthe sutetiadika gathayo abhasi. Tattha
dittheti dittham, ditthasuddhinti 2- adhippayo. Esa nayo sutadisu. Ete ca
nissaya vimanadassiti ete ditthidhamme nissayitva suddhibhavasankhatam vimanam
asammanam passantopi. Vinicchaye thatva pahassamano, balo paro akkusaloti
cahati evam vimanadassipi tasmim ditthivinicchaye thatva tutthijato hasajato
hutva "paro hino ca avidva ca"ti evam vadatiyeva. Evam sante yenevati gatha.
Tattha sayamattanati sayameva attanam. Vimanetiti garahati. Tadeva pavati tadeva vacanam
ditthim vadati, tam va puggalam.
[896] Atisaraditthiyati gathayattho:- so evam taya lakkhanatisariniya
atisaraditthiya samatto punno uddhumato, tena ca ditthimanena samatto
@Footnote: 1 khu.maha. 29/562/355 (sya) 2 ka. ditthisuddhiti
---------------------------------------------------------------------------------------------
page398.
"paripunno aham kevali"ti evam paripunnamani sayameva attanam manasa "aham
pandito"ti abhisincati. Kimkaranam? ditthi hi sa tassa tatha samattati.
[897] Parassa ceti gathaya sambandho attho ca:- kinca bhiyyo?
yo so vinicchaye thatva pahassamano "balo paro akkusalo"ti caha, tassa
parassa ce hi vacasa so tena vuccamano nihino hoti, tumo saha hoti
nihinapanno, sopi teneva saha nihinapanno hoti. Sopi hi nam 1- "balo"ti
vadati. Athassa vacanam appamanam, so pana sayameva vedagu ca dhiro ca hoti.
Evam sante na koci balo samanesu atthi. Sabbepi hi te attano icchaya
pandita.
[898] Annam itoti gatha sambandho attho ca:- "atha ce sayam
vedagu hoti dhiro, na koci balo samanesu atthi"ti evam hi vuttepi siya
kissaci "kasma"ti. Tattha vuccate:- yasma annam ito yabhivadanti dhammam
aparaddha suddhimakevali te, evampi titthya puthuso vadanti, ye ito annam
ditthim abhivadanti, ye aparaddha viraddha suddhimaggam, akevalino ca teti evam
puthutitthiya yasma vadantiti vuttam hoti. Kasma panevam vadantiti ce?
sanditthiragena hi tayabhiratta, 2- yasma sakena ditthiragena abhirattati
vuttam hoti.
[899-900] Evam abhiratta ca:- idheva suddhinti gatha. Tattha
sakayaneti sakamagge. Dalham vadanati dalhavada. Evanca dalhavadesu tesu
yo koci titthiyo sakayena vapi dalham vadano kamettha baloti param daheyya,
sankhepato tattha sassatucchedasankhate vittharato va
@Footnote: 1 ka. nihinam 2 cha.Ma.,i. tebhiratta
---------------------------------------------------------------------------------------------
page399.
Natthikaissarakarananiyatadibhede sake ayatane "idameva saccan"ti dalham vadano kam param
ettha ditthigate "balo"ti saha dhammena passeyya, nanu sabbopi tassa matena
pandito eva supatipanno eva ca. Evam sante ca sayameva so
medhagamavaheyya 1- param vadam balamasuddhidhammam, 2- sopi param "balo ca asuddhidhammo
ca ayan"ti vadanto attanova kalaham avaheyya. Kasma? yasma sabbopi tassa
matena pandito eva supatipannoyeva ca.
[901] Evam sabbathapi vinicchaye thatva sayam pamaya uddham sa 3-
lokasmim vivadameti, ditthiyam thatva sayanca sattharadini nimminitva so
bhiyyo vivadametiti. Evam pana vinicchayesu adinavam natva ariyamaggena
hitvana sabbani vinicchayani na medhagam kurute 4- jantu loketi arahattanikutena
desanam nitthapesi. Desanapariyosane purabhedasutte vuttasadisoyevabhisamayo
ahositi.
Paramatthajotikaya khuddakatthakathaya
suttanipatatthakathaya
culabyuhasuttavannana nitthita.
---------------------
The Pali Atthakatha in Roman Book 29 page 395-399.
http://84000.org/tipitaka/atthapali/read_rm.php?B=29&A=8894&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=29&A=8894&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=25&i=419
เนื้อความพระไตรปิฎกฉบับหลวง :-
http://84000.org/tipitaka/read/r.php?B=25&A=10418
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=25&A=10500
The Pali Tipitaka in Roman Character :-
http://84000.org/tipitaka/read/roman_read.php?B=25&A=10500
Contents of The Tipitaka Volume 25
http://84000.org/tipitaka/read/?index_25
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]