AtthaPali Vol.29

15. Attadandasuttavannana [942] Attadanda bhayam jatanti attadandasuttam. Ka uppatti? yo so sammaparibbajaniyasuttassa uppattiyam vuccamanaya sakiyakoliyanam udakam paticca kalaho samvannito, ^1- tam natva bhagava "nataka kalaham karonti, handa ne varessami"ti dvinnam senanam majjhe thatva imam suttamabhasi. Tattha pathamagathayattho:- yam lokassa ditthadhammikam va samparayikam va bhayam jatam, tam sabbam attadanda bhayam jatam attano duccaritakarana jatam, evam santepi janam passatha medhagam, ^2- imam sakiyadijanam passatha annamannam medhagam himsakam badhakanti. Evantam pativiruddham vippatipannam janam paribhasitva attano sammapatipattidassanena tassa samvegam janetum aha "samvegam kittayissami, yatha samvijitam maya"ti, pubbe bodhisatteneva satati adhippayo. [943] Idani yathanena samvijitam, pakaram dassento "phandamanan"ti- adimaha. Tattha phandamananti tanhadihi ^3- kampamanam. Appodaketi appaudake. Annamannehi byaruddhe disvati nanasatte ca ^4- annamannehi saddhim viruddhe disva. Mam bhayamavisiti mam bhayam pavittham. @Footnote: ¹ cha.Ma.,i. vannito ² Si.,i. medhakam @³ ka. tanhaditthihi ⁴ ka. nanamacceva

--------------------------------------------------------------------------------------------- page411.

[944] Samantamasaro lokoti nirayam adim katva samantato loko asaro niccasaradirahito. Disa sabba sameritati sabba disa aniccataya kampita. Iccham bhavanamattanoti attano tanam icchanto. Naddasasim anositanti kinci thanam jaradihi anajjhavuttham naddakkhim. [945] Osanetveva byaruddhe, disva me arati ahuti yobbannadinam osane eva antagamake eva vinasake eva jaradihi byaruddhe ahatacitte satte disva arati me ahosi. Athettha sallanti atha etesu sattesu ragadisallam. Hadayanissitanti cittanissitam. [946] "kathamanubhavam sallan"ti ce:- yena sallena otinnoti gatha. Tattha disa sabba vidhavatiti sabba duccaritadisapi puratthimadidisavidisapi dhavati. Tameva sallam abbuyha, na dhavati na sidatiti tameva sallam uddharitva ta ca disa na dhavati, caturoghe ca na sidatiti. [947] Evam mahanubhavena sallena otinnesvapi ca sattesu:- tattha sikkhanugiyanti, yani loke gadhitaniti gatha. Tassattho:- ye loke panca kamaguna patilabhaya gijjhantiti katva "gadhitani"ti vuccanti, cirakalasevitatta va "gadhitani"ti vuccanti, tattha tam nimittam hatthisikkhadika aneka sikkha kathiyanti uggayhanti va. Passatha yava pamatto vayam loko, yato pandito kulaputto tesu va gadhitesu va sikkhasu adhimutto na siya, annadatthum aniccadidassanena nibbijja sabbaso kame attano nibbanameva sikkheti. [948] Idani yam ^1- sikkhitabbam, tam dassento "sacco siya"tiadimaha. Tattha saccoti vacasaccena nanasaccena maggasaccena ca samannagato. Rittapesunoti pahinapesuno. Vevicchanti macchariyam. @Footnote: ¹ cha.Ma.,i. yatha nibbanaya

--------------------------------------------------------------------------------------------- page412.

[949] Niddam tandim sahe thinanti pacalayikanca kayalasiyanca cittalasiyancati ime tayo dhamme abhibhaveyya. Nibbanamanasoti nibbananinnacitto. [950-51] Sahasati rattassa ragacariyadibheda sahasakarana. Puranam nabhinandeyyati atitarupadim nabhinandeyya. Naveti paccuppanne. Hiyyamaneti vinassamane. Akasam na sito siyati tanhanissito na bhaveyya. Tanha hi rupadinam akasanato "akaso"ti vuccati. [952] "kimkarana akasam na sito siya"ti ce:- "aham hi imam gedham brumi"ti ^2- gatha. Tassattho:- ahanhi imam akasasankhatam ^2- tanham rupadisu gijjhanato ^3- gedham brumi "gedho"ti vadami. Kinca bhiyyo:- avahananatthena "ogho"ti ca ajavanatthena "ajavan"ti ca "idam mayham, idam mayhan"ti jappakaranato "jappanan"ti ca dummuncanatthena "arammanan"ti ca kampanakaranena "pakampanan"ti ca brumi, esa ca lokassa palibodhatthena duratikkamaniyatthena ca kamapanko duraccayoti. "akasam na sito siya"ti evam vutte va "kimetam akasan"ti ce? gedham brumiti. Evampi tassa gathaya sambandho veditabbo. Tattha padayojana:- akasanti gedham brumiti. Tatha yvayam mahoghoti vuccati tam brumi, ajavam brumi, jappanam brumi, ^4- arammanam brumi, ^4- pakampanam brumi yvayam sadevake loke kamapanko duraccayo, tam brumi. ^5- [953] Evametam gedhadipariyayam akasam anissito:- sacca avokkammati gatha. Tassattho:- pubbe vutta tividhapi sacca avokkamma moneyyappattiya muniti sankhyam gato nibbanathale titthati brahmano, sa ve evarupo sabbani ayatanani nissajjitva "santo"ti vuccatiti. @Footnote: ¹ cha.Ma. gedham brumiti ² ka. akasasankhyam ³ ka. rupadinam akasanato @^4-4 cha.Ma. ime patha na dissanti ⁵ cha.Ma. brumiti

--------------------------------------------------------------------------------------------- page413.

[954] Kinca bhiyyo:- sa ve vidvati gatha. Natva dhammanti aniccadinayena sankhatadhammam natva. Samma so loke iriyanoti asammairiyanakaranam kilesanam pahana samma so loke iriyamano. [955] Evam apihento ca:- yodha kameti gatha. Tattha sanganti sattavidham sanganca yo accatari. Najjhetiti nabhijjhati. ^1- [956] Tasma tumhesupi yo evarupo hotumicchati, tam vadami:- yam pubbeti gatha. Tattha yam pubbeti atite sankhare arabbha uppajjanadhammam kilesajatam atitakammanca. Paccha te mahu kincananti anagatepi sankhare arabbha uppajjanadhammam ragadikincanamahu. Majjhe ce no gahessasiti paccuppannarupadidhammepi na gahessasi ce. [957] Evam "upasanto carissasi"ti arahattappattim dassetva idani arahato thutivasena ito para gathayo abhasi. Tattha sabbasoti gathaya mamayitanti mamattakaranam, mama "idan"ti gahitam va vatthu. Asata ca na socatiti avijjamanakarana asatakarana na socati. Na jiyyatiti jaram nadhigacchati. ^2- [958-9] Kinca bhiyyo:- yassa natthiti gatha. Tattha kincananti kinci rupadidhammajatam. Kinca bhiyyo:- anutthuriti ^3- gatha. Tattha anutthuriti ^3- anussuki. ^4- "anuddhari"tipi ^5- keci vadanti. ^6- Sabbadhi samoti sabbattha samo. Upekkhakoti adhippayo. Kim vuttam hoti? yo so "natthi me"ti na socati, Tamaham avikampinam puggalam puttho samano anutthuri ^3- ananugiddho anejo sabbadhi samoti imam tasmim puggale catubbidhamanisamsam brumiti. @Footnote: ¹ cha.Ma. nabhijjhayati ² cha.Ma. janimpi na gacchati, i. janim nadhigacchati @³ Si. anutthariti, cha.Ma. anitcuriti ⁴ Si.,i. anussaki, cha.Ma. anissuki @⁵ cha.Ma. aniddhuritipi ⁶ cha.Ma.,i. pathanti

--------------------------------------------------------------------------------------------- page414.

[960] Kinca bhiyyo:- anejassati gatha. Tattha nisankhatiti punnabhisankharadisu yo koci sankharo. So hi yasma nisankhariyati nisankharoti va, tasma "nisankhati"ti vuccati. Viyarambhati vividha punnabhisankharadika arambha. Khemam passati sabbadhiti sabbattha abhayameva passati. [961] Evam passanto na samesuti gatha. Tattha na vadateti "sadisohamasmi"ti- adina manavasena samesupi attanam na vadati omesupi ussesupi. Nadeti na nirassatiti rupadisu kanci dhammam na ganhati na nissajjati. Sesam sabbattha pakatameva. Evam arahattanikutena desanam nitthapesi, desanapariyosane pancasata sakiyakumara ca koliyakumara ca ehibhikkhupabbajjaya pabbajita, te gahetva bhagava mahavanam pavisiti. Paramatthajotikaya khuddakatthakathaya suttanipatatthakathaya attadandasuttavannana nitthita. ---------------------

The Pali Atthakatha in Roman Book 29 page 410-414. http://84000.org/tipitaka/atthapali/read_rm.php?B=29&A=9223&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=29&A=9223&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=422 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=10675 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=10746 The Pali Tipitaka in Roman Character :- http://84000.org/tipitaka/read/roman_read.php?B=25&A=10746 Contents of The Tipitaka Volume 25 http://84000.org/tipitaka/read/?index_25