AtthaPali Vol.30

12. Dutiyapatibbatavimanavannana veluriyathambhanti dutiyapatibbatavimanam. Tassa ka uppatti? savatthiyam kira annatara upasika patibbata hutva saddha pasanna panca silani suvisuddhani katva rakkhi, yathavibhavanca danani adasi, sa kalam katva tavatimsabhavane uppajji. Sesam hettha vuttanayameva. [101] "veluriyathambham ruciram pabhassaram vimanamaruyha anekacittam @Footnote: ¹ Si. patitthanam

--------------------------------------------------------------------------------------------- page63.

Tattha'cchasi devi mahanubhave uccavaca iddhi vikubbamana. Ima ca te accharayo samantato naccanti gayanti pamodayanti ca. [102] Deviddhipattasi mahanubhave manussabhuta kimakasi punnam kenasi evanjalitanubhava vanno ca te sabbadisa pabhasati"ti pucchi. [103] Sa devata attamana moggallanena pucchita panham puttha viyakasi yassa kammassidam phalam. [104] "aham manussesu manussabhuta upasika cakkhumato ahosim panatipata virata ahosim loke adinnam parivajjayissam. [105] Amajjapa napi ^1- musa abhanim ^2- sakena samina ^3- ahosim tuttha annanca pananca pasannacitta sakkacca danam vipulam adasim. [106] Tena me'tadiso vanno tena me idha mijjhati uppajjanti ca me bhoga ye keci manaso piya. @Footnote: ¹ cha.Ma. no ca ² Si. abhasim ³ Si. saminava

--------------------------------------------------------------------------------------------- page64.

[107] Akkhami te bhikkhu mahanubhava manussabhuta yamakasi ^1- punnam tenamhi evanjalitanubhava vanno ca me sabbadisa pabhasati"ti vissajjesi. #[101] Tattha veluriyathambhanti veluriyamanimayathambham. Ruciranti ramaniyam. Pabhassaranti ativiya bhasuram. Uccavacati ucca ca avaca ca. Vividhati attho. #[104-5] Upasikati saranagamanena upasikalakkhane thita. Vuttam hi:- "yato kho mahanama ariyasavako buddham saranam gato hoti, dhammam saranam gato hoti, samgham saranam gato hoti, ettavata kho mahanama ariyasavako upasako hoti"ti. ^2- Cakkhumatoti pancahi cakkhuhi cakkhumato buddhassa bhagavato. Evam upasikabhava- kittanena asayasuddhim dassetva payogasuddhim dassetum "panatipata virata"tiadi vuttam. Tattha sakena samina ahosim tutthati micchacara veramanim aha. Sesam hettha vuttasadisameva. Dutiyapatibbatavimanavannana nitthita. ---------------- @Footnote: ¹ ka. yamaham akasim ² sam.maha. 19/1033/343

The Pali Atthakatha in Roman Book 30 page 62-64. http://84000.org/tipitaka/atthapali/read_rm.php?B=30&A=1347&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=1347&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=12 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=300 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=330 The Pali Tipitaka in Roman Character :- http://84000.org/tipitaka/read/roman_read.php?B=26&A=330 Contents of The Tipitaka Volume 26 http://84000.org/tipitaka/read/?index_26