AtthaPali Vol.30

33. 5. Guttilavimanavannana sattatantim sumadhuranti guttilavimanam. Tassa ka uppatti? bhagavati rajagahe viharante ayasma mahamoggallano hettha vuttanayeneva devacarikam caranto tavatimsabhavanam gantva tattha patipatiya thitesu chattimsaya vimanesu chattimsa devadhitaro paccekam accharasahassaparivara mahatim dibbasampattim anubhavantiyo disva tahi pubbe katakammam "abhikkantena vannena"tiadihi tihi gathahi patipatiya pucchi. Tapi tassa pucchanantaram "vatthuttamadayika nari"tiadina byakarimsu. Atha thero tato manussalokam agantva bhagavato etamattham arocesi. Tam sutva bhagava "moggallana ta devata na kevalam taya eva pucchita evam byakarimsu, atha kho pubbe mayapi pucchita evameva byakarimsu"ti vatva therena yacito atitam attano guttilacariyam kathesi. Atite baranasiyam brahmadatte rajjam karente bodhisatto gandhabbakule nibbattitva gandhabbasippe pariyodatasippataya timbarunaradasadiso ^1- sabbadisasu pakato pannato acariyo ahosi namena guttilo nama. So andhe jinne matapitaro posesi. ^2- Tassa sippanipphattim sutva ujjenivasi musilo ^3- nama gandhabbo @Footnote: ¹ Ma. timbarunasadiso, i. timbarunadasadiso ² Si.i. poseti ³ Si.i. musilo

--------------------------------------------------------------------------------------------- page156.

Upagantva tam vanditva ekamantam thito "kasma agatosi"ti ca vutte "tumhakam santike sippam ugganhitun"ti aha. Guttilacariyo tam oloketva lakkhanakusalataya "ayam puriso visamajjhasayo kakkhalo pharuso akatannu bhavissati, na sangahetabbo"ti sippuggahanattham okasam nakasi. So tassa matapitaro payirupasitva tehi yacapesi. Guttilacariyo matapituhi nippiliyamano "garuvacanam alanghaniyan"ti tassa sippam patthapetva vigatamacchariyataya karunikataya ca acariyamutthim akatva anavasesato sippam sikkhapesi. Sopi medhavitaya pubbekataparicayataya akusitataya ca na cirasseva pariyodatasippo hutva cintesi "ayam baranasi jambudipe agganagaram, yannunaham idha sarajikaya parisaya sippam dasseyyam, evaham acariyatopi jambudipe pakato pannato bhavissami"ti. So acariyassa arocesi "aham ranno purato sippam dassetukamo, rajanam mam dassetha"ti. Mahasatto "ayam mama santike uggahitasippo patittham labhatu"ti karunayamano tam ranno santikam netva "maharaja imassa me antevasikassa vinaya pagunatam ^1- passatha"ti aha. Raja "sadhu"ti patissunitva tassa vinavadanam sutva parituttho tam ^2- gantukamam nivaretva "mameva santike vasa, acariyassa dinnakotthasato upaddham dassami"ti aha. Musilo "naham acariyato hayami, samameva detha"ti vatva ranna "ma evam bhani, acariyo nama mahanto, upaddhameva tuyham dassami"ti vutte "mama ca acariyassa ca sippam passatha"ti vatva rajagehato nikkhamitva "ito sattame divase mama ca guttilacariyassa ca rajangane sippadassanam bhavissati, tam passitukama passantu"ti tattha tattha ahindanto ugghosesi. @Footnote: ¹ Si. vinapagunatam ² Ma. paratthanam

--------------------------------------------------------------------------------------------- page157.

Mahasatto tam sutva "ayam taruno thamava, aham pana jinno dubbalo, yadi pana me parajayo bhaveyya, matam me jivita seyyam, tasma arannam pavisitva ubbandhitva marissami"ti arannam gato maranabhayatajjito patinivatti. Puna maritukamo hutva gantva punapi maranabhayena patinivatti. Evam gamanagamanam karontassa tam thanam vigatatinam ahosi. Atha devaraja mahasattam upasankamitva dissamanarupo akase thatva evamaha "acariya kim karosi"ti. Mahasatto 1-:- [327] "sattatantim sumadhuram ramaneyyam avacayim so mam rangamhi avheti saranam me hohi kosiya"ti attano cittadukkham pavedesi. Tassattho:- aham devaraja musilam nama antevasikam sattannam tantinam atthitaya ^2- chajjadisattavidhasaradipanato ca sattatantim, tam visayam katva yatharaham dvavisatiya sutibhedanam ahapanato sutthu madhuranti sumadhuram, yathadhigatanam samapannasaya mucchananam paribyattataya sarassa ca vinaya ca annamannasamsandanena sunantanam ativiya manoramabhavato ramaneyyam saragatadivibhagato chajjadicatubbidham gandhabbam ahapetva gandhabbasippam avacayinti vacesim ugganhapesim sikkhapesim, so musilo antevasi samano mam attano acariyam rangamhi rangamandale avheti sarambhavasena attano visesam dassetum sanghattiyati, ^3- "ehi sippam dassehi"ti mam acikkhi ^4- tassa me tvam kosiya devaraja saranam avassayo hohiti. Tam sutva sakko devaraja "ma bhayi acariya, aham te saranam parayanan"ti dassento:- @Footnote: ¹ Si. mahasatto tam sutva sakakammam pakatam karonto imam gathamaha ² Ma. avaditaya @^3. Si. rangamhi ⁴ Si. adhikkhipati

--------------------------------------------------------------------------------------------- page158.

[328] "aham te saranam homi ahamacariyapujako na tam jayissati sisso sissamacariya jessasi"ti aha. Sakkassa kira devaranno purimattabhave mahasatto acariyo ahosi. Tenaha "ahamacariyapujako"ti. Aham acariyanam pujako, na musilo viya yugaggahi, madisesu antevasikesu thitesu tadisassa acariyassa katham parajayo, tasma na tam jayissati sisso, annadatthu sissam musilam acariya tvameva jayissasi, so pana parajito vinasam ^1- papunissatiti adhippayo. Evanca pana vatva "aham sattame divase sakacchamandalam agamissami, tumhe vissattha vadetha"ti samassasetva gato. Sattame pana divase raja saparivaro rajasabhayam nisidi. Guttilacariyo ca musilo ca sippadassanattham sajja hutva upasankamitva rajanam vanditva attano attano laddhasane nisiditva vina vadayimsu. Sakko agantva antalikkhe atthasi, tam mahasattova passati, itare pana na passanti. Parisa dvinnampi vadane samacitta ahosi. Sakko guttilam "ekam tantim chinda"ti aha. Chinnayapi tantiya vina tatheva madhuranigghosa ahosi. Evam "dutiyam, tatiyam, catuttham, pancamam, chattham, sattamam chinda"ti aha, tasu chinnasupi vina madhuranigghosava ahosi. Tam disva musilo parajitabhutarupo pattakkhandho ahosi, parisa hatthatuttha celukkhepe karonti guttilassa sadhukaramadasi. Raja musilam sabhaya niharapesi, mahajano leddudandadihi paharanto musilam tattheva jivitakkhayam papesi. Sakko devanamindo mahapurisena saddhim sammodaniyam katva devalokameva gato. Tam devata "maharaja kuhim gatattha"ti pucchitva tam pavattim sutva "maharaja mayam guttilacariyam passissama, sadhu no tam idhanetva dassehi"ti ahamsu. Sakko @Footnote: ¹ Si. parabhuto nidhanam, i. parajayabhutopi vinasam

--------------------------------------------------------------------------------------------- page159.

Devanam vacanam sutva matalim anapesi "gaccha vejayantarathena amhakam guttilacariyam anehi, devata tam dassanakama"ti, so tatha akasi. Sakko mahasattena saddhim sammodaniyam katva evamaha "acariya vinam vadaya, devata sotukama"ti. Mayam sippupajivino, vetanena vina sippam na dassemati. Kidisam pana vetanam icchasiti. "nannena me vetanena kiccam atthi, imasam pana devatanam attana attana pubbekatakusalakathanameva me vetanam hotu"ti aha. Ta "sadhu"ti sampaticchimsu. Atha mahasatto patekkam tahi tada patiladdhasampattikittanamukhena tassa hetubhutam purimattabhave katam sucaritam ayasma mahamoggallano viya pucchanto "abhikkantena vannena"tiadi gathahi pucchi. Tapi "vatthuttamadayika nari"tiadina yatha etarahi therassa, evameva tassa byakarimsu. Tena vuttam "moggallana ta devata na kevalam taya eva pucchita evam byakarimsu, atha kho pubbe mayapi pucchita evameva byakarimsu"ti. Ta kira itthiyo kassapasammasambuddhakale manussattabhave thita tam tam punnam akamsu. ^1- Tattha eka atthi vattham adasi, eka sumanamalam, eka gandham, eka ularani phalani, eka ucchurasam, eka bhagavato cetiye gandhapancangulikam adasi, eka uposatham upavasi, eka upakatthaya velaya navaya bhunjantassa bhikkhuno udakam adasi, eka kodhananam sassusasuranam akkodhana upatthanam akasi, eka dasi hutva atanditacara ahosi, eka pindacarikassa bhikkhuno khirabhattam adasi, eka phanitam adasi, eka ucchukhandam adasi, eka timbarusakam adasi, eka kakkarikam adasi, eka elalukam adasi, ekam valliphalam adasi, eka pharusakam adasi, eka angarakapallam adasi, eka sakamutthim ^2- adasi, eka pupphakamutthim @Footnote: ¹ Si. manussattabhave thatva tani tani punnani katva tavatimsabhavane paccekam @accharasahassaparivara sakakassa devaranno paricarika hutva patipatiya thitesu @chattimsadevavimanesu nibbattitva buddhananenapi paricchinditumasakkuneyyam mahatim @devavibhutimanubhavanti ² i. salukamutthim

--------------------------------------------------------------------------------------------- page160.

Adasi, eka mulakalapam adasi, eka nimbamutthim ^1- adasi, eka kanjikam adasi, eka tilapinnakam adasi, eka kayabandhanam adasi, eka amsabaddhakam adasi, eka ayogapattam adasi, eka vidhupanam, eka talavantam, eka morahattham, eka chattam, eka upahanam, eka puvam, eka modakam, eka sakkhalikam adasi. Ta ekeka accharasahassaparivara mahatiya deviddhiya virajamana tavatimsabhavane sakkassa devarajassa paricarika hutva nibbatta guttilacariyena pucchita "vatthuttamadayika nari"tiadina attana attana katakusalam patipatiya byakarimsu. [329] "abhikkantena vannena ya tvam titthasi devate obhasenti disa sabba osadhi viya taraka. [330] Kena te'tadiso vanno kena te idha mijjhati uppajjanti ca te bhoga ye keci manaso piya. [331] Pucchami tam devi mahanubhave manussabhuta kimakasi punnam kenasi evanjalitanubhava vanno ca te sabbadisa pabhasati"ti. [332] Sa devata attamana moggallanena pucchita panham puttha viyakasi yassa kammassidam phalam. [333] "vatthuttamadayika nari pavara hoti naresu narisu evam piyarupadayika manapam dibbam sa labhate upecca thanam. @Footnote: ¹ Si.i. nimbapalasamutthim

--------------------------------------------------------------------------------------------- page161.

[334] Tassa me passa vimanam acchara kamavanninihamasmi accharasahassassaham pavara passa punnanam vipakam. [335] Tena me'tadiso vanno tena me idha mijjhati uppajjanti ca me bhoga ye keci manaso piya. [336] Akkhami te bhikkhu mahanubhava manussabhuta yamakasi punnam tenamhi evanjalitanubhava vanno ca me sabbadisa pabhasati"ti. ^1- Itaram caturavimanam yatha vatthuttamadayikavimanam, tatha vittharetabbam. ^1- [341] Pupphuttamadayika nari pavara hoti naresu narisu .pe. Tenamhi evanjalitanubhava vanno ca me sabbadisa pabhasati"ti. [349] Gandhuttamadayika nari pavara hoti naresu narisu .pe. [357] Phaluttamadayika nari pavara hoti naresu narisu .pe. [365] Rasuttamadayika nari pavara hoti naresu narisu .pe. [373] Gandhapancangulikam ahamadasim kassapassa bhagavato thupamhi .pe. @Footnote: ^1-1 cha.Ma. yatha ca ettha, evam upari sabbavimanesu vittharetabbam

--------------------------------------------------------------------------------------------- page162.

^1- Itaram caturavimanam yatha gandhapancangulikadayikavimanam, tatha vittharetabbam. ^1- [381] Bhikkhu ca aham bhikkhuniyo ca addasasim panthapatipanne tesaham dhammam sutvana ekuposatham upavasissam. [382] Tassa me passa vimanam .pe. [389] Udake thita udakamadasim bhikkhuno cittena vippasannena .pe [397] Sassuncaham sasuranca candike kodhane ca pharuse ca anusuyika upatthasim appamatta sakena silena .pe. [405] Parakammakari ^2- asim atthenatandita dasi akkodhana'natimanini samvibhagini sakassa bhagassa .pe. [413] Khirodanam ahamadasim bhikkhuno pindaya carantassa evam karitva kammam sugatim upapajja modami .pe. ^1- Itaram pancavisativimanam yatha khirodanadayikavimanam, tatha vittharetabbam. ^1- [421] Phanitam ahamadasim .pe. [429] Ucchukhandikam ahamadasim .pe. [437] Timbarusakam ^3- ahamadasim .pe. [445] Kakkarikam ahamadasim .pe. [453] Elalukam ahamadasim .pe. @Footnote: ^1-1 cha.Ma. ime patha na dissanti ² i.,ka. parakammakari ⁷ ka. timbarusakam

--------------------------------------------------------------------------------------------- page163.

[461] Valliphalam ahamadasim .pe. [469] Pharusakam ahamadasim .pe. [477] Hatthappatapakam ahamadasim .pe. [485] Sakamutthim ahamadasim .pe. [493] Pupphakamutthim ahamadasim .pe. [501] Mulakam ahamadasim .pe. [509] Nimbamutthim ahamadasim .pe. [517] Ambakanjikam ahamadasim .pe. [525] Doninimmajjanim ahamadasim .pe. [533] Kayabandhanam ahamadasim .pe. [541] Amsabaddhakam ^1- ahamadasim .pe. [549] Ayogapattam ahamadasim .pe. [557] Vidhupanam ahamadasim .pe. [565] Talavantam ahamadasim .pe. [573] Morahattham ahamadasim .pe. @Footnote: ¹ Si. amsavattakam

--------------------------------------------------------------------------------------------- page164.

[581] Chattam ahamadasim .pe. [589] Upahanam ahamadasim .pe. [597] Puvam ahamadasim .pe. [605] Modakam ahamadasim .pe. [613] Sakkhalikam ^1- ahamadasim bhikkhuno pindaya carantassa .pe. [614] Tassa me passa vimanam acchara kamavanninihamasmi accharasahassassaham pavara passa punnanam vipakam. [615] Tena me'tadiso vanno .pe. Vanno ca me sabbadisa pabhasati"ti. Evam mahasatto tahi devatahi katasucarite byakate tutthamanaso sammodanam karonto attano ca sucaritacarane yuttapayuttatam vivattajjhasayatanca pavedento aha:- [617] "svagatam vata me ajja suppabhatam suhutthitam yam addasami ^2- devatayo acchara kamavanniniyo. ^3- @Footnote: ¹ Si.,ka. sakkhalim ² Si. addasam, i. addasasim ³ Si. kamavanniyo

--------------------------------------------------------------------------------------------- page165.

[618] Imasaham dhammam sutva kahami kusalam bahum danena samacariyaya sannamena damena ca svaham tattha gamissami yattha gantva na socare"ti. #[333] Tattha vatthuttamadayikati vatthanam uttamam settham, vatthesu va bahusu uccinitva gahitam ukkamsagatam pavaram kotibhutam vattham vatthuttamam, tassa dayika. "pupphuttamadayika"tiadisupi eseva nayo. Piyarupadayikati piyasabhavassa piyajatikassa ca vatthuno dayika. Manapanti manavaddhanakam. Dibbanti divi bhavatta dibbam. Upeccati upagantva cetetva, "edisam labheyyan"ti pakappetvati attho. Thananti vimanadikam thanam, issariyam va. "manapa"tipi patho, annesam manavaddhanaka hutvati attho. #[334] Passa punnanam vipakanti vatthuttamadanassa nama idamidisam phalam passati attana laddhasampattim sambhaventi vadati. #[341] Pupphuttamadayikati ratanattayapujavasena pupphuttamadayika, tatha gandhuttamadayikati datthabba. Tattha pupphuttamam sumanapupphadi, gandhuttamam candanagandhadi, phaluttamam panasaphaladi, rasuttamam gorasasappiadi veditabbam. #[373] Gandhapancangulikanti gandhena pancangulikadanam. Kassapassa bhagavato thupamhiti kassapasammasambuddhassa yojanike kanakathupe. #[381] Panthapatipanneti maggam gacchante. Ekuposathanti ekadivasam uposathavasam. #[389] Udakamadasinti mukhavikkhalanattham pivanatthanca udakam paniyam adasim. #[397] Candiketi cande. Anusuyikati usuya rahita.

--------------------------------------------------------------------------------------------- page166.

#[405] Parakammakariti ^1- paresam veyyavaccakarini. Atthenati atthakiccena. Samvibhagini sakassa bhagassati atthikanam attana patiladdhabhagassa samvibhajanasila. #[413] Khirodananti khirasammissam odanam, khirena saddhim odanam va. #[437] Timbarusakanti tindukaphalam. ^2- Tipusasadisa eka vallijati timbarusam. Tassa phalam timbarusakanti vadanti. #[445] Kakkarikanti khuddakelalukam tipusanti ca vadanti. #[477] Hatthappatapakanti mandamukhim. #[517] Ambakanjikanti ambilakanjikam. #[525] Doninimmajjaninti satelam tilapinnakam. #[557] Vidhupananti caturassavijanim. #[565] Talavantanti talapattehi katamandalavijanim. #[573] Morahatthanti mayurapinchehi ^3- katam makasavijanim. #[617] Svagatam vata meti mayham idhagamanam sobhanam vata aho sundaram. Ajja suppabhatam suhutthitanti ajja mayham rattiya sutthu pabhatam sammadeva vibhayanam jatam, sayanato utthanampi suhutthitam sutthu utthitam. Kim karanati aha "yam addasami devatayo"tiadi. @Footnote: ¹ Si.,ka. sakkhalim ² Si. addasam, i. addasasim ³ Si. kamavanniyo

--------------------------------------------------------------------------------------------- page167.

#[618] Dhammam sutvati kammaphalassa paccakkhakaranavasena tumhehi katam kusalam dhammam sutva. Kahamiti karissami. Samacariyayati kayasamacarikassa sucaritassa caranena. Sannamenati silasamvarena. Damenati manacchatthanam indriyanam damena. Idani tassa kusalassa attano lokassa ca vivattupanissayatam dassetum "svaham tattha gamissami, yattha gantva na socare"ti vuttam. Evamayam yadipi vatthuttamadayikavimanadivasena chattimsavimanasangaha desana ayasmato mahamoggallanassa viya guttilacariyassapi vibhavanavasena pavattati "guttilavimanan"tveva sangaham arulha, vimanani pana itthipatibaddhaniti itthivimaneyeva sangahitani. Ta pana itthiyo kassapassa dasabalassa kale yathavutta- dhammacarane aparaparuppannacetanavasena dutiyattabhavato patthaya ekam buddhantaram devaloke eva samsarantiyo amhakampi bhagavato kale tavatimsabhavaneyeva nibbatta ayasmata mahamoggallanena pucchita kammasarikkhataya guttilacariyena pucchitakale viya byakarimsuti datthabba. Guttilavimanavannana nitthita. -----------------

The Pali Atthakatha in Roman Book 30 page 155-167. http://84000.org/tipitaka/atthapali/read_rm.php?B=30&A=3304&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=3304&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=33 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=952 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=958 The Pali Tipitaka in Roman Character :- http://84000.org/tipitaka/read/roman_read.php?B=26&A=958 Contents of The Tipitaka Volume 26 http://84000.org/tipitaka/read/?index_26