|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
281. 4. Valliyattheragathavannana yam kiccam dalhaviriyenatiadika ayasmato valliyattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto sumedhassa bhagavato kale brahmanakule nibbattitva vinnutam patto vijjasippesu nipphattim gato asitikotivibhavam pahaya tapasapabbajjam pabbajitva pabbatapade arannayatane ekissa nadiya tire assamam karetva viharanto attano anug- ganhanattham upagatam sattharam disva pasannamanaso ajinacammam pattharitva adasi. Tattha nisinnam bhagavantam pupphahi ca candanena ca pujetva ambaphalani datva pancapatitthitena vandi. Tassa bhagava nisinnasanasampattim pakasento anumodanam vatva pakkami. So tena punnakammena devamanussesu samsaranto imasmim buddhuppade vesaliyam brahmanakule nibbattitva "kanhamitto"ti 1- laddhanamo vayappatto satthu vesaligamane buddhanubhavam disva patiladdhasaddho mahakaccanattherassa 2- santike pabbaji. So mandapanno dandhaparakkamo ca hutva ciram kalam vinnum sabrahmacarim nissayeva vasati. Bhikkhu "yatha nama valli rukkhadisu kinci anissaya vaddhitum na sakkoti, evamayampi kanci panditam anissaya vaddhitum na sakkoti"ti valliyotveva samudacarimsu. Aparabhage pana venudattattheram upasankamitva tassa ovade thatva sato sampajano hutva viharanto nanassa paripakam gatatta patipattikkamam 3- theram pucchanto:- [167] "yam kiccam dalhaviriyena yam kiccam boddhumicchata 4- karissam navarajjhissam 5- passa viriyam parakkamam. @Footnote: 1 Si. gandimittoti 2 Si. mahakaccayanattherassa 3 i. patipattiparakkamam @4 pali. bodhu... 5 Si.,i. navarujjhissam--------------------------------------------------------------------------------------------- page450.
[168] Tavanca me maggamakkhahi anjasam amatogadham aham monena monissam gangasotova sagaran"ti gathadvayam abhasi. Tattha yam kiccam dalhaviriyenati dalhena viriyena thirena parakkamena, dalhaviriyena va purisadhorayhena yam kiccam katabbam patipajjitabbam. Yam kiccam boddhumicchatati cattari ariyasaccani nibbanameva va boddhum bujjhitum icchantena pativijjhitukamena yam kiccam karaniyam. Karissam navarajjhissanti tamaham dani karissam na viradhessam, 1- yathanusittham patipajjissami. Passa viriyam parakkamanti yatha patipajjamane dhamme vidhina 2- iranato 3- "viriyam", param param thanam 4- akkamanato "parakkamo"ti ca laddhanamam sammavayamam passa na saddhamevati 5- attano kattukamatam dasseti. Tavancati kammatthanadayakam kalyanamittam alapati. Meti mayham. Maggamakkhahiti ariyamaggam kathehi, lokuttaramaggasampapakam catusaccakammatthanam kathehiti attho. Anjasanti ujukam majjhimapatipadabhavena antadvayassa anupagamanato. Amate nibbane sampapakabhavena patitthitatta amatogadham. Monenati nanena maggapannaya. 6- Monissanti janissam nibbanam pativijjhissam papunissam. Gangasotova sagaranti yatha gangaya soto sagaram samuddam avirajjhanto 7- ekamsato ogahati, evam "aham kammatthanam anuyunjanto maggananena nibbanam adhigamissami, tasma tam kammatthanam me acikkhatha"ti theram kammatthanam yaci. Tam sutva venudattatthero tassa kammatthanam adasi. Sopi kammatthanam anuyunjanto na cirasseva vipassanam ussukkapetva arahattam papuni. Tena vuttam @Footnote: 1 Si. na dhamme viradhessam, Ma.na virodhessam 2 Si. yathapatipajjamanavidhina @3 Si.,i. karanato 4 Si. padatthanam 5 Si. passana saddamevati, @ Ma. passa nam tadatthamevati 6 Si. monenati maggapannaya 7 Si.,i. avirajjhantova--------------------------------------------------------------------------------------------- page451.
Apadane 1- :- "pancakamagune hitva piyarupe manorame asiti kotiyo hitva pabbajim anagariyam. Pabbajitvana kayena papakammam vivajjayim vaciduccaritam hitva nadikule vasamaham. Ekekam 2- mam viharantam buddhasettho upagami naham janami buddhoti akasim patisantharam. Karitva patisantharam namagottamapucchaham devata nusi gandhabbo adu 3- sakko purindado. Ko va tvam kassa va putto mahabrahma idhagato virocesi disa sabba udayam suriyo yatha. Sahassarani cakkani pade dissanti marisa ko va tvam kassa va putto katham janemu tam mayam. Namagottam pavedehi samsayam apanehi me namhi devo na gandhabbo namhi sakko purindado. Brahmabhavo ca me natthi etesam uttamo aham atito visayam tesam dalayim kamabandhanam. Sabbe kilese jhapetva patto sambodhimuttamam tassa vacam sunitvaham idam vacanamabravim. Yadi buddhosi sabbannu nisida tvam mahamuni tamaham pujayissami dukkhassantakaro tuvam. Pattharitva jinacammam adasi satthuno aham @Footnote: 1 khu.apa. 33/75/107 candanamaliyattherapadana (sya) 2 cha.Ma. ekakam 3 cha.Ma. adu--------------------------------------------------------------------------------------------- page452.
Nisidi tattha bhagava sihova girigabbhare. Khippam pabbatamaruyha ambassa phalamaggahim salakalyanikam puppham candananca maharaham. Khippam paggayha tam sabbam 1- upetva lokanayakam phalam buddhassa datvana salapupphamapujayim. Candanam anulimpitva avandim satthuno aham pasannacitto sumano vipulaya ca pitiya. Ajinamhi nisiditva sumedho lokanayako mama kammam pakittesi hasayanto mamam tada. 2- Imina phaladanena gandhamalehi cubhayam pancavise kappasate devaloke ramissati. Anunamanasankappo vasavatti bhavissati chabbisatikappasate manussattam gamissati. Bhavissati cakkavatti caturanto mahiddhiko vekaram 3- nama nagaram vissakammena mapitam. Hessati sabbasovannam nanaratanabhusitam eteneva upayena samsarissati yoniyo. 4- Sabbattha sukhito 5- hutva devatte atha manuse pacchime bhave sampatte brahmabandhu bhavissati. Agara abhinikkhamma anagari bhavissati abhinnaparagu 6- hutva nibbayissatinasavo. Idam vatvana sambuddho sumedho lokanayako @Footnote: 1 Si. tam puppham 2 Si. hasayantova mam sada 3 cha.Ma. vebharam 4 cha.Ma. so bhave @5 cha.Ma. pujito 6 pali. avinnattipaccayo--------------------------------------------------------------------------------------------- page453.
Mama nijjhayamanassa pakkami anilanjase. 1- Tena kammena sukatena cetanapanidhihi ca jahitva manusam deham tavatimsamagacchaham. 1- Tusitato cavitvana nibbattim matukucchiya bhoge me unata natthi yamhi gabbhe vasamaham. Matukucchigate mayi annapananca bhojanam matuya mama chandena nibbattati yadicchakam. Jatiya pancavassena pabbajim anagariyam oropitamhi kesamhi arahattamapapunim. Pubbakammam gavesanto orena naddasam aham timsakappasahassamhi mama kammamanussarim. Namo te purisajanna namo te purisuttama tava sasanamagamma pattomhi acalam padam. Timsakappasahassamhi yam buddhamabhipujayim 2- duggatim nabhijanami buddhapujayidam phalam. Kilesa jhapita mayham .pe. katam buddhassa sasanan"ti. Arahattam pana patva annam byakaronto thero imayeva gatha abhasiti. Valliyattheragathavannana nitthita. --------------- @Footnote: 1-1 Si. ime patha na dissanti 2 pali. sambuddhamabhipujayimThe Pali Atthakatha in Roman Book 32 page 449-453. http://84000.org/tipitaka/atthapali/read_rm.php?B=32&A=10039&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=10039&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=281 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5838 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5990 The Pali Tipitaka in Roman Character :- http://84000.org/tipitaka/read/roman_read.php?B=26&A=5990 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]