|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
140. 3. Kankharevatattheragathavannana pannam imam passati ayasmato kankharevatassa gatha. Ka uppatti? ayampi thero padumuttarabhagavato kale hamsavatinagare brahmanamahasalakule nibbattito. Ekadivasam buddhanam dhammadesanakale hettha vuttanayena mahajanena saddhim viharam gantva parisapariyante thito dhammam sunanto sattharam ekam bhikkhum jhanabhiratanam aggatthane thapentam disva "mayapi anagate evarupena bhavitum vattati"ti cintetva desanavasane sattharam nimantetva hettha vuttanayena mahasakkaram katva bhagavantam aha "bhante aham imina adhikarakammena annam sampattim na patthemi, yatha pana so bhikkhu tumhehi ito sattamadivasamatthake jhayinam aggatthane thapito, evam ahampi anagate ekassa buddhassa sasane jhayinam aggo bhaveyyan"ti patthanamakasi. Sattha anagatam oloketva nipphajjanabhavam disva "anagate kappasata- sahassavasane gotamo nama buddho uppajjissati, tassa sasane tvam jhayinam aggo bhavissasi"ti byakaritva pakkami. So yavajivam kalyanakammam katva kappasatasahassam devamanussesu samsaritva amhakam bhagavato kale savatthinagare mahabhogakule nibbatto pacchabhattam dhammassavanattham gacchantena mahajanena saddhim viharam gantva parisapariyante thito dasabalassa dhammakatham sutva patiladdhasaddho pabbajitva upasampadam labhitva kammatthanam kathapetva jhanaparikammam karonto jhanalabhi hutva jhanam 1- padakam katva arahattam papuni. So yebhuyyena dasabalena samapajjitabbasamapattim samapajjanto ahorattam jhanesu cinnavasi ahosi. Atha nam sattha "etadaggam @Footnote: 1 Si. jhanameva--------------------------------------------------------------------------------------------- page47.
Bhikkhave mama savakanam bhikkhunam jhayinam yadidam kankharevato"ti 1- jhayinam aggatthane thapesi. Vuttampi cetam apadane:- 2- "padumuttaro nama jino sabbadhammesu cakkhuma ito satasahassamhi kappe uppajji nayako. Sihahanu brahmagiro 3- hamsadundubhinissano 4- nagavikkantagamano candasuradhikappabho. Mahamati mahaviro mahajhayi mahabalo mahakaruniko natho mahatamaviddhamsano. 5- Sa kadaci tilokaggo veneyyam vinayam 6- bahum dhammam desesi sambuddho sattasayavidu muni. Jhayim jhanaratam viram upasantam anavilam vannayanto parisatim tosesi janatam jino. Tadaham hamsavatiyam brahmano vedaparagu dhammam sutvana mudito tam thanamabhipatthayim. Tada jino viyakasi samghamajjhe vinayako mudito hohi tvam brahme lacchase tam manoratham. Satasahassito kappe okkakakulasambhavo gotamo nama gottena sattha loke bhavissati. Tassa dhammesu dayado oraso dhammanimmito revato nama namena hessati satthu savako. Tena kammena sukatena cetanapanidhihi ca jahitva manusam deham tavatimsamagacchaham. @Footnote: 1 an.ekaka. 20/204/24 etadaggavagga: dutiyavagga 2 khu.apa. 33/132/222 (sya) @3 Si. brahmasaro 4 Si....bhinissaro 5. Si. mahatamavinodano, cha.Ma. mahatamapanudano @6 Si. veneyyavinaye, Ma. vinaye pitake vinayam pitakam--------------------------------------------------------------------------------------------- page48.
Pacchime ca bhave dani jatoham koliye pure khattiye kulasampanne iddhe phite mahaddhane. Yada kapilavatthusmim buddho dhammamadesayi tada pasanno sugate pabbajim anagariyam. Kankha me bahula 1- asi kappakappe tahim tahim sabbam tam vinayi buddho desetva dhammamuttamam. Tatoham tinnasamsaro tada jhanasukhe rato viharami tada buddho mam disva etadabravi. Ya kaci kankha idha va huram va savediya 2- va paravediya va ye jhayino ta pajahanti sabba atapino brahmacariyam caranta. Satasahasse katam kammam phalam dassesi me idha sumutto saravegova kilese jhapayim mama. Tato jhanaratam disva buddho lokantagu muni jhayinam bhikkhunam aggo pannapesi mahamati. Kilesa jhapita mayham bhava sabbe samuhata nagova bandhanam chetva viharami anasavo. Svagatam vata me asi mama buddhassa santike tisso vijja anuppatta katam buddhassa sasanam. Patisambhida catasso vimokkhapi ca atthime chalabhinna sacchikata katam buddhassa sasanan"ti. 3- @Footnote: 1 Si. bahuso 2 apadanapali. sakavediya 3 Ma. buddhanusasananti--------------------------------------------------------------------------------------------- page49.
Tatha katakicco panayam mahathero pubbe digharattam attano kankhapakatacittatam idani sabbaso vigatakankhatanca paccavekkhitva "aho nuna mayham satthuno desana- nubhavo, tenetarahi evam vigatakankho ajjhattam vupasantacitto jato"ti sanjata- bahumano bhagavato pannam pasamsanto:- 1- "pannam imam passa tathagatanam aggi yatha pajjalito nisithe 2- alokada cakkhudada bhavanti ye agatanam vinayanti kankhan"ti imam gathamaha. 1- [3] Tattha pannanti pakarehi 3- janati, pakarehi napetiti ca panna. Veneyyanam asayanusayacariyadhimuttiadippakare dhammanam kusaladike khandhadike ca desetabbappakare janati, yathasabhavato pativijjhati, tehi ca pakarehi napetiti attho. Satthu desananananhi idhadhippetam, tenaha "iman"ti. Tam hi attani siddhena desanabalena nayaggahato paccakkham viya upatthitam gahetva "iman"ti vuttam. Yadaggena va satthu desanananam savakehi nayato gayhati, tadaggena attano visaye pativedhananampi nayato gayhateva. Tenaha ayasma dhammasenapati "apica me bhante dhammanvayo vidito"ti. 4- Passati vimhayappatto aniyamato alapati attanoyeva va 5- cittam, yathaha bhagava udanento "lokamimam passa 6- puthu avijjaya pareta bhuta bhutarata va 7- aparimutta"ti. 8- Tathagatananti tatha agamanadiatthena 9- tathagatanam. Tatha agatoti hi tathagato, tatha gatoti tathagato, tathalakkhanam @Footnote: 1-1 cha.Ma. "pannam imam passa"ti imam gathamaha 2 ka.,i. nisive, nissivetipi @3 cha.Ma. pakare 4 di.maha. 10/146/75 mahaparinibbanasutta, @ di.pati. 11/143/86 sampasadaniyasutta 5 Si. va-saddo na dissati 6 Ma. passatha @7 ka. paretam bhutam bhutaratam bhava 8 khu.udana. 25/30/137 lokasutta 9 Si....atthehi--------------------------------------------------------------------------------------------- page50.
Agatoti tathagato, tathadhamme yathavato 1- abhisambuddhoti tathagato, tathadassitaya tathagato, tathavaditaya 2- tathagato, tathakaritaya tathagato, abhibhavanatthena tathagatoti evam atthahi karanehi bhagava tathagato. Tathaya agatoti tathagato, tathaya gatoti tathagato, tathalakkhanam gatoti tathagato, tathani agatoti tathagato, tathavidhoti tathagato, tatha pavattitoti tathagato, tathehi agatoti tathagato, tatha gatabhavena tathagatoti evampi atthahi karanehi bhagava tathagatoti ayamettha sankhePo. Vittharo pana paramatthadipaniya udanatthakathaya 3- itivuttakatthakathaya 4- ca vuttanayeneva veditabbo. Idani tassa pannaya asadharanavisesam dassetum "aggi yatha"tiadi vuttam. Yatha aggiti upamavacanam. Yathati tassa upamabhavadassanam. Pajjalitoti upameyyena sambandhadassanam. Nisitheti kiccakaranakaladassanam. Ayam hettha attho:- yatha nama nisithe rattiyam caturangasamannagate andhakare vattamane unnate thane pajjalito aggi tasmim padese tamakatam 5- vidhamantam titthati, evameva tathagatanam imam desana- nanasankhatam sabbaso veneyyanam 6- samsayatamam vidhamantam pannam passati. Yato desanavilasena sattanam nanamayam alokam dentiti alokada. Pannamayameva cakkhum dadantiti cakkhudada. Tadubhayampi kankhavinayapadatthanameva katva dassento "ye agatanam vinayanti kankhan"ti aha. Ye tathagata attano santikam agatanam 7- upagatanam veneyyanam "ahosim nu kho ahamatitamaddhanan"tiadinayappavattam 8- solasavatthukam, "buddhe kankhati dhamme kankhati"tiadinayappavattam 9- atathavatthukanca kankham vicikiccham vinayanti desananubhavena anavasesato vidhamanti viddhamsenti. Vinayakukkuccasankhata pana kankha tabbinayeneva vinita hontiti. @Footnote: 1 Si. yathavato 2 cha.Ma. tathavaditaya 3 pa.di.udana. hanra 160 suppavasasuttavannana @4 pa.di.iti. hanra 153 vitakkasuttavannana 5 cha.Ma. tamagatam 6 Ma. vineyyanam @7 ka. uppattitanam, Si. gatanam 8 Ma.mu. 12/18/11 sabbasavasutta, @sam.nidana. 16/20/26 paccayasutta 9 abhi.san. 34/1008/242 nikkhepakanda--------------------------------------------------------------------------------------------- page51.
Aparo nayo:- yatha aggi nisithe rattibhage pajjalito patutarajalo samujjalo 1- uccasane 2- thitanam obhasadanamattena andhakaram vidhamitva samavisamam vibhavento alokadado hoti, accasanne pana thitanam tam 3- supakatam karonto cakkhukiccakaranato cakkhudado nama hoti, evameva 4- tathagata attano dhammakayassa dure thitanam akatadhikaranam pannapajjotena mohandhakaram vidhamitva kayasamakayavisamadisamavisamam 5- vibhavento alokada bhavanti, asanne thitanam pana katadhikaranam dhammacakkhum uppadento cakkhudada bhavanti. Ye evambhuta attano vacigocaram agatanam madisanampi kankhabahulanam kankham vinayanti ariyamaggasamuppadanena vidhamanti, tesam tathagatanam pannam nanatisayam passati yojana. Evamayam therassa attano kankhavitaranappakasanena annabyakaranagathapi hoti. Ayam hi thero puthujjanakale kappiyepi kukkuccako hutva kankhabahulataya "kankharevato"ti pannato, paccha khinasavakalepi tatheva vohariyittha. 6- Tenaha "ittham sudam ayasma kankharevato gatham abhasittha"ti. Tam vuttatthameva. Kankharevatattheragathavannana nitthita. ------------------ @Footnote: 1 cha.Ma. samujjalam 2 Si. accasanne 3 Si. ayampatho na dissati 4 Si. evamevam @5 Ma. kayasamakayasamasamavisamam, cha.Ma. kayavisamadisamavisamam 6 cha.Ma. voharayitthaThe Pali Atthakatha in Roman Book 32 page 46-51. http://84000.org/tipitaka/atthapali/read_rm.php?B=32&A=1037&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=1037&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=140 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=4985 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5304 The Pali Tipitaka in Roman Character :- http://84000.org/tipitaka/read/roman_read.php?B=26&A=5304 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]