AtthaPali Vol.32

310. 4. Dhaniyattheragathavannana sukhance jivitum iccheti ayasmato dhaniyattherassa gatha. Ka uppatti? @Footnote: ¹ Ma. upari. 14/248/215 balapanditasutta ² Si.,i. bahu

--------------------------------------------------------------------------------------------- page535.

Ayampi purimabuddhesu katadhikaro tattha tattha bhave punnani upacinanto sikhissa bhagavato kale kulagehe nibbattitva vinnutam patto ekadivasam sattharam disva pasannamanaso nalamalaya pujam akasi. So tena punnakammena devamanussesu samsaranto imasmim buddhuppade rajagahe kumbhakarakule nibbattitva dhaniyoti laddhanamo vayappatto kumbhakarakammena jivati. Tena ca samayena sattha dhaniyassa kumbhakarassa salayam nisiditva pukkusatissa ^1- kulaputtassa chadhatuvibhangasuttam ^2- desesi. So tam sutva katakicco ahosi. Dhaniyo tassa parinibbutabhavam sutva "niyyanikam vata buddhasasanam, yattha ekarattiparicayenapi vattadukkhato muncitum sakka"ti patiladdha- saddho pabbajitva kutimandananuyutto viharanto kutikaranam paticca bhagavata garahito samghike senasane vasanto vipassanam vaddhetva arahattam papuni. Tena vuttam apadane ^3- :- "suvannavannam sambuddham ahutinam patiggaham pavanaggena ^4- gacchantam addasam lokanayakam. Nalamalam gahetvana nikkhamanto ca tavade ^5- tatthaddasasim sambuddham oghatinnamanasavam. Pasannacitto sumano nalamalamapujayim dakkhineyyam mahaviram sabbalokanukampakam. Ekatimse ito kappe yam pupphamabhiropayim ^6- duggatim nabhijanami buddhapujayidam phalam. Kilesa jhapita mayham .pe. katam buddhassa sasanan"ti. Arahattam pana patva ye bhikkhu dhutangasamadhanena attanam ukkamsetva @Footnote: ¹ Ma. pakkusatissa ² Ma.upari. 14/342/304 ³ khu.apa. 33/61/87 @nalamaliyattherapadan(sya) ⁴ cha.Ma. vipinaggena ⁵ Ma. tavadevaham ⁶ cha.Ma. malamabhiropayim

--------------------------------------------------------------------------------------------- page536.

Samghabhattadim sadiyante anne bhikkhu avajananti, tesam ovadadanamukhena annam byakaronto:- [228] "sukhance jivitum icche samannasmim apekkhava samghikam natimanneyya civaram panabhojanam. [229] Sukhance jivitum icche samannasmim apekkhava ahi musikasobbhamva sevetha sayanasanam. [230] Sukhance jivitum icche samannasmim apekkhava itaritarena tusseyya ekadhammanca bhavaye"ti tisso gatha abhasi. Tattha sukhance jivitum icche, samannasmim apekkhavati samannasmim samanabhave apekkhava sikkhaya tibbagaravo hutva sukham jivitum iccheyya ce, anesanam pahaya samannasukhena sace jivitukamoti attho. Samghikam natimanneyya, civaram panabhojananti samghato abhatam civaram aharam ^1- na avamanneyya, samghassa uppajjanaka- labho nama parisuddhuppado hotiti tam paribhunjantassa ajivaparisuddhisambhavena ^2- samannasukham hatthagatamevati adhippayo. Ahi musikasobbhamvati ahi viya musikaya khatabilam sevetha seveyya senasanam. Yatha nama sappo sayamattano asayam akatva musikaya annena va kate asaye vasitva yena kamam pakkamati, evamevam ^3- bhikkhu sayam senasanakarana sankilesam anapajjitva yattha katthaci vasitva pakkameyyati attho. Idani vutte avutte ca paccaye yathalabhasantoseneva samannasukham ^4- hoti, na annathati dassento aha "itaritarena tusseyya"ti, yena kenaci hinena @Footnote: ¹ Si.,i. agatam civaramaharanca ² Si.,i....sabhavena @³ Si. evameva ca ⁴ Si. samannam sukham

--------------------------------------------------------------------------------------------- page537.

Va panitena va yathaladdhena paccayena santosam apajjeyyati attho. Ekadhammanti appamadabhavam, tam hi anuyunjantassa ^1- anavajjam sabbam lokiyasukham lokuttarasukhanca hatthagatameva hoti. Tenaha bhagava "appamatto hi jhayanto, pappoti vipulam sukhan"ti. ^2- Dhaniyattheragathavannana nitthita. ----------------

The Pali Atthakatha in Roman Book 32 page 534-537. http://84000.org/tipitaka/atthapali/read_rm.php?B=32&A=11964&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=11964&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=310 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6080 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6202 The Pali Tipitaka in Roman Character :- http://84000.org/tipitaka/read/roman_read.php?B=26&A=6202 Contents of The Tipitaka Volume 26 http://84000.org/tipitaka/read/?index_26