บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
145. 8. Virattheragathavannana yo duddamayoti 1- ayasmato virattherassa gatha. Ka uppatti? ayam kira ito ekanavute kappe vipassissa bhagavato thapanaavasam 2- patijaggi. Ekadivasanca sindhuvarapupphasadisani niggundipupphani gahetva bhagavantam pujesi. So tena punnakammena devamanussesu samsaranto ito pancatimsakappe khattiyakule nibbattitva mahapatapo nama raja ahosi cakkavatti. So dhammena samena rajjam karento satte saggamagge patitthapesi. Puna imasmim kappe kassapassa bhagavato kale mahavibhavo setthi hutva kapanaddhikadinam danam dento samghassa khirabhattam adasi. Evam tattha tattha danamayam punnasambharam karonto itaranca nibbanattham sambharanto devamanussesu samsaritva imasmim buddhuppade savatthinagare ranno pasenadissa amaccakule nibbatti, "viro"tissa namam akamsu. So vayappatto namanuggatehi pattabalajavadigunehi samannagato sangamasuro hutva matapituhi nibandhavasena karite darapariggahe 3- ekamyeva puttam labhitva pubbahetuna codiyamano kamesu samsare ca adinavam disva samvegajato pabbajitva ghatento vayamanto na cirasseva chalabhinno ahosi. Tena vuttam apadane 4-:- "vipassissa bhagavato asimaramiko aham niggundipuppham paggayha buddhassa abhiropayim. Ekanavutito kappe yam pupphamabhipujayim duggatim nabhijanami buddhapujayidam phalam. Pancatimse 5- ito kappe eko asim janadhipo @Footnote: 1 cha.Ma. duddamiyo 2 cha.Ma. vasanaavasam 3 Si. karitena darapariggahena @4 khu. apa. 32/207/304 niggundipupphiyattherapadana (sya) 5 cha.Ma. pancavise Mahapatapanamena cakkavatti mahabbalo. Kilesa jhapita mayham .pe. Katam buddhassa sasanan"ti. Evam pana arahattam patva phalasamapattisukhena vitinamentam theram puranadutiyika uppabbajetukama antarantara nananayehi palobhetum parakkamanti 1- ekadivasam divaviharatthanam gantva itthikutadini 2- dassetum arabhi. Athayasma viro "mam palobhetukama sinerum makasapakkhavatena caletukama viya yava bala vatayam atthi"ti tassa kiriyaya niratthakabhavam dipento:- 3- "yo duddamayo damena danto viro santusito vitinnakankho vijitavi apetalomahamso vitarago parinibbuto thitatto"ti gatham abhasi. 3- [8] Tattha yo duddamayotiadinam padanam attho hettha vuttoyeva. Idam panettha yojanamattam:- yo pubbe adantakilesataya paccatthikehi va sangamasise dametum jetum asakkuneyyataya duddamayo, idani pana uttamena damena danto catubbidhasammappadhanaviriyasampattiya viro, vuttanayeneva santusito vitinna- kankho vijitavi apetalomahamso viro viranamako anavasesato kilesaparinibbanena parinibbuto, tatoeva thitasabhavo, na tadisanam satenapi sahassenapi calaniyoti. Tam sutva sa atthi "mayham samike evam patipanne 4- ko mayham gharavasena attho"ti samvegajata bhikkhunisu pabbajitva na cirasseva tevijja ahositi. Virattheragathavannana nitthita. @Footnote: 1 Si. upakkamanti 2 cha.Ma. itthikuttadini @3-3 cha.Ma. "yo duddamiyo"ti gatham abhasi 4 Si. patipajjanteThe Pali Atthakatha in Roman Book 32 page 73-74. http://84000.org/tipitaka/atthapali/read_rm.php?B=32&A=1654&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=1654&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=145 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5017 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5330 The Pali Tipitaka in Roman Character :- http://84000.org/tipitaka/read/roman_read.php?B=26&A=5330 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]