|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
173. 6. Kumaputtattheragathavannana sadhu sutanti ayasmato kumaputtattherassa gatha. Ka uppatti? so kira purimabuddhesu katadhikaro ito ekanavute kappe ajinacammavasano tapaso hutva bandhumatinagare rajuyyane vasanto vipassim bhagavantam passitva pasannamanaso padabbhanjanatelam adasi. So tena punnakammena devaloke nibbatto. Tato patthaya sugatisuyeva samsaranto imasmim buddhuppade avantiratthe velukantakanagare gahapatikule nibbatto. "nando"tissa namam akamsu. Mata panassa kuma nama, tena kumaputtoti pannayittha. So ayasmato sariputtassa santike dhammam sutva laddhappasado pabbajitva 1- katapubbakicco pariyantapabbatapasse samanadhammam karonto visesam nibbattetum asakkonto bhagavantam upasankamitva dhammam sutva kammatthanam sodhetva sappayatthane 2- vasanto vipassanam vaddhetva arahattam sacchakasi. Tena vuttam apadane 3- :- "nagare bandhumatiya rajuyyane vasamaham cammavasi tada asim kamandaludharo 4- aham. Addasam vimalam buddham sayambhum aparajitam atapinam pahitattam 5- jhayim jhanaratam vasim. Sabbakamasamiddhanca oghatinnamanasavam disva pasanno sumano abbhanjanamadasaham 6- ekanavutito kappe abbhanjanamadasaham 6- duggatim nabhijanami abbhanjanassidam phalam. @Footnote: 1 Si. pabbajitva laddhupasampado 2 Si. sappayatthaneva 3 khu.apa. 33/114/166 @abbhanjanadayakattherapadana (sya) 4 Si. kamandaladharo @5 cha.Ma. padhanam pahitattam tam 6 pali. yam danamadadim tada--------------------------------------------------------------------------------------------- page156.
Kilesa jhapita mayham .pe. Katam buddhassa sasanan"ti. Arahattam pana patva aranne kayadalhibahule bhikkhu disva te ovadanto sasanassa niyyanikabhavam pakasento:- 1- "sadhu sutam sadhu caritakam sadhu sada aniketaviharo atthapucchanam padakkhinakammam etam samannam akincanassa"ti gatham abhasi. 1- [36] Tattha sadhuti sundaram. Sutanti savanam. Tanca kho vivattupanissitam visesato appicchatadipatisamyuttam dasakathavatthusavanam idhadhippetam. Sadhu caritakanti tadeva appicchatadicaritam cinnam, sadhucaritameva hi "caritakan"ti vuttam. Padadvayenapi bahusaccam tadanurupam patipattinca "sundaran"ti dasseti. Sadati sabbakale navaka- majjhimatherakale, sabbesu va iriyapathakkhanesu. Aniketaviharoti kilesanam nivasanatthanatthena pancakamaguna niketa nama, lokiya va chalarammanadhamma. Yathaha "rupanimittaniketavisaravinibandha kho gahapati `niketasari'ti vuccati"tiadi. 2- Tesam niketanam pahanatthaya patipada aniketaviharo. Atthapucchananti tam 3- ajanitukamassa kalyanamittam upasankamitva ditthadhammikasamparayikaparamatthapabhedassa pucchanam, kusaladibhedassa va atthassa sabhavadhammassa "kim bhante kusalam, kim akusalam, kim savajjam, kim anavajjan"tiadina 4- pucchanam atthapucchanam. Padakkhinakammanti tam pana pucchitva padakkhinaggahibhavena tassa ovade adhitthanam sammapatipatti. Idhapi "sadhu"ti padam anetva yojetabbam. Etam samannanti "sadhu @Footnote: 1-1 cha.Ma. "sadhu sutam sadhu caritakan"ti gatham abhasi 2 sam.khandha. 17/3/9 haliddikani- @ sutta 3 Si. ayam patho natthi 4 Ma.upari. 14/296/267 culakammavibhangasutta--------------------------------------------------------------------------------------------- page157.
Sutan"tiadina vuttam yam sutam, yanca caritam, yo ca aniketaviharo, yanca atthapucchanam, yanca padakkhinakammam, etam samannam eso samanabhavo. Yasma imayaeva patipadaya samanabhavo, na annatha, tasma "samannan"ti nippariyayato 1- maggaphalassa adhivacanam. Tassa va pana ayam apannakapatipada, tam panetam samannam yadisassa sambhavati, tam dassetum "akincanassa"ti vuttam. Apariggahakassa, 2- khettavatthuhirannasuvannadasi- dasadipariggahanarahitassati 3- attho. Kumaputtattheragathavannana nitthita. --------------The Pali Atthakatha in Roman Book 32 page 155-157. http://84000.org/tipitaka/atthapali/read_rm.php?B=32&A=3475&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=3475&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=173 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5189 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5458 The Pali Tipitaka in Roman Character :- http://84000.org/tipitaka/read/roman_read.php?B=26&A=5458 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]