AtthaPali Vol.32

195. 8. Ramaniyakutikattheragathavannana ramaniya me kutikati ayasmato ramaniyakutikattherassa gatha. Ka uppatti? sopi kira padumuttarassa bhagavato kale kusalabijaropanam katva devamanussesu samsaranto ito patthaya ^1- attharasakappasatamatthake atthadassissa bhagavato kale kulagehe nibbattitva vinnutam patto buddharaham asanam bhagavato adasi. Pupphehi ca bhagavantam pujitva pancapatitthitena vanditva padakkhinam katva pakkami. Sesam anjanavaniyat- therassa vatthumhi vuttasadisameva. Ayam pana viseso:- ayam kira vuttanayena pabbajitva katapubbakicco vajjiratthe annatarasmim gamakavase kutikayam viharati, sa hoti @Footnote: ¹ cha.Ma. ayam patho na dissati

--------------------------------------------------------------------------------------------- page206.

Kutika abhirupa dassaniya pasadika suparikammakatabhittibhumika aramapokkharaniramaneyyadisampanna muttajalasadisavalikakinnabhumibhaga therassa ca vattasampannataya susammatthanganatadina bhiyyoso mattaya ramaniyatara hutva titthati. So tattha viharanto vipassanam patthapetva na cirasseva arahatte patitthasi. Tena vuttam apadane ^1- :- "kananam vanamoggayha appasaddam nirakulam sihasanam maya dinnam atthadassissa tadino. Malahattham gahetvana katva ca nam padakkhinam sattharam payirupasitva pakkamim uttaramukho. Tena kammena dipadinda lokajettha narasabha sannibbapemi attanam bhava sabbe samuhata. Attharase kappasate yam danamadadim tada duggatim nabhijanami sihasanassidam phalam. Ito sattakappasate sannibbapakakhattiyo sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva there tattha viharante kutikaya ramaniyabhavato viharapekkhaka manussa tato tato agantva kutim passanti. Athekadivasam katipaya dhuttajatiya ^2- itthiyo tattha gata kutikaya ramaniyabhavam disva "ettha vasanto ayam samano siya amhehi akaddhaniyahadayo"ti adhippayena "ramaniyam vo bhante vasanatthanam, mayampi ramaniyarupa pathamayobbane thita"ti vatva itthikuttadini dassetum arabhimsu. Thero attano vitaragabhavam pakasento:- @Footnote: ¹ khu.apa. 32/47/199 asanupatthayakattherapadana ² cha.Ma. dhuttajatika

--------------------------------------------------------------------------------------------- page207.

^1- "ramaniya me kutika saddhadeyya manorama na me attho kumarihi yesam attho tahim gacchatha nariyo"ti gatham abhasi ^1-. [58] Tattha ramaniya me kutikati "ramaniya vo ^2- bhante kutika"ti yam tumhehi vuttam, tam saccam. Ayam mama vasanakutika ramaniya manunnarupa, sa ca kho saddhadeyya "evarupayam ^3- manapam katva pabbajitanam dinnaya idam nama phalam hoti"ti kammaphalani saddahitva saddhaya dhammacchandena databbatta saddhadeyya, na dhanena ^4- nibbattita. Sayanca tathadinnani saddhadeyyani passantanam paribhunjantananca mano rametiti manorama. Saddhadeyyattaeva hi manorama, saddhadihi deyyadhammam sakkaccam abhisankharitva denti, saddhadeyyanca paribhunjanta sappurisa dayakassa avisamvadanatthampi payogasayasampanna honti, na tumhehi cintitakarena payogasayavipannati adhippayo. Na me attho kumarihiti yasma sabbaso kamehi vinivattitamanaso aham, tasma na me attho kumarihi. Kappiyakarakakammavasenapi hi madisanam itthihi payojanam nama natthi, pageva ragavasena, tasma na me attho kumarihiti. Kumariggahanam cettha upalakkhanam datthabbam. Madisassa nama santike evam patipajjahiti ayuttakarinihi yava aparaddhanca tumhehi samanajjhasayanam purato ayam kiriya sobheyyati dassento aha "yesam attho tahim gacchatha nariyo"ti. Tattha yesanti kamesu avitaraganam. Atthoti payojanam. Tahinti tattha tesam santikam. Nariyoti alapanam. Tam sutva itthiyo mankubhuta pattakkhandha agatamaggeneva gata. Ettha pana ^5- "na me attho kumarihi"ti kamehi anatthikabhavavacaneneva therena arahattam byakatanti datthabbam. Ramaniyakutikattheragathavannana nitthita. @Footnote: ^1-1 cha.Ma. "ramaniya me kutika, saddhadeyya manorama"ti gatham abhasi ² cha.Ma. te @³ cha.Ma. evarupaya ⁴ Si.,Ma. saddhadeyyena dhanena ⁵ Si. evam pana, cha.Ma. ettha ca

The Pali Atthakatha in Roman Book 32 page 205-207. http://84000.org/tipitaka/atthapali/read_rm.php?B=32&A=4587&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=4587&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=195 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5311 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5555 The Pali Tipitaka in Roman Character :- http://84000.org/tipitaka/read/roman_read.php?B=26&A=5555 Contents of The Tipitaka Volume 26 http://84000.org/tipitaka/read/?index_26