|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
205. 8. Ekudaniyattheragathavannana adhicetaso appamajjatoti ayasmato ekudaniyattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam punnam upacinanto atthadassissa bhagavato kale yakkhasenapati hutva nibbatto satthari parinibbute "alabha vata me, dullabham 1- vata me, yoham satthudharamanakale danadipunnam katum nalatthan"ti paridevasokamapanno 2- ahosi. Atha nam sagaro nama satthu savako sokam vinodetva satthu thupapujayam niyojesi. So panca vassani thupam pujetva tato cuto tena punnena devamanussesueva samsaranto kassapassa bhagavato kale kulagehe nibbattitva vinnutam patto kalena kalam satthu santikam upasankami. Tasmim ca samaye sattha "adhicetaso"ti gathaya savake abhinham ovadi. So tam sutva saddhajato pabbaji. Pabbajitva ca pana tameva gatham punappunam parivatteti. So tattha vitivassasahassani samanadhammam karonto nanassa aparipakkatta visesam nibbattetum nasakkhi. Tato pana cuto devaloke nibbattitva aparaparam sugatisuyeva samsaranto imasmim buddhuppade savatthiyam vibhavasampannassa brahmanassa putto hutva nibbatto vinnutam patva jetavanapatiggahanasamaye buddhanubhavam disva patiladdhasaddho pabbajitva katapubbakicco aranne viharanto satthu santikam agamasi. Tasminca samaye sattha ayasmantam sariputtam attano avidure adhicittamanuyuttam disva "adhicetaso"ti imam udanam udanesi. Tam sutva ayam cirakalam bhavanaya 3- aranne viharantopi kalena kalam tameva gatham udaneti, tenassa ekudaniyoti samanna udapadi. So athekadivasam cittekaggatam labhitva vipassanam vaddhetva arahattam @Footnote: 1 cha.Ma. dulladdham 2 Si. paridevasokasamapanno 3 Si. cirakalabhavitabhavanaya--------------------------------------------------------------------------------------------- page238.
Papuni. Tena vuttam apadane 1- :- "atthadassimhi sugate nibbute samanantara yakkhayonim upapajjim yasam patito caham tada. Dulladdham vata me asi duppabhatam durutthitam yam me bhoge vijjamane parinibbayi cakkhuma. Mama sankappamannaya sagaro nama savako mamuddharitukamo so agacchi mama santikam. Kim nu socasi ma bhayi cara dhammam sumedhasa anuppadinna buddhenaya sabbesam bijasampada. Yo ce pureyya sambuddham titthantam lokanayakam dhatum sasapamattampi nibbutassapi pujaye. Same cittappasadamhi samam punnam mahaggatam tasma thupam karitvana pujehi jinadhatuyo. Sagarassa vaco sutva buddhathupam akasaham pancavasse paricarim munino thupamuttamam. Tena kammena dipadinda lokajettha narasabha sampattim anubhotvana arahattamapapunim. Bhuripanna ca cattaro sattakappasate ito sattaratanasampanna cakkavatti mahabbala. Kilesa jhapita mayham .pe. katam buddhassa sasanan"ti. Arahattam pana patva vimuttisukhena viharanto ekadivasam ayasmata dhamma- bhandagarikena patibhanam vimamsitum "avuso mayham dhammam bhanihi"ti ajjhittho @Footnote: 1 khu.apa. 32/72/209 paccupatthanasannakattherapadana--------------------------------------------------------------------------------------------- page239.
Cirakalaparicitatta:- [68] "adhicetaso appamajjato munino monapathesu sikkhato soka na bhavanti tadino upasantassa sada sammato"ti 1- imameva gatham abhasi. Tattha adhicetasoti adhicittavato, sabbacittanam adhikena arahattaphalacittena samannagatassati attho. Appamajjatoti nappamajjato, appamadena anavajjadhammesu sataccakiriyaya samannagatassati vuttam hoti. Muninoti "yo munati ubhato loke, muni tena pavuccati"ti 2- evam ubhayalokamunanena va, monam vuccati nanam, tena arahatta- phalapannasankhatena monena samannagatataya va khinasavo muni nama, tassa munino. Monapathesu sikkhatoti arahattananasankhatassa monassa pathesu upayamaggesu sattatimsabodhipakkhiyadhammesu, tisu va sikkhasu sikkhato. Idanca pubbabhagapatipadam gahetva vuttam. Parinitthitasikkho hi araha, tasma evam sikkhato, imaya sikkhaya munibhavam pattassa muninoti evamettha attho datthabbo. Yasma cetadevam, tasma hetthimamaggaphalacittanam vasena adhicetaso, catusaccasambodhipatipattiyam appamadavasena appamajjato, aggamaggananasamannagamena muninoti evametesam padanam attho 3- yujjatiyeva. Athava "appamajjato sikkhato"ti padhanahetu akkhatati 4- datthabba. Tasma appamajjanahetu sikkhanahetu ca adhicetasoti attho. Soka na bhavanti tadinoti tadisassa khinasavamunino abbhantare @Footnote: 1 khu.udana. 25/37/152 sariputtasutta 2 khu.dhamMa. 25/269/63 titthiyavatthu, @ khu.maha. 29/697/406 mahaviyuhasuttaniddesa (sya), khu.cula. 30/164/84 @ mettagumanavakapanhaniddesa (sya) 3 Si. evampettha sampadanavasena attho @4 padanam hetuatthata (udana-ttha 232 pitthe)--------------------------------------------------------------------------------------------- page240.
Itthaviyogadivatthuka soka cittasantapa na honti. Athava tadinoti tadi- lakkhanappattassa asekkhamunino soka na bhavantiti. 1- Upasantassati ragadinam accantupasamena upasantassa. Sada satimatoti sativepullappattiya niccakalam satiya avirahitassa. Ettha ca "adhicetaso"ti imina adhicittasikkha, "appamajjato"ti imina adhisilasikkha, "munino monapathesu sikkhato"ti etehi adhipannasikkha. "munino"ti va etena adhipannasikkha, "monapathesu sikkhato"ti etena tasam lokuttarasikkhanam pubbabhagapatipada, "soka na bhavanti"tiadihi sikkhaparipuriya anisamsa 2- pakasitata veditabbam. Ayameva ca therassa annabyakaranagatha ahosi. Ekudaniyattheragathavannana nitthita. --------------The Pali Atthakatha in Roman Book 32 page 237-240. http://84000.org/tipitaka/atthapali/read_rm.php?B=32&A=5297&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5297&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=205 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5367 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5597 The Pali Tipitaka in Roman Character :- http://84000.org/tipitaka/read/roman_read.php?B=26&A=5597 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]