|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
237. 10. (dutiya) devasabhattheragathavannana
sammappadhanasampannoti ayasmato devasabhattherassa gatha. Ka uppatti?
@Footnote: 1 Si. samsaram 2 Si. vattamanam 3 Si. samsaragamino
---------------------------------------------------------------------------------------------
page317.
Ayampi purimabuddhesu katadhikaro tattha tattha bhave vivattupanissayam kusalam
upacinanto sikhissa bhagavato kale kulagehe nibbattitva vinnutam patto ekadivasam
sikhim bhagavantam disva pasannamanaso bandhujivakapupphehi pujam akasi. So tena punna-
kammena devamanussesu samsaranto imasmim buddhuppade kapilavatthusmim sakyarajakule
nibbatti, tassa devasabhoti namam ahosi. So vayappatto cumbatakalahavupasamanattham
satthari agate buddhanubhavam disva pasannamanaso saranesu patitthito puna
nigordharame satthari viharante sattharam upasankamitva patiladdhasaddho pabbajitva
katapubbakicco vipassanaya kammam karonto na cirasseva arahattam papuni. Tena
vuttam apadane 1- :-
"candamva vimalam suddham vippasannamanavilam
nandiragaparikkhinam 2- tinnam loke visattikam.
Nibbapayantam janatam tinnam tarayatam varam
munim vanamhi jhayantam ekaggam susamahitam.
Bandhujivakapupphani lagitva 3- suttakenaham
buddhassa abhiropayim sikhino lokabandhuno.
Ekatimse ito kappe yam kammamakarim tada
duggatim nabhijanami buddhapujayidam phalam.
Ito sattamake kappe manujindo mahayaso
samantacakkhunamasi cakkavatti mahabbalo.
Kilesa jhapita mayham .pe. Katam buddhassa sasanan"ti.
Arahattam pana patva attana adhigatam vimuttisukham nissaya uppannapitisomanasso
@Footnote: 1 khu.apa. 32/1/240 bandhujivakattherapadana 2 cha.Ma. nandibhavaparikkhinam 3 cha.Ma. lagetva
---------------------------------------------------------------------------------------------
page318.
Udanavasena:-
[100] "sammappadhanasampanno satipatthanagocaro
vimuttikusumasanchanno parinibbissatyanasavo"ti 1-
gatham abhasi.
Tattha sammappadhanasampannoti sampannacatubbidhasammappadhano, tehi kattabba-
kiccam sampadetva thitoti attho. Satipatthanagocaroti kayanupassanadayo
satipatthana gocaro pavattitthanam etassati satipatthanagocaro, catusu satipatthanesu
patitthitacittoti attho. Gunasobhena paramasugandha vimuttiyeva kusumani, tehi sabbaso
sammadeva sanchanno vibhusito alankatoti vimuttikusumasanchanno.
Parinibbissatyanasavoti evam samma patipajjanto bhikkhu na cirasseva anasavo hutva
parinibbissati saupadisesaya anupadisesaya ca nibbanadhatuyati attho. Idameva ca
therassa annabyakaranam ahosi.
(dutiya) devasabhattheragathavannana nitthita.
Paramatthadipaniya theragathasamvannana
dasamavaggavannana nitthita.
-----------
@Footnote: 1 pali., Si. parinibbayissatyanasavoti
The Pali Atthakatha in Roman Book 32 page 316-318.
http://84000.org/tipitaka/atthapali/read_rm.php?B=32&A=7052&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=7052&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=26&i=237
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5550
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5738
The Pali Tipitaka in Roman Character :-
http://84000.org/tipitaka/read/roman_read.php?B=26&A=5738
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]