|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
12. Dvadasamavagga 248. 1. Jentattheragathavannana duppabbajjam ve duradhivasa gehati ayasmato jentattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam kusalam upacinanto sikhissa bhagavato kale devaputto hutva nibbatti. So ekadivasam sattharam disva pasannacitto kimkiratapupphehi 1- pujam akasi. So tena punnakammena devamanussesu samsaranto imasmim buddhuppade magadharatthe jentagame ekassa mandalikarajassa putto hutva nibbatti, jentotissa namam ahosi. So vinnutam patto daharakaleyeva hetusampattiya codiyamano pabbajjaninnamanaso hutva puna cintesi "pabbajja nama dukkara, gharapi duravasa, dhammo ca gambhiro, bhoga ca duradhigama, kim nu kho kattabban"ti. Evam pana cintabahulo hutva vicaranto ekadivasam satthu santikam gantva dhammam suni. Sutakalato patthaya pabbajjabhirato hutva satthu santike pabbajitva kammatthanam gahetva vipassanam vaddhetva sukhaya patipadaya khippabhinnaya arahattam sacchakasi. Tena vuttam apadane 2- :- "devaputto aham santo pujayim sikhinayakam kakkarupuppham paggayha buddhassa abhiropayim. Ekatimse ito kappe yam pupphamabhiropayim duggatim nabhijanami buddhapujayidam phalam. Ito ca navame kappe raja sattuttamo ahum @Footnote: 1 Ma. kikiratapupphehi 2 khu.apa. 32/21/242 kakkarupupphapujakattherapadana--------------------------------------------------------------------------------------------- page342.
Sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva attano patipattim paccavekkhanto "asakkhim vataham adito mayham uppannavitakkam chinditun"ti somanassajato vitakkassa uppannakaram tassa ca sammadeva chinnatam dassento:- [111] "duppabbajjam ve duradhivasa geha dhammo gambhiro duradhigama bhoga kiccha vutti no itaritareneva 1- yuttam cintetum satatamaniccatan"ti gatham abhasi. Tattha duppabbajjanti appam va mahantam va bhogakkhandhanceva natiparivattanca pahaya imasmim sasane uram datva pabbajanassa dukkaratta 2- dukkham pabbajanam, dukkara pabbajjati duppabbajjam. Veti nipatamattam, dalhattho va 3- "pabbajja dukkha"ti. Gehance avaseyyam, duradhivasa geha, yasma geham adhivasantena ranna rajakiccam, issarena issarakiccam, gahapatina gahapatikiccam katabbam hoti, parijano ceva samanabrahmana ca sangahetababa, tasmim tasmim ca kattabbe kariyamanepi gharavaso chiddaghato viya mahasamuddo viya ca duppuro, tasma geha namete adhivasitum avasitum dukkha dukkarati katva duradhivasa duravasati. 4- Pabbajjance anutittheyyam, dhammo gambhiro, yadattha pabbajja, so pabbajitena adhigantabbo pativedhasaddhammo gambhiro, gambhirananagocaratta duddaso, duppativijjho dhammassa gambhirabhavena duppativijjhatta. Gehance avaseyyam, duradhigama bhoga yehi vina @Footnote: 1 itaritarenedha? 2 Ma. pabbajantassa dukkarato 3 Si. dalhatova @4 Si. duravasati dukkha dukkarati katva duradhivasa--------------------------------------------------------------------------------------------- page343.
Na sakka geham avasitum, te bhoga dukkhena kasirena adhigantabbataya duradhigama. Evam sante gharavasam pahaya pabbajjamyeva anutittheyyam, evampi kiccha vutti no itaritarena idha 1- imasmim buddhasasane itaritarena yathaladdhena paccayena amhakam vutti jivika kiccha dukkha, gharavasanam duradhivasataya bhogananca duradhigamataya gehe itaritarena paccayena yapetabbataya kiccha kasira vutti amhakam, tattha kim katum vattatiti? yuttam cintetum satatamaniccatam sakalam 2- divasam pubbarattapararattanca tebhumikadhammajatam aniccatanti, tato uppadavayavantato adiantavantato 3- tavakalikato ca na niccanti "aniccan"ti cintetum vipassitum yuttam. Aniccanupassanaya siddhaya itaranupassana sukheneva sijjhantiti aniccanupassanava ettha vutta, aniccassa dukkhanattatanam abyabhicaranato sasanikassa sukhaggahanato ca. Tenaha "yadaniccam tam dukkham, yam dukkham tadanatta"ti 4- "yam kinci samudayadhammam, sabbam tam nirodhadhammam "5-, "vayadhamma sankhara"ti 6- ca, tadamina evam annamannam patipakkhavasena 7- aparaparam uppanne vitakke niggahetva aniccatamukhena vipassanam arabhitva idani katakicco jatoti dasseti. Tena vuttam "attano patipattin"tiadi. Idameva therassa annabyakaranam ahosi. Jentattheragathavannana nitthita. -------------The Pali Atthakatha in Roman Book 32 page 341-343. http://84000.org/tipitaka/atthapali/read_rm.php?B=32&A=7584&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=7584&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=248 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5615 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5794 The Pali Tipitaka in Roman Character :- http://84000.org/tipitaka/read/roman_read.php?B=26&A=5794 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]