AtthaPali Vol.32

273. 6. Mahakalattheragathavannana kali itthiti ayasmato mahakalattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto ito ekanavute kappe kulagehe nibbattitva vinnutam patto kenacideva karaniyena arannam gato tattha annatarassa rukkhassa ^1- sakhaya olambamanam pamsukulacivaram disva "ariyaddhajo olambati"ti pasannacitto kinkani ^2- pupphani gahetva pamsukulam pujesi. So tena punnakammena devamanussesu samsaranto imasmim buddhuppade setabyanagare satthavahakule nibbattitva mahakaloti laddhanamo vinnutam patva gharavasam vasanto pancahi sakatasatehi bhandam gahetva vanijjavasena savatthim gato ekamantam sakatasattham ^3- nivesetva addhanaparissamam vinodetva attano parisaya saddhim nisinno sayanhasamayam gandhamaladihatthe upasake jetavanam gacchante disva sayampi tehi saddhim viharam gantva satthu santike dhammam sutva patiladdhasaddho pabbajitva sosanikangam adhitthaya susane vasati. Athekadivasam kali nama eka itthi chavadahika therassa kammatthanatthaya ^4- aciramatasariram ubho satthi ^5- bhinditva ^6- ubho ca bahu bhinditva ^6- @Footnote: ¹ Si.,Ma. rukkhamulassa ² i. kanikara.... ³ Si.,i. sakatasatam @⁴ Si. kammatthanattha ⁵ Si.,Ma. hatthe ⁶ Si.,i.,Ma. chinditva

--------------------------------------------------------------------------------------------- page418.

Silanca dadhithalakam ^1- viya bhinditva sabbam angapaccangam sambandhameva katva therassa oloketum yogyatthane thapetva ekamantam nisidi. Thero tam disva attanam ovadanto ^2- :- [151] "kali itthi brahati dhankarupa satthinca bhetva aparanca satthim bahanca bhetva aparanca baham sisanca bhetva dadhithalakamva ^3- esa nisinna abhisandahitva. [152] Yo ve avidva upadhim karoti punappunam dukkhamupeti mando tasma pajanam upadhim na kayira maham puna bhinnasiro sayissan"ti ^4- gathadvayam abhasi. Tattha kaliti tassa namam, kalavannatta va evam vuttam. ^5- Brahatiti mahasarira arohaparinahavati. Dhankarupati kalavannattaeva kakasadisarupa. Satthinca bhetvati matasarirassa satthim jannubhedanena bhanjitva. Aparanca satthinti itaranca satthim bhanjitva. ^6- Bahanca bhetvati bahatthinca aggabahatthaneyeva ^7- bhanjitva. Sisanca bhetva dadhithalakamvati matasarirassa ^8- sisam bhinditva bhinnattaeva leddudandadihi paggharantam dadhithalakam viya, paggharantam matthalungam katvati attho. Esa nisinna abhisandahitvati chinnabhinnavayavam ^9- matasariram te avayave yathathaneyeva thapanena sandahitva sahitam katva mamsapanam pasarenti viya esa nisinna. @Footnote: ¹ Si.,i. dadhithalikam ² i. ovadento ³ Si.,i. dadhithalikamva ⁴ Ma. passissam @⁵ Ma. evam vutta ⁶ Si. paribhanjitva ⁷ i. aggatahatthiniyeva, Ma. aggatahattheyeva @⁸ i.,Ma. chavasarirassa ⁹ Si. chinnabhinnamva chavam

--------------------------------------------------------------------------------------------- page419.

Yo ve avidva upadhim karotiti yo imaya upatthapitam kammatthanam disvapi avidva akusalo kammatthanam chaddetva ayonisomanasikarena kilesupadhim uppadeti, so mando mandapanno samsarassa anativattanato punappunam aparaparam nirayadisu dukkham upeti. Tasma pajanam upadhim na kayirati tasmati yasma cetadevam, tasma. Pajanam upadhinti "idha yam dukkham sambhoti"ti pajananto yoniso manasikaronto kilesupadhim na kayira na uppadeyya. Kasma? maham puna bhinnasiro sayissanti yathayidam matasariram bhinnasariram sayati, evam kilesupadhihi samsare punappunam uppattiya katasivaddhako hutva bhinnasiro ^1- aham ma sayissanti. Evam vadantoeva ^2- thero vipassanam ussukkapetva arahattam papuni. Tena vuttam apadane ^3- :- "himavantassavidure udabbalo ^4- nama pabbato tatthaddasam pamsukulam dumaggamhi vilambitam. Tini kinkanipupphani ocinitvanaham tada hattho hatthena cittena pamsukulamapujayim. Tena kammena sukatena cetanapanidhihi ca jahitva manusam deham tavatimsamagacchaham. Ekanavutito kappe yam kammamakarim tada duggatim nabhijanami pujitva arahaddhajam. Kilesa jhapita mayham .pe. katam buddhassa sasanan"ti. Mahakalattheragathavannana nitthita. @Footnote: ¹ i. bhinnasariro ² Si. imam vadanto ³ khu.apa. 33/82/126 pamsukulapujakattherapadana @ (sya) ⁴ Si. urugano, cha.Ma. udangano

The Pali Atthakatha in Roman Book 32 page 417-419. http://84000.org/tipitaka/atthapali/read_rm.php?B=32&A=9308&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=9308&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=273 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5782 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5936 The Pali Tipitaka in Roman Character :- http://84000.org/tipitaka/read/roman_read.php?B=26&A=5936 Contents of The Tipitaka Volume 26 http://84000.org/tipitaka/read/?index_26