|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
344. 10. Yasadattattheragathavannana
uparambhacittotiadika ayasmato yasadattattherassa gatha. Ka uppatti?
ayampi purimabuddhesu katadhikaro tattha tattha bhave vivattupanissayam kusalam
upacini. Tatha hesa padumuttarassa 1- bhagavato kale brahmanakule nibbattitva
brahmananam vijjasippesu nipphattim gato kame pahaya isipabbajjam pabbajitva
aranne viharanto ekadivasam sattharam disva pasannamanaso anjalim paggayha abhitthavi.
So tena punnakammena devamanussesu samsaranto imasmim buddhuppade mallaratthe
mallarajakule nibbattitva yasadattoti laddhanamo vayappatto takkasilam gantva
sabbasippani sikkhitva sabhiyena paribbajakena saddhimyeva carikam caramano anupubbena
savatthiyam bhagavantam upasankamitva sabhiyena putthapanhesu vissajjiyamanesu sayam
@Footnote: 1 Si.,i. upacinanto padumuttarassa
---------------------------------------------------------------------------------------------
page76.
Otarapekkho sunanto nisidi "samanassa gotamassa vade dosam dassami"ti. Athassa
bhagava cittacaram natva sabhiyasuttadesanavasane 1- ovadam dento:-
[360] "uparambhacitto dummedho sunati jinasasanam
araka hoti saddhamma nabhaso pathavi yatha.
[361] Uparambhacitto dummedho sunati jinasasanam
parihayati saddhamma kalapakkheva candima.
[362] Uparambhacitto dummedho sunati jinasasanam
parisussati saddhamme maccho appodake yatha.
[363] Uparambhacitto dummedho sunati jinasasanam
na viruhati saddhamme khette bijamva putikam.
[364] Yo ca tutthena 2- cittena sunati jinasasanam
khepetva asave sabbe sacchikatva akuppatam
pappuyya paramam santim parinibbatinasavo"ti
ima panca gatha abhasi.
Tattha uparambhacittoti sarambhacitto, dosaropanadhippayoti attho. Dummedhoti
nippanno. Araka hoti saddhammati so tadiso puggalo nabhaso viya pathavi 3-
patipattisaddhammatopi dure hoti, pageva pativedhasaddhammato. "na tvam imam dhammavinayam
ajanasi"tiadina 4- viggahikakatham anuyuttassa kuto santanipuno
patipattisaddhammo.
Parihayati saddhammati navavidhalokuttaradhammato pubbabhagiyasaddhadisaddhammatopi
nihiyati. 5- Parisussatiti visussati kayacittanam pinanarasassa pitipamojjadikusala-
dhammassabhavato. Na viruhatiti virulhim vuddhim na papunati. Putikanti gomayalepadana-
diabhavena putibhavam pattam.
@Footnote: 1 khu.sutta. 25/516-553/432-442 sabhiyasutta 2 pali. guttena
@3 Si.,i. nabho viya pathaviya 4 di.Si. 9/18/8 brahmajalasutta 5 Si.,i. parihayati
---------------------------------------------------------------------------------------------
page77.
Tutthena cittenati itthambhutalakkhane karanavacanam, attamano pamudito hutvati
attho. Khepetvati samucchinditva. Akuppatanti arahattam. Pappuyyati
papunitva. Paramam santinti anupadisesam nibbanam. Tadadhigamo 1- cassa kevalam
kalagamanameva, 2- na kocividhoti 3- tam dassetum vuttam "parinibbatinasavo"ti.
Evam satthara ovadito samvegajato pabbajitva vipassanam patthapetva na
cirasseva arahattam papuni. Tena vuttam apadane 4-:-
"kanikaramva jalitam diparukkhamva jotitam
kancanamva virocantam addasam dvipaduttamam.
Kamandalum thapetvana vakaciranca kundikam
ekamsam ajinam katva buddhasettham thavim aham.
Tamandhakaram vidhamam mohajalasamakulam
nanalokam dassetvana nittinnosi mahamuni.
Samuddharasimam lokam sabbavantamanuttaram
nane te upama natthi yavata jagato gati.
Tena nanena sabbannu iti buddho 5- pavuccati
vandami tam mahaviram sabbannutamanavaram.
Satasahassito kappe buddhasettham thavim aham
duggatim nabhijanami nanatthavayidam phalam.
Kilesa jhapita mayham .pe. Katam buddhassa sasanan"ti
arahattam pana patva annam byakarontopi thero imaeva gatha abhasi.
Yasadattattheragathavannana nitthita.
@Footnote: 1 Si. tadadhigame 2 Si. vupasamanameva 3 Ma. visuddhoti
@4 khu.apa. 33/24/48 nanatthavikattherapadana (sya) 5 pali. sabbannuti
The Pali Atthakatha in Roman Book 33 page 75-77.
http://84000.org/tipitaka/atthapali/read_rm.php?B=33&A=1718&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=33&A=1718&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=26&i=344
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=6445
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=6573
The Pali Tipitaka in Roman Character :-
http://84000.org/tipitaka/read/roman_read.php?B=26&A=6573
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]