บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
327. 5. Jambukattheragathavannana pancapannasatiadika ayasmato jambukattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto tissassa bhagavato kale kulagehe nibbattitva vinnutam patto satthu sammasambodhim saddahanto bodhirukkham vanditva bijanena pujesi. So tena punnakammena devamanussesu samsaranto kassapassa bhagavato kale kulagehe nibbattitva vinnutam patto sasane pabbajitva annatarena upasakena karite arame avasiko hutva viharati tena upatthiyamano. Athekadivasam eko khinasavatthero lukhacivaradharo kesoharanattham arannato gamabhimukho agacchati, tam disva so upasako iriyapathe pasiditva kappakena kesamassuni oharapetva panitabhojanam bhojteva sundarani civarani datva "idheva bhante vasatha"ti vasapeti. Tam disva avasiko issamaccherapakato khinasavattheram aha "varam te bhikkhu imina papupasakena upatthiyamanassa evam idha vasanato angulihi kese luncitva acelassa sato guthamuttaharajivanan"ti. Evanca pana vatva tavadeva vaccakutim pavisitva payasam vaddhento viya hatthena gutham vaddhetva vaddhetva yavadattham khadi, muttanca pivi. Imina niyamena yavatayukam Thatva kalankatva niraye paccitva puna guthamuttaharo 1- vasitva tasseva kammassa vipakavasesena manussesu uppannopi panca jatisatani nigantho hutva guthabhakkho ahosi. Puna imasmim buddhuppade manussayoniyam nibbattamanopi ariyupavadabalena duggatakule nibbattitva thannam va khiram va sappim va payamano tam chaddetva muttameva pivati, odanam bhojiyamano tam chaddetva guthameva khadati, evam guthamuttapari- bhogena vaddhanto vayappattopi tadeva paribhunjati. Manussa tato varetum asakkonta pariccajimsu. So natakehi pariccatto naggapabbajjam pabbajitva na nhayati, rajojalladharo kesamassuni luncitva anne iriyapathe patikkhipitva ekapadena titthati, nimantanam na sadiyati, masopavasam adhitthaya punnatthikehi dinnam bhojanam mase mase ekavaram kusaggena gahetva diva jivhaggena lehati, rattiyam pana "allagutham sappanakan"ti akhaditva sukkhaguthameva khadati. Evam karontassa pancapannasa- vassani vitivattani mahajano "mahatapo paramappiccho"ti mannamano tanninno tappono ahosi. Atha bhagava tassa hadayabbhantare ghate padipam viya arahattupanissayam pajjalantam disva sayameva tattha gantva dhammam desetva sotapattiphale patitthapetva ehi- bhikkhupasampadaya laddhupasampadam vipassanam ussukkapetva arahatte patitthapesi. Ayamettha sankhepo, vittharo pana dhammapade "mase mase kusaggena"ti gatha- vannanaya 2- vuttanayena veditabbo. Arahatte pana patitthito parinibbanakale "adito miccha patipajjitvapi sammasambuddham nissaya savakena adhigantabbam maya adhigatan"ti dassento:- @Footnote: 1 Si. niraye paccitva puna guthaniraye asucimuttaharo, i. niraye paccitva puna @guthanirayesu guthamuttaharo 2 dhammapada.A. 3/153 jambukajivakavatthu [283] "pancapannasa vassani rajojallamadharayim bhunjanto masikam bhattam kesamassum alocayim. [284] Ekapadena atthasim asanam parivajjayim sukkhaguthani ca khadim uddesanca na sadiyim. [285] Etadisam karitvana bahum duggatigaminam vuyhamano mahoghena buddham saranamagamam. [286] Saranagamanam passa passa dhammasudhammatam tisso vijja anuppatta katam buddhassa sasanan"ti ima catasso gatha abhasi. Tattha pancapannasa vassani, rajojallamadharayinti naggapabbajjupagamanena nhana- patikkhepato pancadhikani pannasavassani sarire laggam agantukarenusankhatam rajo, sariramalasankhatam jallanca kayena dharesim. Bhunjanto masikam bhattanti rattiyam gutham khadanto lokavancanattham masopavasiko nama hutva punnatthikehi dinnam bhojanam mase mase ekavaram jivhagge thapanavasena bhunjanto. Alocayinti tadisaccharika- pakkhepena sithilamulam kesamassum angulihi luncapesim. 1- Ekapadena atthasim, asanam parivajjayinti sabbena sabbam asanam nisajjam parivajjesim, titthanto ca ubho hatthe ukkhipitva ekeneva padena atthasim. Uddesanti nimantanam. Udissakatanti keci. Na sadiyinti na sampaticchim, patikkhipinti attho. Etadisam karitvana, bahum duggatigaminanti etadisam evarupam vipaka- nibbattanakam duggatigaminam bahum papakammam purimajatisu idha ca katva uppadetva. Vuyhamano @Footnote: 1 Si.,i. muncapesim Mahoghenati kamoghadina mahata oghena visesato ditthoghena apayasamuddam pati- akaddhiyamano. Buddham saranamagamanti tadisena punnakammacchiddena kicchena manussattabhavam labhitva idani punnabalena buddham "saranan"ti agamasim, 1- "samma- sambuddho bhagava"ti aveccapasadena satthari pasidim. Saranagamanam passa, passa dhamma- sudhammatanti ayatanagatam mama saranagamanam 2- passa, passa sasanadhammassa ca sudhammatam yoham tathamicchapatipannopi ekovadeneva satthara edisam sampattim sampapito. "tisso vijja"tiadina tam sampattim dasseti. Tenaha 3-:- "tissassaham bhagavato bodhirukkham avandiham 4- paggayha bijanim tattha sihasanamabijaham. 5- Dvenavute ito kappe sihasanamabijaham duggatim nabhijanami bijanaya idam phalam. Kilesa jhapita mayham .pe. Katam buddhassa sasanan"ti. Jambukattheragathavannana nitthita. ---------------The Pali Atthakatha in Roman Book 33 page 14-17. http://84000.org/tipitaka/atthapali/read_rm.php?B=33&A=303&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=303&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=327 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6241 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6353 The Pali Tipitaka in Roman Character :- http://84000.org/tipitaka/read/roman_read.php?B=26&A=6353 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]