|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
423. 4. Addhakasitherigathavannana yava kasijanapadotiadika addhakasiya theriya gatha. Ayam kira kassapassa dasabalassa kale kulagehe nibbattitva vinnutam patva bhikkhuninam santikam gantva dhammam sutva patiladdhasaddha pabbajitva bhikkhunisile thitam annataram patisambhidappattam khinasavam therim ganikavadena akkositva tato cuta niraye pacitva imasmim buddhuppade kasikaratthe ularavibhave setthikule nibbattitva vuddhippatta pubbe katassa vaciduccaritassa nissandena thanato paribhattha ganika ahosi. Sapi 1- namena addhakasi nama, tassa pabbajja ca dutena upasampada ca khandhake agatayeva. Vuttanhetam 2-:- tena kho pana samayena addhakasi ganika bhikkhunisu pabbajita hoti, sa ca savatthim gantukama hoti "bhagavato santike upasampajjissami"ti. Assosum kho dhutta "addhakasi kira ganika savatthim gantukama"ti. Te magge pariyutthimsu. Assosi kho addhakasi ganika "dhutta kira magge pariyutthita"ti. Sa 1- bhagavato santike dutam pahesi "aham hi upasampajjitukama, katham nu kho maya patipajjitabban"ti. Athakho bhagava etasmim nidane etasmim pakarane dhammikatham katva bhikkhu amantesi "anujanami bhikkhave dutenapi upasampadetun"ti. Evam laddhupasampada pana vipassanaya kammam karonti nacirasseva saha patisambhidahi arahattam papuni. Tena vuttam apadane 3-:- "imamhi bhaddake kappe brahmabandhu mahayaso kassapo nama gottena uppajji vadatam varo. @Footnote: 1 cha.Ma. ayam patho na dissati 2 vi.cula. 7/430/263 3 khu.apa. 33/168/426--------------------------------------------------------------------------------------------- page39.
Tadaham pabbajitvana tassa buddhassa sasane samvuta patimokkhamhi indriyesu ca pancasu. Mattannuni ca asane yutta jagariyepi ca vasanti yuttayogaham bhikkhunim vigatasavam. Akkosim dutthacittaham ganiketi bhanim 1- tada teneva papakammena 2- nirayamhi apaccisam. Tena kammavasesena ajayim ganikakule bahusova paradhina pacchimaya ca jatiya. 3- Kasisetthikule jata brahmacariyaphalenaham 4- acchara viya devesu ahosim rupasampada. Disvana dassaniyam mam giribbajapuruttame ganikatte nivesesum akkosanaphalena me. 5- Saham sutvana saddhammam buddhasetthena bhasitam 6- pubbavasanasampanna pabbajim anagariyam. Tadupasampadatthaya gacchanti jinasantikam magge dhutte thite sutva 7- labhim dutopasampadam. Sabbakammam parikkhinam punnapapam tatheva ca sabbasamsaramuttinna ganikattanca khepitam. Iddhisu ca vasi homi dibbaya sotadhatuya cetopariyananassa vasi homi mahamune. @Footnote: 1 sakim (sya) 2 cha.Ma. tena papena kammena 3 cha.Ma. jatiyam 4 cha.Ma. brahmacaribalenaham @5 cha.Ma. akkosanabalena me 6 cha.Ma. desitam 7 ka. disva--------------------------------------------------------------------------------------------- page40.
Pubbenivasam janami dibbacakkhu visodhitam sabbasavaparikkhina natthi dani punabbhavo. Atthadhammaniruttisu patibhane tatheva ca nanam mama mahavira uppannam tava santike. Kilesa jhapita mayham .pe. Katam buddhassa sasanan"ti. Arahattam pana patva udanavasena:- [25] "yava kasijanapado sunko me tattako ahu tam katva negamo aggham addhenaggham thapesi mam. [26] Atha nibbindaham rupe nibbindanca virajjaham ma puna jatisamsaram sandhaveyyam punappunam tisso vijja sacchikata katam buddhassa sasanan"ti ima gatha abhasi. Tattha yava kasijanapado, sunko me tattako ahuti kasijanapadesu bhavo 1- sunko kasijanapado, so yava yattako, tattako mayham sunko ahu ahosi. Kittako pana soti? sahassamatto. Kasiratthe kira tada sunkavasena ekadivasam ranno uppajjanako ayo ahosi sahassamatto, imayapi purisanam hatthato ekadivasam laddhadhanam tattakam. Tena vuttam "yava kasijanapado, sunko me tattako ahu"ti. Sa pana kasisunkaparimanataya kasiti samannam labhi. 2- Tattha yebhuyyena manussa sahassam datum asakkonta tato upaddham datva divasabhagameva ramitva gacchanti, tesam vasenayam addhakasiti pannayittha. Tena vuttam "tam katva negamo aggham, addhenaggham @Footnote: 1 Ma. gato 2 ka. labhati--------------------------------------------------------------------------------------------- page41.
Thapesi man"ti. Tam pancasatadhanam aggham katva negamo nigamavasijano itthiratanabhavena anagghampi samanam addhena aggham nimittam addhakasiti samannavasena mam thapesi, tatha mam vohariti 1- attho. Atha nibbindaham rupeti evam rupupajivini hutva thita, atha paccha sasanam nissaya rupe aham nibbindim "itipi rupam aniccam, itipidam 2- rupam dukkham, asubhan"ti passanti tattha ukkanthim. Nibbindanca virajjahanti nibbindanti caham tato param viragam apajjim. Nibbindaggahanena cettha tarunavipassanam dasseti, viragaggahanena balavavipassanam. "nibbindanto virajjati viraga vimuccati"ti vuttam hoti. 3- Ma puna jatisamsaram, sandhaveyyam punappunanti imina nibbindanavirajjanakare nidasseti, tisso vijjatiadina tesam matthakappattim, 4- tam vuttanayameva. Addhakasitherigathavannana nitthita. -----------------------The Pali Atthakatha in Roman Book 34 page 38-41. http://84000.org/tipitaka/atthapali/read_rm.php?B=34&A=807&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=807&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=423 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=8999 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9061 The Pali Tipitaka in Roman Character :- http://84000.org/tipitaka/read/roman_read.php?B=26&A=9061 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]