AtthaPali Vol.35

6 Tipallatthamigajatakam migantipallatthanti idam sattha kosambiyam badarikarame viharanto sikkhakamam rahulattheram arabbha kathesi. Ekasmim hi kale satthari alavinagaram upanissaya aggalave cetiye viharante bahu upasaka ca upasika ca bhikkhu ca bhikkhuniyo ca viharam dhammassavanatthaya gacchanti. Diva dhammassavanam hoti. Gacchante ca pana kale upasika ca bhikkhuniyo ca na gacchimsu. Bhikkhu ceva upasaka ca ahesum. Tato patthaya rattim dhammassavanam jatam. Dhammassavanapariyosane thera bhikkhu attano attano vasanatthanani gacchanti dahara upasakehi saddhim upatthanasalayam sayanti. Tesu niddam upagatesu ekacce gharugharupassasa kakacchamana dante khadanta nipajjimsu ekacce muhuttam niddayitva utthahimsu. Tesam Vippakaram disva bhagavato arocesum. Bhagava yo pana bhikkhu anupasampannena saha seyyam kappeyya pacittiyanti sikkhapadam pannapetva kosambim agamasi. Tattha bhikkhu ayasmantam rahulam ahamsu avuso rahula bhagavata sikkhapadam pannattam idani tvam attano vasanatthanam janahiti. Pubbe pana te bhikkhu bhagavati ca garavam tassa cayasmato sikkhakamatam paticca tam attano vasanatthanam agatam ativiya sanganhanti khuddakamancakam pannapetva ussisakakaranatthaya civaram denti tam divasampana sikkhapadabhayena vasanatthanampi na adamsu. Rahulo bhadropi pita meti dasabalassa va upajjhayo meti dhammasenapatino va acariyo meti mahamoggallanassa va culapita meti anandassa va santikam agantva dasabalassa valanjanavaccakutim brahmavimanam pavisanto viya pavisitva vasam kappesi. Buddhananhi valanjanakutiya davaram supidahitam hoti gandhadhupaparibhandakata bhumi gandhadamamaladamani osaritaneva honti sabbarattim dipo jhayati. Rahulabhadro pana tassa kutiya idam sampattim paticca tattha vasam upagato bhikkhuhi pana vasanatthanam janahiti vuttatta ovadagaravena sikkhakamataya tattha vasam upagato. Antarantara hi bhikkhu tam ayasmantam duratova agacchantam disva tassa vimamsanatthaya anto mutthisammajjanim va kacavarachaddanikam va bahi khipitva tasmim agate avuso idam kena chadditanti vadanti. Tattha kehici rahulo imina maggena Gatoti vutte so cayasma naham bhante etam janamiti avatva tam patisametva khamatha me bhanteti khamapetva gacchati. Evamesa sikkhakamo. So tam sikkhakamatamyeva paticca tattha vasam upagato. Atha sattha purearunamyeva vaccakutidvare thatva ukkasi. So cayasma ukkasi. Ko esoti. Aham rahuloti nikkhamitva vandi. Kasma tvam rahula idha nipannositi. Vasanatthanassa abhavato pubbe hi bhante bhikkhu mama sangaham karonti idani attano apattibhayena vasanatthanam na denti svaham idam annesam asanghattanatthananti imina karanena idha nipannoti. Atha bhagavato rahulam tava bhikkhu evam pariccajanti anne kuladarake pabbajetva kim karissantiti dhammasamvego udapadi. Atha bhagava patova bhikkhu sannipatetva dhammasenapatim pucchi janasi pana tvam sariputta ajja katthaci rahulassa nivutthabhavanti. Na janami bhanteti. Sariputta ajja rahulo vaccakutiyam vasi sariputta tumhe rahulam evam pariccajanta anne kuladarake pabbajetva kim karissatha evampi sante imasmim sasane pabbajita nippatittha bhavissanti itodani patthaya anupasampanne ekam dve divase attano santike vasapetva tatiyadivase tesam vasanatthanam natva bahi vasethati idam anupannattim katva puna sikkhapadam pannapesi. Tasmim samaye dhammasabhayam sannisinna bhikkhu rahulassa gunakatham kathenti passathavuso yava sikkhakamo vatayam rahulo tava Vasanatthanam janahiti vutto nama aham dasabalassa putto tumhe ke tumheyeva nikkhamathati ekam bhikkhumpi appatippharitva vaccakutiyam vasam kappesiti. Evam tesu kathayamanesu sattha dhammasabham upagantva alankatasane nisiditva kaya nuttha bhikkhave etarahi kathaya sannisinnati aha. Bhante rahulassa sikkhakamakathaya na annaya kathayati. Sattha na bhikkhave rahulo idaneva sikkhakamo pubbepi tiracchanayoniyam nibbattopi sikkhakamoyevati vatva atitam ahari. Atite rajagahe eko magadharaja rajjam karesi. Tada bodhisatto migayoniyam nibbattitva migaganaparivuto aranne vasati. Athassa bhagini attano puttakam upanetva bhatika idam te bhagineyyam migamayam sikkhapehiti aha. Bodhisatto sadhuti patissunitva gaccha tata asukavelaya nama agantva sikkheyyasiti aha. So matulena vuttavelam anatikkamitva tam upasankamitva migamayam sikkhi. So ekadivasam vane vicaranto pasena bandho bandhaviravam viravi. Migagano palayitva putto te pasena bandhoti tassa matuya arocesi. Sa bhatu santikam gantva bhatika bhagineyyo te migamayam sikkhapitoti pucchi. Bodhisatto ma tvam puttassa kinci papakam asanki suggahita tena migamaya idani tam pahaya palayamano agacchissatiti vatva idam gathamaha migantipallatthamanekamayam atthakhuram addharattapapayim Ekena sotena chamassasanto chahi kalahatibhoti bhagineyyoti. Tattha miganti bhagineyyam migam. Tipallatthanti pallattham vuccati sayanam ubhohi passehi ujukameva ca gonipannakarenati tihakarehi pallattham assa tini va pallatthani assati tipallattho. Tam tipallattham. Anekamayanti bahumayam bahuvancanam. Atthakhuranti ekekasmim pade dvinnam dvinnam khuranam vasena atthahi khurehi samannagatam. Addharattapapayinti purimayamam atikkamitva majjhimayame arannato agamma paniyassa pivanato addharatte apam pivatiti addharattapapayi. Tam. Addharatte apam apayinti attho. Mama bhagineyyamigam aham sadhukam migamayam ugganhapesim. Katham. Yatha ekena sotena chamassasanto chahi kalahatibhoti bhagineyyoti. Idam vuttam hoti ahamhi tava puttam tatha ugganhapesim yatha ekasmim uparimanasikasote vatam sannirumhitva pathaviyam allinena ekena hetthimasotena tattheva chamayam assasanto chahi kalahi luddakam atibhoti chahi kotthasehi ajjhottharati vancetiti attho. Katamahi chahi. Cattaro pade pasaretva ekena passena seyyaya khurehi tinapamsukhananena jivhaninnamanena udarassa uddhumatabhavakaranena uccarapassavavissajjanena vatasannirumhanenati. Aparo nayo pamsum gahetva abhimukhakaddhanena patippanamanena ubhosu passesu sancaranena udaram uddham ukkhipanena Adho pakkhipanenati imahi chahi kalahi yatha atibhoti mato ayanti sannam uppadetva vanceti evam tam migamayam ugganhapesinti dipeti. Aparo nayo tatha nam ugganhapesim yatha ekena sotena chamassasanto chahi kalahati dvisupi nayesu dassitehi chahi karanehi kalahati kalayissati luddakam vancessatiti attho. Bhotiti bhaginim alapati. Bhagineyyoti evam chahi karanehi vancanakam bhagineyyam niddisati. Evam bodhisatto bhagineyyassa migamayaya sadhukam uggahitabhavam dassento bhaginim samassaseti. Sopi migapotako pasena bandho avipphanditvayeva bhumiyam mahaphasukapassena pade pasaretva nipanno padanam asannatthane khureheva paharitva pamsunca tinani ca uppatetva uccarapassavam vissajjetva sisam patetva jivham ninnametva sariram khelakilinnam katva vataggahanena uddhumatakam katva akkhini parivattetva hettha nasikasotena vatam sancarapento uparimanasikasotena vatam sannirumhitva sakalasariram thaddhabhavam gahapetva matakakaram dassesi. Nilamakkhikapi nam samparivaresum. Tasmim tasmim thane kaka niliyimsu. Luddo agantva udaram hatthena paharitva atipatova bandho bhavissati putiko jatoti tassa bandhanarajjukam mocetva etthevadani nam ukkantitva mamsam adaya gamissamiti nirasanko hutva sakhapalasam gahetum araddho. Migapotakopi utthaya catuhi padehi thatva kayam vidhunitva givam Pasaretva mahavatena chinnabalahako viya vegena matu santikam agamasi. Satthapi na bhikkhave rahulo idaneva sikkhakamo pubbepi sikkhakamoyevati idam dhammadesanam aharitva anusandhim ghatetva jatakam samodhanesi tada bhagineyyamigapotako rahulo ahosi matapi uppalavanna matulamigo pana ahameva ahositi. Tipallatthamigajatakam chattham. ------------

The Pali Atthakatha in Roman Book 35 page 243-249. http://84000.org/tipitaka/atthapali/read_rm.php?B=35&A=5049&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=5049&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=16 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=103 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=104 The Pali Tipitaka in Roman Character :- http://84000.org/tipitaka/read/roman_read.php?B=27&A=104 Contents of The Tipitaka Volume 27 http://84000.org/tipitaka/read/?index_27