AtthaPali Vol.35

2 Kukkurajatakam ye kukkurati idam sattha jetavane viharanto natatthacariyam arabbha kathesi. Sa dvadasanipate bhaddasalajatake avibhavissati. Imam pana vatthum patitthapetva atitam ahari. Atite baranasiyam brahmadatte rajjam karente bodhisatto tatharupam kammam paticca kukkurayoniyam nibbattitva anekakukkuraparivuto mahasusane vasati. Athekadivasam raja setasindhavayuttam sabbalankarapatimanditam ratham abhiruyha uyyanam gantva tattha divasabhagam kilitva atthangate suriye nagaram pavisi. Tassa tam rathavarattam yathanaddhimeva rajangane thapayimsu. So rattim deve vassante tinto. Uparipasadato koleyyakasunakha otaritva tassa cammanca naddhinca khadimsu. Punadivase ranno arocayimsu deva niddhamanamukhena sunakha pavisitva rathassa cammanceva naddhinca khadimsuti. Raja sunakhanam kujjhitva ditthaditthatthane sunakhe ghatethati aha. Tato patthaya sunakhanam mahabyasanam udapadi. Te ditthaditthatthane ghatiyamana palayitva susanam gantva bodhisattassa santikam agamamsu. Bodhisatto tumhe bahu sannipatita kim nu kho karananti pucchi. Te antepure kira rathassa cammanceva naddhinca sunakhena khaditanti kuddho raja sunakhavadham anapesi bahu sunakha vinassanti mahabhayam uppannanti ahamsu. Bodhisatto cintesi arakkhatthane bahi Sunakhanam okaso natthi antorajanivesane koleyyakasunakhanamyevetam kammam bhavissati idani pana coranam kinci bhayam natthi acora maranam labhanti yannunaham core ranno dassetva natisanghassa jivitadanam dadeyyanti. So natake samassasetva tumhe ma bhayittha aham vo abhayam aharissami yava rajanam passami tava idheva hothati paramiyo avajjetva mettabhavanam purecarikam katva mayham upari leddum va muggaram va ma koci khipitum ussahiti adhitthaya ekakova antonagaram pavisi. Atha nam disva ekasattopi kujjhitva olokento nama nahosi. Rajapi sunakhavadham anapetva sayam vinicchaye nisinno hoti. Bodhisatto tattheva gantva pakkhanditva ranno asanassa hettha pavisi. Atha nam rajapurisa niharitum araddha. Raja pana nivaresi. So thokam visametva hetthasana nikkhamitva rajanam vanditva saccam kira tumhe kukkure marapethati pucchi. Ama marapemihanti. Ko nesam aparadho narindati. Rathassa me parivaracammanca naddhinca khadimsuti. Ye khadimsu te janathati. Na janamati. Ime nama cammakhadakacorati tattato ajanitvava ditthaditthatthaneyeva marapanam na yuttam devati. Rathacammassa kukkurehi khaditatta ditthaditthe sabbeva marethati sunakhavadham anapesinti. Kim pana te manussa sabbeva kukkure marenti udahu maranam alabhantapi Atthiti. Atthi amhakam ghare koleyyaka maranam na labhantiti. Maharaja idaneva tumhe rathacammassa kukkurehi khaditatta ditthaditthe sabbeva marethati sunakhavadham anapesinti avocuttha idani pana umhakam ghare koleyyaka maranam na labhantiti vadetha nanu evam sante tumhe chandadivasena agatigamanam gacchatha agatigamananca nama na yuttam na ca rajadhammo ranna nama karanakaranagavesakena tulasadisena bhavitum vattati idani koleyyaka maranam na labhanti dubbalasunakhava labhanti evam sante nayam sabbasunakhaghacca dubbalaghatika namesati evanca pana vatva mahasatto madhurassaram niccharetva maharaja yam tumhe karotha nayam dhammoti ranno dhammam desento imam gathamaha ye kukkura rajakulasmi vaddha koleyyaka vannabalupapanna teme na vajjha mayamasma vajjha nayam saghacca dubbalaghatikayanti. Tattha ye kukkurati ye sunakha. Yatha hi dharunhopi passavo putimuttanti tadahujatopi singalo jarasingaloti komalapi galocilata putilatati suvannavannopi kayo putikayoti vuccati evameva vassasatikopi sunakho kukkuroti vuccati tasma mahallaka kayabalupapannapi te kukkuratveva vutta. Vaddhati vaddhita. Koleyyakati rajakule jata sambhuta samvaddha. Vannabalupapannati Sariravannena ceva kayabalena ca sampanna. Teme na vajjhati te ime sassamika sarakkha na vajjha. Mayamasma vajjhati assamika anarakkha mayam vajjha nama jata. Nayam saghaccati evam sante ayam avisesena saghacca nama na hoti. Dubbalaghatikayanti ayam pana dubbalanamyeva ghatanato dubbalaghatika nama hoti rajuhi nama cora niggahitabba no acora idha pana coranam kinci natthi acora maranam labhanti aho imasmim loke ayuttam vattati aho adhammo vattatiti. Raja bodhisattassa vacanam sutva aha janasi pana tvam pandita asukehi nama rathacammam khaditanti. Ama janamiti. Kehi khaditanti. Tumhakam gehe vasanakehi koleyyakasunakhehiti. Katham tehi khaditabhavo janitabboti aha. Aham tehi khaditabhavam desissamiti. Dassehi panditati. Tumhakam ghare koleyyakasunakhe anapetva thokam takke ca dabbatinani ca aharapethati. Raja tatha akasi. Atha nam mahasatto imani tinani takkena maddapetva ete sunakhe payethati aha. Raja tatha katva payapesi. Pitapita sunakha saddhim cammehi vamimsu. Raja sabbannubuddhassa byakaranam viyati tuttho bodhisattassa setacchattena pujam akasi. Bodhisatto dhammancara maharaja matapitusu khattiyati adihi te sakunajatake agatahi dasadhammacariyagathahi ranno dhammam desetva maharaja ito patthaya Appamatto hohiti rajanam pancasu silesu patitthapetva setacchattam rannova puna adasi. Raja mahasattassa dhammakatham sutva sabbasattanam abhayam datva bodhisattam adim katva sabbasunakhanam attano bhojanasadisameva niccabhattam patthapetva bodhisattassa ovade thito yavatayukam danadini punnani karitva kalam katva devaloke uppajji. Kukkurovado dasavassasahassani pavattati. Bodhisattopi yavatayukam thatva yathakammam gato. Sattha na bhikkhave tathagato idaneva natakanam attham carati pubbepi cariyevati vatva imam dhammadesanam aharitva anusandhim ghatetva jatakam samodhanesi tada raja anando ahosi avasesa parisa buddhaparisa kukkurapandito pana ahamevati. Kukkurajatakam dutiyam. -----------

The Pali Atthakatha in Roman Book 35 page 264-268. http://84000.org/tipitaka/atthapali/read_rm.php?B=35&A=5453&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=5453&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=22 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=149 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=147 The Pali Tipitaka in Roman Character :- http://84000.org/tipitaka/read/roman_read.php?B=27&A=147 Contents of The Tipitaka Volume 27 http://84000.org/tipitaka/read/?index_27