|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6 Mahilamukhajatakam
poranacorana vaco nisammati idam sattha veluvane viharanto
devadattam arabbha kathesi.
Devadatto ajatasattukumaram pasadetva labhasakkaram uppadesi.
Ajatasattukumaro devadattassa gayasise viharam karapetva
nanaggarasehi tivassikagandhasalibhojanassa divase divase panca
thalikasatani abhihari. Labhasakkaram nissaya devadattassa parivaro
mahanto jato. Devadatto parivarena saddhim vihareyeva hoti.
Tena samayena rajagahavasika dve sahaya. Tesu eko satthu
santike pabbajito eko devadattassa santike pabbajito. Te
annamannam tasmim tasmim thanepi passanti viharam gantvapi passantiyeva.
Athekadivasam devadattassa nissitako itaram aha avuso kim tvam
devasikam devasikam sedehi muncamanehi pindaya carasi gayasise
vihare nisiditvava nanaggarasehi subhojanam bhunja evarupo
payaso idha natthi kim tvam dukkham anubhosi kinte patova
gayasisam agantva sauttaribhangam yagum pivitva attharasavidham
---------------------------------------------------------------------------------------------
page280.
Khajjakam khaditva nanaggarasehi subhojanam bhunjitum na vattatiti. So
punappunam vuccamano gantukamo hutva tato patthaya gayasisam
gantva bhunjitva kalasseva veluvanam agacchati. So sabbakale
paticchadetum nasakkhi. Gayasisam gantva devadattassa upatthapitabhattam
bhunjatiti nacirasseva pakato jato. Atha nam sahaya
pucchimsu saccam kira tvam avuso devadattassa upatthapitam bhattam
bhunjasiti. Ko evamahati. Asuko ca asuko cati. Saccam
aham avuso gayasisam gantva bhunjami na pana me devadatto
bhattam deti anne manussa dentiti. Avuso devadatto
buddhanam patikanthako dussilo ajatasattum pasadetva adhammena
attano labhasakkaram uppadesi tvam evarupe niyyanikasasane
pabbajitva devadattassa adhammeneva uppannam bhojanam bhunjasi
ehi tam satthu santikam nessamati tam bhikkhum adaya dhammasabham
agamimsu. Sattha tam disvava kim bhikkhave etam bhikkhum
anicchamananneva adaya agatatthati. Ama bhante ayam bhikkhu
tumhakam santike pabbajitva devadattassa adhammena uppannam bhojanam
bhunjatiti. Saccam kira tvam bhikkhu devadattassa adhammena uppannam
bhojanam bhunjasiti. Na bhante devadatto mayham bhattam deti
anne manussa mayham denti tamaham bhunjamiti. Sattha ma
bhikkhu ettha pariharam kari devadatto anacaro dussilo kathanhi
nama tvam idha pabbajitva mama sasanam bhajantoyeva devadattassa
---------------------------------------------------------------------------------------------
page281.
Bhattam bhunjasi niccakalampi bhajanasilova tvam ditthadittheyeva bhajasiti
vatva atitam ahari.
Atite baranasiyam brahmadatte rajjam karente bodhisatto
tassa amacco ahosi. Tada ranno mahilamukho nama mangalahatthi
ahosi silava acarasampanno na kanci vihetheti. Athekadivasam
tassa salasamipe rattibhagasamanantare cora agantva tassa avidure
nisinna coramantam mantayimsu evam ummango bhinditabbo evam
sandhicchedanakammam kattabbam ummanganca sandhicchedananca maggasadisam
titthasadisam nijjatam niggumbam katva bhandam haritum vattati harantena
maretvava paharitva ca haritabbam evam utthatum samattho
nama na bhavissati corena ca nama silacarayuttena na bhavitabbam
kakkhalena pharuseneva sahasikena bhavitabbanti. Evam mantetva
annamannam ugganhapetva agamamsu. Eteneva nayena punadivasepi
punadivasepiti bahudivase tattha agantva mantayimsu. So tesam
vacanam sutva mam sikkhapentiti sannaya idani maya kakkhalena
pharusena sahasikena bhavitabbanti tatharupo ahosi patova agatam
hatthigopakam sondaya gahetva bhumiyam pothetva maresi aparampi
aparampiti agatagatam maretiyeva. Mahilamukho ummattako jato
ditthaditthe maretiti ranno arocayimsu. Raja bodhisattam pahini gaccha
pandita janahi kena karanena so duttho jatoti. Bodhisatto
---------------------------------------------------------------------------------------------
page282.
Gantva tassa sarire arogabhavam natva kena nu kho karanena
esa duttho jatoti upadharento addha avidure kesanci vacanam
sutva mam ete sikkhapentiti sannaya duttho jatoti sannitthanam
katva hatthigopake pucchi atthi nu kho hatthisalasamipe rattibhage
kehici kinci kathitapubbanti. Ama sami cora agantva
kathayimsuti. Bodhisatto gantva ranno arocesi deva ranno
hatthissa sarire vikaro natthi coranam katham sutva duttho jatoti.
Idani kim katum vattatiti. Silavante samanabrahmane hatthisalayam
nisidapetva silacarakatham kathetum vattatiti. Evam karohi tatati.
Bodhisatto silavante samanabrahmane hatthisalayam nisidapetva
silakatham kathetha bhanteti aha. Te hatthissa avidure nisinna
na koci paramasitabbo na maretabbo silacarasampannena
khantimettanuddayayuttena bhavitum vattatiti silakatham kathayimsu. So tam sutva
mam ete sikkhapenti itodani patthaya silavata bhavitabbanti silava
ahosi. Raja bodhisattam pucchi kim tata silava jatoti.
Bodhisatto ama devati. Evarupo nama dutthahatthi pandite
nissaya poranakadhammeyeva patitthitoti vatva imam gathamaha
poranacorana vaco nisamma
mahilamukho pothayamanucari
susannatanam hi vaco nisamma
gajuttamo sabbagunesu atthati.
---------------------------------------------------------------------------------------------
page283.
Tattha poranacorananti puranacoranam. Nisammati sutva
pathamam coranam vacanam sutvati attho. Mahilamukhoti hatthinimukhena
sadisamukho. Athava. Yatha mahila purato olokiyamana sobhati
na pacchato tatha sopi purato olokiyamano sobhati tasma
mahilamukhotissa namam akamsu. Pothayamanucariti pothayanto marento
anvacari. Ayameva va patho. Susannatananti sutthu sannatanam
silavantanam. Gajuttamoti uttamagajo mangalahatthi. Sabbagunesu
atthati sabbesu poranakagunesu patitthitoti.
Raja tiracchanagatassapi asayam janatiti bodhisattassa mahantam
yasam adasi. So yavatayukam thatva saddhim bodhisattena yathakammam
gato.
Sattha pubbepi tvam bhikkhu ditthadittheyeva bhaji coranam
katham sutva core bhaji dhammikanam vacanam sutva dhammike bhajiti imam
dhammadesanam aharitva anusandhim ghatetva jatakam samodhanesi tada
mahilamukho vipakkhasevakabhikkhu ahosi raja anando amacco
pana ahameva sammasambuddhoti.
Mahilamukhajatakam chattham.
------------
The Pali Atthakatha in Roman Book 35 page 279-283.
http://84000.org/tipitaka/atthapali/read_rm.php?B=35&A=5762&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=35&A=5762&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=26
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=172
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=170
The Pali Tipitaka in Roman Character :-
http://84000.org/tipitaka/read/roman_read.php?B=27&A=170
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]