|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10 Munikajatakam
ma munikassati idam sattha jetavane viharanto thullakumarikappalobhanam
arabbha kathesi.
Tam terasanipate cullanaradakassapajatake avibhavissati. Sattha
pana tam bhikkhum saccam kira tvam bhikkhu ukkanthitositi pucchi. Ama
bhanteti. Kim nissayati. Thullakumarikappalobhanam bhanteti.
Sattha na idaneva bhikkhu esa tava anatthakarika pubbepi
tvam imissa vivahadivase jivitakkhayam patva mahajanassa uttaribhangabhavam
pattoti vatva atitam ahari.
Atite baranasiyam brahmadatte rajjam karente bodhisatto
ekasmim gamake ekassa kutumbikassa gehe goyoniyam nibbatti
---------------------------------------------------------------------------------------------
page295.
Mahalohitoti namena. Kanitthabhatapissa culalohito nama ahosi.
Teyeva dve bhatike nissaya tasmimyeva kule kammadhuram vattati.
Tasmim pana kule eka kumarika atthi. Tam eko nagaravasi
kulaputto attano puttassa varesi. Tassa matapitaro kumarikaya
vivahakale agatanam pahunakanam uttaribhango bhavissatiti yagubhattam
datva munikannama sukaram posesum. Tam disva culalohito bhataram
pucchi imasmim kule kammadhuram vattamanam amhe dve bhatike
nissaya vattati ime pana amhakam tinapalasadineva denti
sukaram yagubhattena posenti kena nu kho karanenesa etam labhatiti.
Athassa bhata tata culalohita ma tvam etassa bhojanam pihayi
ayam sukaro maranabhattam bhunjati etissapi kumarikaya vivahakale
agatapahunakanam uttaribhango bhavissatiti ime etam sukaram posenti
ito katipahaccayena te manussa agamissanti atha nam sukaram
padesu gahetva kaddhiyamanam hetthamancato niharitva jivitakkhayam
papetva pahunakanam supabyanjanam kariyamanam passissasiti vatva
imam gathamaha
ma munikassa pihayi aturannani bhunjati
appossuko bhusankhada etam dighayulakkhananti.
Tattha ma munikassa pihayiti munikassa bhojane piham ma
uppadayi esa subhojanam bhunjatiti ma munikassa pihayi kada
nu kho ahampi evam sukhito bhaveyyanti ma munikabhavam patthayi
---------------------------------------------------------------------------------------------
page296.
Ayanhi aturannani bhunjati. Aturannaniti maranabhojanani.
Appossuko bhusankhadati tassa bhojane nirussukko hutva attana
laddham bhusankhada. Etam dighayulakkhananti etam dighayubhavassa
karanam.
Tato nacirasseva te manussa agamimsu. Munikam ghatetva
nanappakarehi pacimsu. Bodhisatto culalohitam aha dittho te
tata munikoti. Dittham me bhatika munikassa bhojanaphalam etassa
bhattato satagunena sahassagunena amhakam tinapalasabhusamattameva
uttamanca anavajjanca dighayulakkhanancati.
Sattha evam kho tvam bhikkhu pubbepi imam kumarikam nissaya
jivitakkhayam patva mahajanassa uttaribhangabhavam gatoti imam dhammadesanam
aharitva saccani pakasesi. Saccapariyosane ukkanthitabhikkhu
sotapattiphale patitthasi. Satthapi anusandhim ghatetva jatakam
samodhanesi tada munikasukaro ukkanthitabhikkhu ahosi thullakumarika
esaeva culalohito anando mahalohito pana ahamevati.
Munikajatakam dasamam.
Kurungavaggo tatiyo.
------------
The Pali Atthakatha in Roman Book 35 page 294-296.
http://84000.org/tipitaka/atthapali/read_rm.php?B=35&A=6072&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=35&A=6072&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=30
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=197
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=196
The Pali Tipitaka in Roman Character :-
http://84000.org/tipitaka/read/roman_read.php?B=27&A=196
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]