AtthaPali Vol.36

4. Phalajatakam nayam rukkho duraruhoti idam sattha jetavane viharanto ekam phalakusalam upasakam arabbha kathesi. Eko kira savatthivasi kutumbiko buddhappamukham bhikkhusangham nimantetva attano arame nisidapetva yagujajjakam datva uyyanapalam anapesi bhikkhuhi saddhim uyyane vicaritva ayyanam ambadini nanaphalani dehiti. So sadhuti patissunitva bhikkhusangham adaya uyyane vicaranto rukkham oloketva etam phalam amam etam na supakkam etam supakkanti janati. Yam so vadati tam tatheva hoti. Bhikkhu gantva tathagatassa arocesum bhante ayam uyyanapalo phalakusalo bhumiyam thitova rukkham oloketva etam phalam amam etam na Supakkam etam supakkanti janati yam so vadati tam tatheva hotiti. Sattha na bhikkhave ayameva uyyanapalo phalakusalo pubbepi panditapi phalakusala ahesunti vatva atitam ahari. Atite baranasiyam brahmadatte rajjam karente bodhisatto satthavahakule nibbattitva vayappatto pancahi sakatasatehi vanijjam karonto ekasmim kale mahavattaniatavim patva atavimukhe thatva sabbe manusse sannipatapetva imissa ataviya visarukkha nama honti visapattani visapupphani visaphalani visamadhuni hontiyeva pubbe tumhehi aparibhuttam yankinci pattam va phalam va puppham va mam anapucchitva ma khaditthati aha. Te sadhuti sampaticchitva atavim otarimsu. Atavimukhe ca ekasmim gamadvare kimphalarukkho nama atthi tassa khandha sakha palasa puppha phalani sabbani ambasadisaneva honti na kevalam vannasanthanato gandharasehi cassa amapakkani phalani ambaphalasadisaneva khaditani pana halahalavisam viya tam khanamyeva jivitakkhayam papenti. Purato gacchanta ekacce lolapurisa ambarukkho ayanti sannaya phalani khadimsu ekacce satthavaham pucchitvava khadissamati hatthena gahetva atthamsu. Te satthavahe agate ayya imani ambaphalani khadamati pucchimsu. Bodhisatto nayam ambarukkhoti natva kimphalarukkho namesa nayam ambarukkho ma khadathati varetva ye khadimsu tepi vamapetva catummadhuram payetva arogam akasi. Pubbe pana imasmim rukkhamule manussa Nivasam kappetva ambaphalaniti imani visaphalani khaditva jivitakkhayam papunanti. Punadivase gamavasino nikkhamitva matamanusse disva pade ganhitva paticchannatthane chaddetva sakatehi saddhimyeva sabbam tesam santakam gahetva gacchanti. Te tam divasampi arunuggamanakaleyeva mayham balibadda bhavissanti mayham sakatam mayham bhandanti vegena tam rukkhamulam gantva manusse niroge disva katham tumhe imam rukkham nayam ambarukkhoti janitthati pucchimsu. Te mayam na janama satthavahajetthako no janatiti ahamsu. Manussa bodhisattam pucchimsu pandita kinti katva tvam imassa rukkhassa naambarukkhabhavam annasiti. So dvihi karanehi annasinti vatva imam gathamaha nayam rukkho duraruho napi gamato araka akarakena janami nayam sadhuphalo dumoti. Tattha nayam rukkho duraruhoti ayam visarukkho na dukkharuho hoti ukkhipitva thapitanisseni viya sukhena arohitum sakkati vadati. Napi gamato arakati gamato dure thitopi na hoti gamadvare thitoyevati dipeti. Akarakena janamiti imina dubbidhena karanenaham imam rukkham janami. Kinti. Nayam sadhuphalo dumoti sace hi ayam madhuraphalo ambarukkho abhavissa evam sukharulhe avidure thite etasmim ekampi phalam na tittheyya phalakhadakamanussehi niccaparivutova assa evam aham attano nanena paricchinditva imassa visarukkhabhavam annasinti. Mahajanassa dhammam desetva sotthigamanam gato. Satthapi evam bhikkhave pubbepi pandita phalakusala ahesunti imam dhammadesanam aharitva anusandhim ghatetva jatakam samodhanesi tada parisa buddhaparisa ahesum satthavaho pana ahamevati. Phalajatakam catuttham. -------------

The Pali Atthakatha in Roman Book 36 page 53-56. http://84000.org/tipitaka/atthapali/read_rm.php?B=36&A=1051&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=1051&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=54 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=358 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=353 The Pali Tipitaka in Roman Character :- http://84000.org/tipitaka/read/roman_read.php?B=27&A=353 Contents of The Tipitaka Volume 27 http://84000.org/tipitaka/read/?index_27