บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Saccamkirajatakam saccam kirevamahamsuti idam sattha veluvane viharanto vadhaya parisakkanam arabbha kathesi. Bhikkhusanghe hi dhammasabhayam nisiditva avuso devadatto satthu gunam na janati vadhaya parisakkatiti devadattassa agunam kathente sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva devadatto mayham vadhaya parisakkati pubbepi parisakkiyevati vatva atitam ahari. Atite baranasiyam brahmadatte rajjam karente tassa dutthakumaro nama putto ahosi kakkhalo pharuso pahatasivisupamo anakkositva va appaharitva va kenaci saddhim na kathesi. So antojanassa ca bahijanassa ca akkhimhi patitarajam viya khaditum agatapisaco viya ca amanapo ahosi ubbejaniyo. So ekadivasam nadikilam kilitukamo mahantena parivarena naditiram agamasi. Tasmim khane mahamegho utthahi disa andhakara jata. So dasapessajanam aha etha bhane mam gahetva nadimajjham netva nhapetva anethati. Te tam tattha netva kinno raja karissati imam papapurisam ettheva maremati mantayitva ettha gaccha kalakanniti udake opilapetva paccuttaritva tire atthamsu. Kaham kumaroti Vutte na mayam kumaram passama megham utthitam disva udake nimujjitva purato agato bhavissatiti amacca ranno santikam agamamsu. Raja kaham me puttoti pucchi. Na janama deva meghe utthite purato agato bhavissatiti sannayagatamhati. Raja dvaram vivarapetva naditiram gantva vicinathati tattha tattha vicinapesi. Koci kumaram naddasa. Sopi kho meghandhakare deve vassante nadiya vuyhamano ekam darukkhandham disva tattha nisiditva maranabhayatajjito paridevamano gacchati. Tasmim pana kale baranasivasi eko setthi naditire cattalisakotidhanam nidahitva dhanatanhaya dhanapitthe sappo hutva nibbatti. Aparopi tasmimyeva padese timsakotiyo nidahitva dhanatanhaya tattheva unduro hutva nibbatti. Tesam vasanatthanam udakam pavisi. Te udakassa pavitthamaggeneva nikkhamitva sotam chindanta gantva tam rajakumarena abhinisinnam rukkhakkhandham patva eko ekam kotim itaro itaram aruyha khandhapittheyeva nipajjimsu. Tassayeva kho pana nadiya tire eko simbalirukkho atthi. Tattheko suvapotako vasati. Sopi rukkho udakena dhotamulo nadipitthe pati. Suvapotako deve vassante uppatitva gantum asakkonto gantva tasseva khandhassa ekapasse niliyi. Evam te cattaro jana ekato vuyhamana gacchanti. Bodhisattopi kho tasmim kale kasiratthe udiccabrahmanakule Nibbattitva vuddhippatto isipabbajjam pabbajitva ekasmim nadinivattane pannasalam mapetva vasati. So addharattikasamaye cankamamano tassa rajakumarassa balavaparidevanasaddam sutva cintesi madise nama mettanuddayasampanne tapase vasante etassa purisassa maranam ayuttam udakato uddharitva tassa jivitadanam dassamiti. So tam ma bhayiti assasetva udakasotam chindanto gantva tam darukkhandham ekaya kotiya gahetva akaddhanto nagabalo thamasampanno ekavegena naditiram patva kumaram ukkhipitva tire patitthapesi. Te sappadayo disva ukkhipitva assamapadam netva aggim jaletva ime dubbalatarati pathamam sappadinam sariram sedetva paccha rajakumarassa sariram sedetva tampi arogam katva aharam dentopi pathamam sappadinameva datva paccha tassa phalaphalani upanamesi. Rajakumaro ayam kutatapaso mam rajakumaram aganetva tiracchanagatanam sammanam karotiti bodhisatte aghatam bandhi. Tato katipahaccayena pana sabbesupi tesu thamabalappattesu nadiya oghe pacchinne sappo tapasam vanditva aha bhante tumhehi mayham mahaupakaro kato na kho panaham daliddo asukatthane me cattalisa hirannakotiyo nidahita tumhakam dhanena kicce sati sabbametam dhanam tumhakam datum sakkomi tam thanam gantva dighati pakkoseyyathati vatva pakkami. Unduropi tatheva tapasam nimantetva atthe sati asukatthane thatva undurati Pakkoseyyathati vatva pakkami. Suvapotako pana tapasam vanditva bhante mayham dhanam natthi rattasalihi pana vo atthe sati asukam nama mayham vasanatthanam tattha gantva sukati pakkoseyyatha aham natakanam arocetva anekasakatapuramatta rattasali aharapetva datum sakkomiti vatva pakkami. Itaro pana mittadubbhidhammesu dhammataya yankinci avatva gantum ayuttameva tam attano santikam agatam maressamiti cintetva bhante mayi rajje patitthite agaccheyyatha aham vo catuhi paccayehi upatthahissamiti vatva pakkami. So gantva nacirasseva rajje patitthasi. Bodhisatto vimamsissami tava neti pathamam sappassa santikam gantva avidure thatva dighati pakkosi. So ekavacaneneva nikkhamitva bodhisattam vanditva bhante imasmim thane cattalisa hirannakotiyo ta sabbapi niharitva harathati aha. Bodhisatto evamatthu uppanne kicce janissamiti tam nivattapetva undurassa santikam gantva saddamakasi. Sopi kho tatheva patipajji. Bodhisatto tampi nivattapetva sukassa santikam gantva sukati pakkosi. Sopi ekavacaneneva rukkhaggato otaritva bodhisattam vanditva kim bhante mayham natakanam santikam gantva himavantappadesato tumhakam sanjatasali aharapessamiti pucchi. Bodhisatto atthe sati janissamiti tampi nivattapetva idani rajanam Parigganhissamiti gantva rajuyyane vasitva punadivase akappasampattim katva bhikkhacaravattena nagaram pavisi. Tasmim khane sopi mittadubbhiraja alankatahatthikkhandhavaragato mahantena parivarena nagaram padakkhinam karonto bodhisattam duratova disva ayam so kutatapaso mama santike vasitukamo agato yava parisamajjhe attana mayham katagunam na pakasesi tavadevassa sisam chindapessamiti purise oloketva kim karoma devati vutte esa kutatapaso mam kinci yacitukamo agacchati manne etassa kalakannitapasassa mam passitum adatvava etam gahetva pacchabahum bandhitva catukke catukke paharanta nagara niharitva aghatane sisamassa chinditva sariram sule uttasethati aha. Te sadhuti sampaticchitva gantva niraparadham mahasattam bandhitva catukke catukke paharanta aghatanam netum arabhimsu. Bodhisatto pahatapahatatthane ammatatati akandanto nibbikaro imam gathamaha saccam kirevamahamsu nara ekacciya idha kattham nipphavitam seyyo na tvevekacciyo naroti. Tattha saccam kirevamahamsuti avitathameva kira evam vadanti. Nara ekacciya idhati idhekacce panditapurisa. Kattham nipphavitam seyyoti nadiya vuyhamanam sukkhadarum nipphavitam uttaretva thale thapitam seyyo sundaram etanti vadamana te purisa saccam kira vadanti. Kimkarana. Tam hi yagubhattadinam pacanatthaya sitaturanam Visivanatthaya annepi ca parissayanam haranatthaya upakaram hoti. Na tvevekacciyo naroti ekacco pana mittadubbhi akatannu papapuriso oghena vuyhamano hatthe gahetva uttarito na tveva varam tathahi aham imam papapurisam uttaretva imam attano dukkham aharinti. Evam pahatapahatatthane imam gathamaha. Tam sutva ye tattha panditapurisa te ahamsu kim pana bho pabbajita taya amhakam ranno atthi koci guno katoti. Bodhisatto tam pavuttim arocetva evamimam mahoghato uttarento ahameva attano dukkham akasim na vata me poranakapanditanam katanti anussaritva evam vadamiti aha. Tam sutva khattiyabrahmanadayo nagaravasino yvayam mittadubbhiraja evam gunasampannassa attano jivitadayakassa gunamattampi na janati tam nissaya kuto amhakam vuddhi ganhatha nanti kupita samantato utthahitva ususattipasana- muggaradippaharehi hatthikkhandhagatameva nam ghatetva pade gahetva kaddhitva parikkhapitthe chaddetva bodhisattam abhisincitva rajje patitthapesum. So dhammena rajjam karento pana ekadivasam sappadayo parigganhitukamo mahantena parivarena sappassa vasanatthanam gantva dighati pakkosi. Sappo agantva vanditva idante sami dhanam ganhati aha. Raja cattalisahirannakotidhanam amacce Paticchapetva undurassa santikam gantva undurati pakkosi. Sopi agantva vanditva timsakotidhanam niyyadesi. Raja tampi amacce paticchapetva sukassa vasanatthanam gantva sukati pakkosi. Sopi agantva pade vanditva sami sali aharamiti aha. Raja salihi atthe sati aharissasi ehi gacchamati sattatiya hirannakotihi saddhim te tayopi jane gahapetva nagaram gantva pasadavaramahatalam aruyha dhanam sangopapetva sappassa vasanatthaya suvannanalim undurassa phalikaguham sukassa suvannapanjaram karapetva sappassa ca sukassa ca bhojanatthaya devasikam kancanatattake madhulaje undurassa gandhasalitandule dapesi danadini punnani karoti. Evam tepi cattaro jana yavajivam samagga sammodamana viharitva jivitakkhaye yathakammam agamimsu. Sattha na bhikkhave devadatto idaneva mayham vadhaya parisakkati pubbepi parisakkiyevati vatva imam dhammadesanam aharitva anusandhim ghatetva jatakam samodhanesi tada duttharaja devadatto ahosi sappo sariputto unduro moggallano suko anando paccharajjappattadhammaraja pana ahamevati. Saccamkirajatakam tatiyam. ----------The Pali Atthakatha in Roman Book 36 page 129-135. http://84000.org/tipitaka/atthapali/read_rm.php?B=36&A=2576&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=2576&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=73 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=480 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=468 The Pali Tipitaka in Roman Character :- http://84000.org/tipitaka/read/roman_read.php?B=27&A=468 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]