AtthaPali Vol.36

4 Makasajatakam seyyo amittoti idam sattha magadhesu carikam caramano annatarasmim gamake balamanusse arabbha kathesi. Tathagato kira ekasmim samaye savatthito magadharattham gantva tattha carikam caramano annataram gamam sampapuni. Sopi gamako yebhuyyena andhabalamanussehiyeva ussanno. Athekadivasam andhabalamanussa sannipatitva bho amhe arannam pavisitva kammam karonte makasa khadanti tappaccaya amhakam kammacchedo hoti sabbeva dhanuni ceva avudhani ca adaya gantva makasehi saddhim yujjhitva sabbe makase vijjhitva chinditvava maressamati mantayitva arannam gantva makase vijjhissamati annamannam vijjhitva paharitva ca dukkhappatta agantva antogame ca gamamajjhe ca gamadvare ca nipajjimsu. Sattha bhikkhusanghaparivuto tam gamam pindaya pavisi. Avasesa panditamanussa bhagavantam disva gamadvare mandapam karetva buddhappamukhassa bhikkhusanghassa mahadanam datva sattharam vanditva nisidimsu. Tada sattha tasmim

--------------------------------------------------------------------------------------------- page19.

Tasmim thane patite manusse disva te upasake pucchi bahu ime gilanamanussa kim etehi katanti. Bhante ete manussa makasayuddham karissamati gantva annamannam vijjhitva sayam gilana jatati. Sattha na idaneva andhabalamanussa makase paharissamati attanam paharanti pubbepi makasam paharissamati param paharanakamanussa ahesumyevati vatva tunhi ahosi tehi manussehi yacito atitam ahari. Atite baranasiyam brahmadatte rajjam karente bodhisatto vanijjaya jivikam kappesi. Tada kasiratthe ekasmim paccantagame bahu vaddhaki vasanti. Tattheko khallatavaddhaki rukkham tacchati. Athassa eko makaso tambalohathalakapitthisadise sise nisiditva sattiya paharanto viya sisam mukhatundakena vijjhi. So attano santike nisinnam puttam aha tata mayham sisam makaso sattiya paharanto viya vijjhati marehi nanti. Tata adhivasehi ekappaharena tam maressamiti. Tasmim samaye bodhisattopi attano bhandam pariyesamano tam gamam patva tassa vaddhakisalaya nisinno hoti. Atha so vaddhaki puttam aha tata imam makasam varehiti. So varessami tatati tikhinam mahapharasum ukkhipitva pitu pitthipasse thatva makasam paharissamiti pitu matthakam dvidha bhindi. Vaddhaki tattheva jivitakkhayam patto. Bodhisatto tassa tam kammam disva paccamittopi pandito seyyo so hi dandabhayenapi

--------------------------------------------------------------------------------------------- page20.

Na manussam maressatiti cintetva imam gathamaha seyyo amitto matiya upeto na tveva mitto mativippahino makasam vadhissanti hi elamugo putto pitu abbhida uttamanganti. Tattha seyyoti pavaro uttamo. Matiya upetoti pannaya samannagato. Elamugoti lalamugo balo. Putto pitu abbhida uttamanganti attano balataya puttopi hutva pitu uttamangam matthakam makasam maressamiti dvidha bhindi tasma balamittato pandito amittova seyyoti. Imam gatham vatva bodhisatto utthaya yathakammam gato. Vaddhakissapi nataka sarirakiccam akamsu. Sattha evam upasaka pubbepi makasam paharissamati param paharanakamanussa ahesumyevati imam dhammadesanam aharitva anusandhim ghatetva jatakam samodhanesi tada gatham vatva pakkanto panditavanijo pana ahameva ahositi. Makasajatakam catuttham. --------------

The Pali Atthakatha in Roman Book 36 page 18-20. http://84000.org/tipitaka/atthapali/read_rm.php?B=36&A=357&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=357&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=44 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=294 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=291 The Pali Tipitaka in Roman Character :- http://84000.org/tipitaka/read/roman_read.php?B=27&A=291 Contents of The Tipitaka Volume 27 http://84000.org/tipitaka/read/?index_27