AtthaPali Vol.36

2 Mahasarajatakam ukkatthe suramicchantiti idam sattha jetavane viharanto ayasmantam anandattheram arabbha kathesi. Ekasmim samaye kosalaranno itthiyo cintayimsu buddhuppado nama dullabho tatha manussappatilabho paripunnayatanata ca mayanca imam dullabham khanasamavayam labhitvapi attano ruciya viharam gantva dhammam va sotum pujam va katum danam va datum na labhama manjusaya Pakkhitta viya vasama ranno kathetva amhakam dhammam kathetum anucchavikam ekam bhikkhum pakkosapetva tassa santike dhammam sossama tato yam sikkhissama tam ugganhissama danadini punnani karissama evam no ayam khanappatilabho saphalo bhavissatiti. Ta sabbapi rajanam upasankamitva attana cintitam karanam kathayimsu. Raja sadhuti sampaticchitva athekadivasam uyyanakilam kilitukamo uyyanapalam pakkosapetva uyyanam sodhehiti aha. Uyyanapalo uyyanam sodhento sattharam annatarasmim rukkhamule nisinnam disva ranno santikam gantva suddham deva uyyanam apicettha annatarasmim rukkhamule bhagava nisinnoti aha. Raja sadhu samma satthu santike dhammam sossamati alankataratham abhiruyha uyyanam gantva satthu santikam agamasi. Tasminca samaye chattapani nameko anagamiupasako satthu santike dhammam sunamano nisinno hoti. Raja tam disva asankamano muhuttam thatva puna sacayam papako bhaveyya na satthu santike nisiditva dhammam suneyya apapakena imina bhavitabbanti cintetva sattharam upasankamitva vanditva ekamantam nisidi. Upasako buddhagaravena ranno paccutthanam va vandanam va na akasi. Tenassa raja anattamano ahosi. Sattha tassa anattamanabhavam natva upasakassa gunam kathesi ayam maharaja upasako bahussuto agatagamo kame vitaragoti. Raja na Imina orakena bhavitabbam yassa sattha gunam vannetiti cintetva upasaka vadeyyasi yena te atthoti aha. Upasako sadhuti sampaticchi. Raja satthu santike dhammam sutva sattharam padakkhinam katva pakkami. So ekadivasam uparippasade mahavatapanam vivaritva thito tam upasakam bhuttapatarasam chattamadaya jetavanam gacchantam disva pakkosapetva evamaha tvam kira upasaka bahussuto amhakanca itthiyo dhammam sotukama ceva uggahetukama ca sadhu vatassa sace tasam dhammam vaceyyasiti. Gihinam nama rajantepure dhammam desetum va vacetum va na patirupam etam ayyanameva patirupanti. Raja saccam esa vadatiti tam uyyojetva itthiyo pakkosapetva bhadde aham tumhakam dhammam desanatthaya ca dhammam vacanatthaya ca satthu santikam gantva ekam bhikkhum yacissami asitiya mahasavakesu kataram yacissamiti aha. Ta sabba mantetva dhammabhandagarikam anandattherameva arocesum. Raja satthu santikam gantva vanditva ekamantam nisinno evamaha bhante amhakam gehe itthiyo anandattherassa santike dhammam sotunca uggahetunca icchanti sadhu vatassa sace thero amhakam gehe dhammam deseyya ceva vaceyya cati. Sattha sadhuti sampaticchitva theram anapesi. Tato patthaya ranno itthiyo therassa santike dhammam sunanti ceva ugganhanti ca. Athekadivasam ranno culamani nattho. Raja tassa natthabhavam sutva amacce anapesi sabbe antovalanjanakamanusse gahetva culamanim aharapethati. Amacca matugame adim katva culamanim paripucchanta adisva mahajanam kilamenti. Tam divasam anandatthero rajanivesanam pavittho. Yatha ta itthiyo pubbe theram disvava hatthatuttha dhammam sunanti ceva ganhanti ca tatha akatva sabba domanassappattava ahesum tato therena kasma tumhe ajja evarupa jatati pucchita evamahamsu bhante ranno culamanim pariyesissamati amacca matugame upadaya antovalanjanake kilamenti na janama kassa kim bhavissatiti tenamha domanassappattati. Thero ma cintethati ta samassasetva ranno santikam gantva pannattasane nisiditva mani kira te maharaja natthoti pucchi. Ama bhanteti. Asakkhi pana tam aharapetunti. Bhante sabbam antojanam gahetva kilamentopi na sakkomi aharapetunti. Maharaja mahajanam akilametvava aharanupayo atthiti. Kataro bhanteti. Pindadanam maharajati. Kataram pindadanam bhanteti. Maharaja yattakesu asanka atthi te gahetva ekekassa ekekam palasapindam va mattikapindam va datva imam paccusakale aharitva asukatthane nama patethati vattabbam yena gahito bhavissati so tasmim pakkhipitva aharissati sace pathamadivaseyeva patenti iccetam kusalam no ce patenti Dutiyadivasepi tatiyadivasepi tatheva katabbam evam mahajano ca na kilamissati maninca labhissasiti evam vatva thero agamasi. Raja vuttanayeneva tayo divase dapesi. Neva manim aharimsu. Thero tatiyadivase agantva kim maharaja patito maniti pucchi. Na patenti bhanteti. Tenahi maharaja mahatalasmimyeva paticchannatthane mahacatim thapapetva udakassa purapetva sanihi parikkhipapetva sabbe antovalanjanakamanussa ca itthiyo ca uttarasangam katva ekeko antosanim pavisitva hattham dhovitva agacchatuti vadehiti. Thero imam upayam acikkhitva pakkami. Raja tatha kareti. Manicoro cintesi dhammabhandagariko imam adhikaranam adaya manim adassetva osakkissati tam patetumdani vattatiti manim paticchannam katva adaya antosanim pavisitva catiyam patetva nikkhami. Sabbesam nikkhantakale udakam chaddetva manim addasamsu. Raja theram nissaya mahajanam akilametvava me mani laddhoti tussi. Antovalanjanakamanussapi theram nissaya mayam mahadukkhato muttamhati tussimsu. Therassanubhavena ranna culamani laddhoti therassanubhavo sakalanagare ceva bhikkhusanghe ca pakato jato. Dhammasabhayam sannisinna bhikkhu therassa gunam vannayimsu avuso anandatthero attano bahussutataya pandiccena upayakusalataya ca mahajanam akilametva upayeneva ranno manim dassesiti. Sattha agantva kaya nuttha bhikkhave etarahi kathaya sannisinnati pucchitva imaya namati vutte na bhikkhave idaneva anandeneva parahatthagatam bhandam dassitam pubbepi pandita mahajanam akilametvava upayeneva tiracchanahatthagatam bhandam dassayimsuti vatva tehi yacito atitam ahari. Atite baranasiyam brahmadatte rajjam karente bodhisatto sabbasippanam nipphattim patto tasseva amacco ahosi. Athekadivasam raja mahantena parivarena uyyanam gantva vanantarani vicaritva udakakilam kilitukamo mangalapokkharanim otaritva itthagarampi pakkosi. Itthiyo attano sisupagagivupagadini abharanani omuncitva uttarasange pakkhipitva samuggapitthesu thapetva dasiyo paticchapetva pokkharanim otarimsu. Atheka uyyanamakkati sakhantare nisinna devim pilandhanani omuncitva uttarasange pakkhipitva samuggapitthesu thapiyamanam disva tassa muttaharam pilandhitukama hutva dasiya pamadam olokayamana nisidi. Dasipi rakkhamana tahim tahim oloketva nisinnayeva niddayitum arabhi. Makkati tassa pamadabhavam natva vatavegena otaritva mahamuttaharam givayam patimuncitva vatavegeneva uppatitva sakhantare nisiditva annasam makkatinam dassanabhayena ekasmim rukkhasusiratthane thapetva upasantupasanta viya tam rakkhamana nisidi. Sapi kho dasi pabujjhitva muttaharam apassanti kampamana annam upayam adisva Puriso deviya mttaharam gahetva palatoti mahaviravam viravi. Arakkhamanussa tato tato sannipatitva tassa vacanam sutva ranno arocesum. Raja coram ganhathati aha. Purisa uyyana nikkhamitva coram ganhatha ganhathati ito cito ca olokenti. Atheko janapado balikarakapuriso tam saddam sutva kampamano palayi. Tam disva rajapurisa ayam coro bhavissatiti anubandhimsu tam gahetva pothetva are dutthacora evam mahasaram nama pilandhanam harasiti paribhasimsu. So cintesi sacaham na ganhamiti vakkhami ajja me jivitam natthi pothentayeva mam maressanti sampaticchami nanti. So ama sami gahitam meti aha. Atha nam bandhitva ranno santikam anayimsu. Rajapi nam pucchi gahitam te mahasarapilandhananti. Ama devati. Idani nam kahanti. Deva maya mahasaram nama mancapithampi na ditthapubbam setthi pana mam mahasaram pilandhanam ganhapesi soham gahetvava tassa adasi sopi nam janatiti. Raja setthim pakkosapetva gahitam te imassa hatthato mahasarapilandhananti pucchi. Ama devati. Kaham tanti. Purohitassa me dinnanti. Purohitampi pakkosapetva tatheva pucchi. Sopi sampaticchitva gandhabbassa me dinnanti aha. Tampi pakkosapetva purohitassa te hatthato mahasarapilandhanam gahitanti pucchi. Ama devati. Kaham tanti. Kilesavasena me vannadasiya dinnanti. Tampi pakkosapetva Pucchi. Sa na ganhamiti aha. Te panca jane pucchantananneva suriyo atthangato. Raja idani vikalo jato sve janissamiti te panca jane amaccanam datva nagaram pavisi. Bodhisatto cintesi idam pilandhanam antovalanje nattham ayanca gahapatiko bahivalanjo dvarepi balavarakkho tasma antovalanjanakanampi tam gahetva palayitum na sakka evam neva bahivalanjanakanam na antouyyane valanjanakanam gahanupayo dissati imina duggatamanussena setthissa me dinnanti kathentena attano mokkhatthaya kathitam bhavissati setthinapi purohitassa me dinnanti kathentena ekato hutva nittharissamati cintetva kathitam bhavissati purohitenapi gandhabbassa me dinnanti kathentena bandhanagare gandhabbam nissaya sukhena vasissamati cintetva kathitam bhavissati gandhabbenapi vannadasiya me dinnanti kathentena anukkanthita vasissamati cintetva kathitam bhavissati imehi pancahipi acorehi bhavitabbam uyyane makkata bahu pilandhanena ekissa makkatiya hatthe arulhena bhavitabbanti. So rajanam upasankamitva maharaja te core amhakam niyyadetha mayam tam kiccam sodhessamati aha. Raja sadhu pandita sodhehiti tassa niyyadesi. Bodhisatto attano dasapurise pakkosapetva te pancapi jane ekasmimyeva thane vasapetva samanta arakkham katva kannam datva yam te annamannam kathenti tam mayham arocethati vatva pakkami. Te tatha akamsu. Tato manussanam sannisinnavelaya setthi tam gahapatikam are dutthagahapatika taya aham maya va tvam kaham ditthapubbo kada te mayham pilandhanam dinnanti aha. Sami mahasetthi aham mahasaram nama rukkhasarapadakam mancapithakampi na janami tam nissaya pana mokkham labhissamiti evam avacam ma me kujjha samiti. Purohitopi setthim aha mahasetthi tvam imina pilandhanam attano adinnakameva mayham katham adasiti. Mayam dvepi issara amhakam ekato hutva kathitakale kammam khippam nippajjissatiti kathemiti. Gandhabbopi purohitam aha brahmana kada taya mayham pilandhanam dinnanti. Aham tam nissaya vasanatthane sukham vasissamiti kathesinti. Vannadasipi gandhabbam aha are dutthagandhabba aham kada tava santikam gatapubba tvam va mama santikam agatapubbo kada te mayham pilandhanam dinnanti. Bhagini kimkarana kujjhasi amhesu pancasu ekato vasantesu gharavaso bhavissati anukkanthamana sukham vasissamati kathesinti. Bodhisatto payojitamanussanam santika tam katham sutva tesam tattato acorabhavam natva makkatiya gahitam pilandhanam upayeneva patessamiti gendumayani pilandhanani karetva uyyane makkatiyo gahapetva hatthapadagivasu gendupilandhanani pilandhapetva vissajjesi. Itara makkati pilandhanam rakkhamana uyyaneyeva Nisidi. Bodhisatto manusse anapesi gacchatha tumhe uyyane sabba makkatiyo upadharetha yassa tam pilandhanam passatha tam uttasetva pilandhanam ganhathati. Tapi kho makkatiyo pilandhanam no laddhanti tutthappahattha uyyane vicarantiyo tassa santikam gantva passa amhakam pilandhananti ahamsu. Sa makkati asahamana kim imina gendupilandhanenati muttaharam pilandhitva nikkhami. Atha nam te purisa disva pilandhanam chaddapetva aharitva bodhisattassa adamsu. So tam adaya ranno dassetva idam te deva pilandhanam te pancapi acora idampana uyyane makkatiya abhatanti aha. Katham pana te pandita makkatiya hattham arulhabhavo nato katham gahitanti. So sabbam acikkhi. Raja tutthamanaso sangamasisadisu nama suradayo icchitabba hontiti bodhisattassa thutim karonto imam gathamaha ukkatthe suramicchanti mantisu akutuhalam piyanca annapanamhi atthe jate ca panditanti. Tattha ukkattheti upakatthe ubhato byulhe sangame sampahare vattamaneti attho. Suramicchantiti asaniyapi matthake pavattamanaya apalayinam suram icchanti tasmim hi khane evarupo sangamayodho patthetabbo hoti. Mantisu akutuhalanti kattabbakattabbam kiccam sammantanakale uppanne mantisu yo akutuhalo avikinnavaco mantam na bhindati tam icchanti tadiso hi Tesu thanesu patthetabbo hoti. Piyanca annapanamhiti madhure annapane paccupatthite sahaparibhunjanatthaya piyam puggalam patthenti tadiso hi tasmim kale patthetabbo hoti. Atthe jate ca panditanti atthagambhire dhammagambhire kismincideva karane va panhe va uppanne panditam vicakkhanam icchanti tatharupo hi tasmim samaye patthetabbo hotiti. Evam raja bodhisattam vannetva thometva ghanavassam vassanto mahamegho viya sattahi ratanehi pujetva tassovade thatva danadini punnani katva yathakammam gato. Bodhisattopi yathakammam gato. Sattha imam dhammadesanam aharitva therassa gunam kathetva jatakam samodhanesi tada raja anando ahosi panditamacco pana ahamevati. Mahasarajatakam dutiyam. ---------

The Pali Atthakatha in Roman Book 36 page 217-227. http://84000.org/tipitaka/atthapali/read_rm.php?B=36&A=4378&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=4378&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=92 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=611 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=606 The Pali Tipitaka in Roman Character :- http://84000.org/tipitaka/read/roman_read.php?B=27&A=606 Contents of The Tipitaka Volume 27 http://84000.org/tipitaka/read/?index_27