AtthaPali Vol.36

6. Aramadusakajatakam na ve anatthakusalenati idam sattha jetavane viharanto annatarasmim kosalagamake uyyanadusakam arabbha kathesi. Sattha kira kosalesu carikancaramano annataram gamakam sampapuni. Tattheko kutumbiko tathagatam nimantetva attano uyyane nisidapetva buddhappamukhassa bhikkhusanghassa danam datva bhante yatharuciya imasmim uyyane vicarathati aha. Bhikkhu utthaya uyyanapalam gahetva uyyane vicaranta ekam anganatthanam disva uyyanapalam pucchimsu upasaka imam uyyanam annattha sandacchayam imasmim pana thane koci rukkho va gaccho va natthi kim nu kho karananti. Bhante imassa uyyanassa ropanakale eko gamadarako udakam sincanto imasmim thane rukkhapotake uddhamulam katva mulappamanena udakam sinci te rukkhapotaka milayitva mata imina karanena idam thanam anganam jatanti. Bhikkhu sattharam upasankamitva etamattham arocesum. Sattha na bhikkhave so gamadarako idaneva aramadusako pubbepi aramadusakoyevati vatva atitam ahari. Atite baranasiyam brahmadatte rajjam karente baranasiyam nakkhattam ghosayimsu. Nakkhattabherisaddassavanakalato patthaya sakalanagaravasino nakkhattanissitaka hutva vicaranti. Tada ranno uyyane bahu makkata vasanti. Uyyanapalo cintesi nagare nakkhattam Sanghuttham ime vanare udakam sincathati vatva aham nakkhattam kilissamiti jetthakavanaram upasankamitva samma vanarajetthaka idam uyyanam tumhakampi bahupakaram tumhe ettha pupphaphalapallavani khadatha nagare nakkhattam sanghuttham aham nakkhattam kilissami yavaham na agacchami tava imasmim uyyane rukkhapotakesu udakam sincitum sakkhissathati pucchi. Sadhu sincissamati. Tenahi appamatta hothati udakam sincanatthaya tesam cammakute ceva darukute ca datva gato. Vanara cammakute ceva darukute ca gahetva rukkhapotakesu udakam sincanti. Atha ne vanarajetthako evamaha bhonto vanara udakam nama rakkhitabbam tumhe rukkhapotakesu udakam sincanta uppatetva uppatetva mulam oloketva gambhiragatesu mulesu bahum udakam sincatha agambhiratthanesu appam paccha amhakam udakam dullabham bhavissatiti. Te sadhuti sampaticchitva tatha akamsu. Tasmim samaye eko panditapuriso rajuyyane te vanare tatha karonte disva evamaha bhonto vanara kasma tumhe rukkhapotake uppatetva mulappamanena udakam sincathati. Te evam vanarajetthako ovadatiti ahamsu. So tam vacanam sutva aho vata bho bala apandita attham karissamati anatthameva karontiti cintetva imam gathamaha na ve anatthakusalena atthacariya sukhavaha hapeti attham dummedho kapi aramiko yathati. Tattha veti nipatamattam. Anatthakusalenati anatthe anayatane kusalena atthe ayatane karane akusalena vati attho. Atthacariyati vuddhikiriya. Sukhavahati evarupena anatthakusalena kayikacetasikasukhasankhatassa atthassa cariya na sukhavaha na sakka avahitunti attho. Kimkarana. Ekanteneva hi hapeti attham dummedhoti balapuggalo attham karissamiti attham hapetva anatthameva karoti. Kapi aramiko yathati yatha arame niyutto aramarakkhanako makkato attham karissamiti anatthameva karoti evam yokoci anatthakusalo tena na sakka atthacariyam avahitum so tanneva attham hapetiyevati. Evam so panditapuriso imaya gathaya vanarajetthakam vigarahitva attano parisam adaya uyyana nikkhami. Satthapi na bhikkhave esa gamadarako idaneva aramadusako pubbepi aramadusakoyevati imam dhammadesanam aharitva anusandhim ghatetva jatakam samodhanesi tada vanarajetthako aramadusakagamadarako ahosi panditapuriso pana ahamevati. Aramadusakajatakam chattham. ------------------

The Pali Atthakatha in Roman Book 36 page 23-25. http://84000.org/tipitaka/atthapali/read_rm.php?B=36&A=452&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=452&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=46 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=305 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=303 The Pali Tipitaka in Roman Character :- http://84000.org/tipitaka/read/roman_read.php?B=27&A=303 Contents of The Tipitaka Volume 27 http://84000.org/tipitaka/read/?index_27