บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Vissasabhojanajatakam na vissase avissattheti idam sattha jetavane viharanto vissasabhojanam arabbha kathesi. Tasmim hi kira samaye yebhuyyena bhikkhu matara no dinnam pitara no dinnam bhatara bhaginiya culamatara culapitara matulena matulaniya dinnam amhakam gihikalepi bhikkhukalepi ete datum Yuttarupati natihi dinne cattaro paccaye vissattha hutva apaccavekkhitva paribhunjanti . sattha tam karanam natva bhikkhunam maya dhammadesanam katum vattatiti bhikkhu sannipatapetva bhikkhave bhikkhuna nama natihipi dinnake cattaro paccaye paccavekkhitva paribhogo katabbo apaccavekkhitaparibhogam katva hi kalam kurumana bhikkhu yakkhappetaattabhavato na muccanti apaccavekkhitaparibhogo namesa visaparibhogasadiso vissasikena dinnakampi avissasikena dinnakampi maretiyeva pubbepi vissasena dinnakam visam paribhunjitva jivitakkhayam pattati vatva tehi yacito atitam ahari. Atite baranasiyam brahamdatte rajjam karente bodhisatto mahavibhavo setthi ahosi. Tasseko gopalako kitthasambadhasamaye gavo gahetva arannam pavisitva tattha gopallikam katva rakkhanto vasati setthino ca kalena kalam gorasam aharati. Athassa gopalakassa avidure siho nivasam ganhi. Gavinam sihasantasena milatanam khiram mandam ahosi. Atha nam ekadivasam sappim adaya agatam setthi pucchi kinnu kho samma gopalaka mandam sappiti. So tam karanam acikkhi. Atthi pana samma tassa sihassa katthaci patibaddhoti. Atthi sami ekaya migamatukaya saddhim samsaggoti. Sakka pana tam gahapetunti. Sakka samiti. Tenahi tam gahetva tassa nalatato patthaya sarire lomani visena punappunam rajitva sukkhapetva dve tayo divase atikkamitva Tam migamatukam vissajjehi so tassa sinehena sariram lehitva jivitakkhayam papunissati athassa cammanakhadatha ceva mamsanca gahetva agaccheyyasiti halahalavisam datva uyyojesi. Gopalako jalam khipitva upayena tam migamatukam gahetva tatha akasi. Siho tam disva balavasinehena tassa sariram lehitva jivitakkhayam papuni. Gopalakopi cammadini gahetva bodhisattassa santikam agamasi. Bodhisatto tam karanam natva paresu sineho nama na katabbo evam balasampannopi siho migaraja kilesavasena samsaggam nissaya migamatukaya sariram lehanto visaparibhogam katva jivitakkhayam pattoti vatva sampattaparisaya dhammam desento imam gathamaha na vissase avissatthe vissatthepi na vissase vissasa bhayamanveti sihamva migamatukati. Tatrayam sankhepattho yo pubbe sabhayo attani avissattho ahosi tasmim avissatthe yo pubbepi nibbhayo attani vissasikoyeva tasmim vissatthepi na vissase neva vissasam kareyya. Kimkarana. Vissasa bhayamanvetiti yo hi mittepi amittepi vissaso tato bhayameva agacchati. Katham. Sihamva migamatukati yatha mittasanthavavasena katavissasaya migamatukaya santika sihassa bhayam anventam upagatam sampattanti attho yatha va vissasavasena siham migamatuka anvetukama upagatatipi attho. Evam bodhisatto sampattaparisaya dhammam desetva danadini Punnani katva yathakammam gato. Sattha imam dhammadesanam aharitva jatakam samodhanesi tada mahasetthi ahameva ahositi. Vissasabhojanajatakam tatiyam. ---------The Pali Atthakatha in Roman Book 36 page 227-230. http://84000.org/tipitaka/atthapali/read_rm.php?B=36&A=4587&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=4587&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=93 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=617 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=611 The Pali Tipitaka in Roman Character :- http://84000.org/tipitaka/read/roman_read.php?B=27&A=611 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]