AtthaPali Vol.36

7. Varunijatakam na ve anatthakusalenati idam sattha jetavane viharanto varunidusakam arabbha kathesi. Anathapindikassa kira sahayo eko varunibanijo tikhinam varunim yojetva hirannasuvannadini gahetva vikkinanto mahajane sannipatite tata tvam databbamulam gahetva varunim dehiti antevasikam anapetva sayam nhayitum agamasi. Antevasiko mahajanassa varunim dento te manusse antarantara lonasakkaram aharapetva khadante disva sura alonika bhavissati lonamettha pakkhipissamiti suracatiyam nalimattam lonam pakkhipitva tesam suram adasi. Te mukham puretva chaddetva kinte katanti pucchimsu. Tumhe suram pivitva lonam aharapente disva lonena yojesinti. Evarupam nama varunim nasesi balati tam garahitva utthayutthaya pakkamanti. Varunivanijo agantva ekampi adisva varunipayaka kaham gatati pucchi. So tamattham arocesi. Atha nam acariyo bala evarupa nama varuni te nasitati garahitva gantva imam karanam anathapindikassa arocesi. Anathapindiko atthidani me kathapabhatanti jetavanam gantva sattharam vanditva etamattham arocesi. Sattha na esa gahapati idaneva varunidusako pubbepi varunidusakoyevati vatva tena yacito atitam ahari. Atite baranasiyam brahmadatte rajjam karente bodhisatto baranasisetthi ahosi. Tam upanissaya eko varunibanijo jivati. So tikhinam suram yojetva imam vikkinahiti antevasikam vatva nhayitum gato. Tasmim gatamatteyeva suraya lonam pakkhipitva iminava nayena suram vinasesi. Athassa acariyo agantva tam karanam natva setthissa arocesi. Setthi anatthakusala nama bala attham karissamati anatthameva karontiti vatva imam gathamaha na ve anatthakusalena atthacariya sukhavaha hapeti attham dummedho kondanno varunim yathati. Tattha kondanno varunim yathati yatha ayam kondannanamako antevasiko attham karissamiti lonam pakkhipitva varunim hapesi parihapesi vinasesi evam sabbopi anatthakusalo attham hapetiti. Bodhisatto imaya gathaya dhammam desesi. Satthapi na eso gahapati idaneva varunidusako pubbepi varunidusakoyevati vatva anusandhim ghatetva jatakam samodhanesi tada varunidusako varunidusakova ahosi baranasisetthi pana ahamevati. Varunidusakajatakam sattamam. -------------

The Pali Atthakatha in Roman Book 36 page 26-27. http://84000.org/tipitaka/atthapali/read_rm.php?B=36&A=510&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=510&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=47 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=311 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=308 The Pali Tipitaka in Roman Character :- http://84000.org/tipitaka/read/roman_read.php?B=27&A=308 Contents of The Tipitaka Volume 27 http://84000.org/tipitaka/read/?index_27