AtthaPali Vol.36

5 Dubbalakatthajatakam bahumpetam vane katthanti idam sattha jetavane viharanto ekam uttasatabhikkhum arabbha kathesi. So kira savatthivasi eko kulaputto satthu dhammadesanam sutva pabbajitva maranabhiruko ahosi. Rattitthanadivatthanesu vatassa va vijantassa sukkhadandakassa va patantassa pakkhicatuppadanam va saddam sutva maranabhayasantajjito mahaviravam viravanto palayati. Tassa hi maritabbam mayati satimattampi natthi. Sace hi so aham marissamiti janeyya na maranam bhayeyya maranassatikammatthanassa panassa abhavitattava bhayati. Tassa so maranabhirukabhavo bhikkhusanghe pakato jato. Athekadivasam dhammasabhayam bhikkhu katham samutthapesum avuso asuko nama bhikkhu maranabhiruko maranam bhayati bhikkhuna nama avassam maya maritabbanti maranassatikammatthanam bhavetum vattatiti. Sattha agantva kaya nuttha bhikkhave etarahi kathaya sannisinnati pucchitva imaya namati vutte tam bhikkhum pakkosapetva saccam kira tvam bhikkhu maranabhirukoti pucchitva saccam bhanteti vutte bhikkhave ma etassa bhikkhuno anattamana hotha nayam idaneva maranabhiruko pubbepi maranabhirukoyevati vatva atitam ahari. Atite baranasiyam brahmadatte rajjam karente bodhisatto Himavante rukkhadevata hutva nibbatti. Tasmim kale baranasiraja attano mangalahatthim ananjakaranam sikkhapetum hatthacariyanam adasi. Tam alane niccalam bandhitva tomarahattha manussa parivaretva ananjakaranam karonti. So tam karanam kariyamano vedanam adhivasetum asakkonto alanam bhinditva manusse palapetva himavantam pavisi. Manussa tam gahetum asakkonta nivattimsu. So tattha maranabhiruko ahosi vatasaddadini sutva kampamano maranabhayatajjito sondam vidhunitva vegena palayati. Alane bandhitva ananjakaranam karanakalo viyassa hoti. Kayassadam va cittassadam va alabhanto kampamano vicarati. Rukkhadevata nam disva khandhavitape thatva imam gathamaha bahumpetam vane kattham vato bhanjati dubbalam tassa ce bhayasi naga kiso nuna bhavissasiti. Tattha ayam pindattho yam etam dubbalam kattham puratthimadibhedo vato bhanjati tam imasmim vane bahum sulabham tattha tattha vijjati sace tvam tassa bhayasi evam sante niccam bhito mamsalohitakkhayam patva kiso nuna bhavissasi imasmim pana vane tava bhayam nama natthi tasma ito patthaya ma bhayiti. Evam devata tassa ovadam adasi. Sopi tato patthaya nibbhayo ahosi. Sattha imam dhammadesanam aharitva saccani pakasetva jatakam Samodhanesi. Saccapariyosane so bhikkhu sotapattiphale patitthahi. Tada nago ayam bhikkhu ahosi rukkhadevata pana ahamevati. Dubbalakatthajatakam pancamam. -------

The Pali Atthakatha in Roman Book 36 page 269-271. http://84000.org/tipitaka/atthapali/read_rm.php?B=36&A=5400&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5400&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=105 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=694 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=692 The Pali Tipitaka in Roman Character :- http://84000.org/tipitaka/read/roman_read.php?B=27&A=692 Contents of The Tipitaka Volume 27 http://84000.org/tipitaka/read/?index_27