AtthaPali Vol.36

6 Udancanijatakam sukham vata mam jivantanti idam sattha jetavane viharanto thullakumarikappalobhanam arabbha kathesi. Vatthu terasanipate culanaradakassapajatakeyeva avibhavissati. Tam pana bhikkhum sattha saccam kira bhikkhu ukkanthitositi pucchitva saccam bhagavati vutte kattha te cittam patibaddhanti pucchi. So ekissa thullakumarikayati aha. Atha nam sattha ayante bhikkhu anatthakarika pubbepi tvam etam nissaya silabyasanam patva pajjhayanto vicaramano pandite nissaya sukham labhiti vatva atitam ahari. Atite baranasiyam brahmadatte rajjam karenteti atitavatthumpi culanaradakassapajatakeyeva avibhavissati. Tada pana bodhisatto sayam phalaphale adaya agantva pannasaladvaram vivaritva pavisitva puttam culatapasam etadavoca tata tvam annesu divasesu daruni aharasi paniyam paribhojaniyam aharasi aggim karosi ajja pana ekampi akatva kasma dummukho pajjhayanto nisidasiti. Tata tumhesu phalaphalatthaya gatesu eka itthi agantva mam

--------------------------------------------------------------------------------------------- page272.

Palobhetva adaya gantum araddha ahampana tumhehi vissajjito gamissamiti na gacchim asukatthaneva tam nisidapetva agatomhi idani gacchamaham tatati. Bodhisatto na sakka etam nivattetunti natva tenahi tata gaccha esa pana tam netva yada macchamamsadini va khaditukama bhavissati sappilonatanduladihi va panassa attho bhavissati tada idancidancaharati tam kilamessati tada mayham gunam saritva palayitva idheva agaccheyyasiti vissajjesi. So taya saddhim manussapatham agamasi. Atha nam attano vasam gametva mamsam ahara maccham aharati yena yena atthika hoti tam tam aharapeti. Tada so ayam mam attano dasam viya kammakaram viya katva piletiti palayitva pitu santikam agantva pitaram vanditva thitakova imam gathamaha sukham vata mam jivantam pacamana udancani cori jayappavadena telam lonanca yacatiti. Tattha sukham vata mam jivantanti tata tumhakam santike mam sukham jivantam. Pacamanati tapayamana pilayamana yam yam khaditukama hoti tam tam pacamana. Udakam ancanti etayati udancani. Catito va kupato va udakam osincanaghatikayetam namam. Sa pana udancani udakam viya ghatikaya yena yenatthika tam tam akaddhatiyevati attho. Cori jayappavadenati bhariyati namena eka cori mam madhuravacanena upalapetva tattha netva telam

--------------------------------------------------------------------------------------------- page273.

Lonanca yanca annam icchati tam sabbam yacati dasam viya kammakaram viya katva aharapetiti tasma agunam kathesi. Atha nam bodhisatto assasetva hotu tata ehi tvam mettam bhavehi karunam bhavehiti cattaro brahmavihare acikkhi kasinaparikammam acikkhi. So nacirasseva abhinna ca samapattiyo ca uppadetva brahmavihare bhavetva saddhim pitara brahmaloke nibbatti. Sattha imam dhammadesanam aharitva saccani pakasetva jatakam samodhanesi. Saccapariyosane so bhikkhu sotapattiphale patitthahi. Tada thullakumarika etarahi thullakumarika culakumaratapaso ukkanthitabhikkhu ahosi pita pana ahamevati. Udancanijatakam chattham. --------------

The Pali Atthakatha in Roman Book 36 page 271-273. http://84000.org/tipitaka/atthapali/read_rm.php?B=36&A=5445&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5445&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=106 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=699 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=697 The Pali Tipitaka in Roman Character :- http://84000.org/tipitaka/read/roman_read.php?B=27&A=697 Contents of The Tipitaka Volume 27 http://84000.org/tipitaka/read/?index_27