AtthaPali Vol.36

7 Tittirajatakam accuggata atibalatati idam sattha jetavane viharanto kokalikam arabbha kathesi. Tassa vatthum terasanipate takkariyajatake avibhavissati. Sattha pana na bhikkhave kokaliko idaneva attano vacam nissaya nattho pubbepi nassiyevati vatva atitam ahari. Atite baranasiyam brahmadatte rajjam karente bodhisatto udiccabrahmanakule nibbattitva vayappatto takkasilayam sabbasippani ugganhitva kame pahaya isipabbajjam pabbajitva pancabhinnaatthasamapattiyo nibbattesi. Himavantappadese sabbo isigano sannipatitva tam ovadacariyam katva parivaresi. So pancannam isisatanam ovadacariyo hutva jhanakilaya kilanto himavante vasati. Tada eko pandurogi tapaso kutharim gahetva kattham phaleti. Atheko mukharatapaso tassa santike nisiditva idha paharam dehi idha paharam dehiti tam tapasam rosesi. So kujjhitva nadani me tvam daruphalanasippam sikkhapanakacariyoti tinham kutharim ukkhipitva ekappahareneva jivitakkhayam papesi. Bodhisatto tassa sarirakiccam karesi. Tada assamapadato avidure ekasmim vammikapade eko tittiro vasati. So sayam patam vammikamatthake thatva mahavassitam vassi. Tam sutva eko luddako tittirena bhavitabbanti cintetva saddasannaya gantva tam vadhitva adaya gato. Bodhisatto tassa saddam assunanto asukatthane tittiro vasati kim nu kho tassa saddo na suyyatiti tapase pucchi. Te bodhisattassa tamattham arocesum. So ubhopi tani karanani samsandetva isiganamajjhe imam gathamaha accuggata atibalata ativelam pabhasita vaca hanati dummedham tittiramvativassitanti. Tattha accuggatati atiuggata. Atibalatati punappunam bhasamanena atibalasabhava. Ativelam pabhasitati atikkantavela pamanatikkamena bhasita. Tittiramvativassitanti yatha tittiram ativassitam hanati tatha evarupa vaca dummedham balapuggalam hanatiti. Evam bodhisatto isiganassa ovadam datva cattaro brahmavihare bhavetva brahmalokaparayano ahosi. Sattha na bhikkhave kokaliko idaneva attano vacanam nissaya nattho pubbepi nassiyevati vatva imam dhammadesanam aharitva jatakam samodhanesi tada dubbaco tapaso kokaliko ahosi isigana buddhaparisa ganasattha pana ahamevati. Tittirajatakam sattamam. --------

The Pali Atthakatha in Roman Book 36 page 295-297. http://84000.org/tipitaka/atthapali/read_rm.php?B=36&A=5897&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=5897&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=117 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=771 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=769 The Pali Tipitaka in Roman Character :- http://84000.org/tipitaka/read/roman_read.php?B=27&A=769 Contents of The Tipitaka Volume 27 http://84000.org/tipitaka/read/?index_27