|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8 Vattakajatakam
nacintayanto purisoti idam sattha jetavane viharanto
uttarasetthiputtam arabbha kathesi.
Savatthiyam kira uttarasetthi nama ahosi mahavibhavo. Tassa
bhariyaya kucchiyam eko punnava satto brahmaloka cavitva
patisandhim gahetva vayappatto abhirupo pasadiko ahosi brahmavanni.
Athekadivasam savatthiyam kattikacchananakkhatte sanghutthe sabbo
---------------------------------------------------------------------------------------------
page298.
Loko nakkhattanissito ahosi. Tassa sahayaka anne setthiputta
sapajapatika ahesum. Uttarasetthiputtassa pana digharattam brahmaloke
vasitatta kilesesu cittam na alliyati. Athassa sahayaka
uttarasetthiputtassapi ekam itthim anetva nakkhattam kilissamati
mantayitva tam upasankamitva samma imasmim nagare kattikacchano sanghuttho
tuyahampi ekam itthim anetva nakkhattam kilissamati ahamsu. Na
mamattho itthiyati ca vuttepi nam punappunam nibbandhitva
sampaticchapetva ekam vannadasim sabbalankarappatimanditam katva tassa
gharam netva tvam setthiputtassa santikam gacchahiti sayanagharam
pesetva nikkhamimsu. Sayanagharam pavitthampi tam setthiputto na
oloketi nalapati. Sa cintesi ayam evarupam sobhaggappattam
uttamavisalasampannam mam neva oloketi nalapati idani nam attano
itthikuttaitthililhaya olokapessamiti itthililham dassenti
pahatthakarena aggadante vivaritva hasitam akasi. Setthiputto
oloketva dantatthike nimittam ganhi. Atthikasanna uppajji.
Sakalampi tam sariram atthikasankhalika viya pannayi. So tassa
paribbayam datva gacchahiti uyyojesi.
Tam tassa ghara otinnam eko issaro antaravithiyam disva
paribbayam datva attano gharam nesi. Sattahe vitivatte nakkhattam
ghositam. Vannadasiya mata dhitu agamanam adisva setthiputtanam
santikam gantva kaham sati pucchi. Te uttarasetthiputtassa
---------------------------------------------------------------------------------------------
page299.
Gharam gantva kaham sati pucchimsu. Tam khananneva tassa paribbayam
datva uyyojesinti. Athassa mata rodanti kaham dhitaram me
na passami dhitaram me samanethati uttarasetthiputtam adaya
ranno santikam agamasi. Raja attam vinicchinanto ime te
setthiputta vannadasim anetva tuyham adamsuti pucchi. Ama
devati. Idani sa kahanti. Na janami tam khananneva nam
uyyojesinti. Idani tvam samanetum sakkositi. Na sakkomi
devati. Raja sace samanetum na sakkoti rajanamassa
karothati aha. Atha nam pacchabahum bandhitva rajanam karissamati
gahetva pakkamimsu. Setthiputtam kira vannadasim samanetum asakkontam
rajanam karetiti sakalanagaram ekakolahalamahosi. Mahajano ure
hatthe thapetva kim nametam sami attano vo ananucchavikam
laddhanti paridevati. Setthiputtassa pacchato pacchato paridevanto
gacchati. Setthiputto cintesi idam mayham evarupam dukkham agare
vasanabhavena sampannam sace ito muccissami mahagotamasammasambuddhassa
santike pabbajissamiti.
Sapi kho vannadasi tam kolahalasaddam sutva kimsaddo
namesoti pucchitva tam pavuttim sutva vegena otaritva ussaratha
sami mam rajapurisanam datthum dethati attanam dasseti. Rajapurisa
tam disva mataram sampaticchapetva setthiputtam muncitva pakkamimsu.
So sahayaparivutova nadim gantva sisam nhayitva geham gantva
---------------------------------------------------------------------------------------------
page300.
Bhuttapataraso matapitaro pabbajjam anujanapetva civarasatake
adaya mahantena parivarena satthu santikam gantva vanditva
pabbajjam yacitva pabbajjanca upasampadanca labhitva
avissatthakammatthano vipassanam vaddhetva nacirasseva arahatte patitthasi.
Athekadivasam dhammasabhayam sannipatita bhikkhu avuso uttarasetthiputto
attano bhaye uppanne sasanassa gunam janitva imamha
dukkha muccamano pabbajissamiti cintetva tena sucintitena
maranamutto ceva pabbajito ca aggaphale patitthitoti tassa gunakatham
kathesum. Sattha agantva kaya nuttha bhikkhave etarahi kathaya
sannisinnati pucchitva imaya namati vutte na bhikkhave
uttarasetthiputtova bhaye uppanne imina upayena imamha dukkha
muccissamiti cintetva maranabhaya mutto atite panditapi
attano bhaye uppanne imamha dukkha muccissamiti cintetva
maranabhayadukkhato muccimsuyevati vatva atitam ahari.
Atite baranasiyam brahmadatte rajjam karente bodhisatto
cutipatisandhivasena parivattento vattakayoniyam nibbatti. Tada eko
vattakaluddako aranna bahu vattake aharitva gehe thapetva
gocaram datva manussanam mulam gahetva agatanam hatthe vattake
vikkinanto jivikam kappeti. So ekadivasam bahuhi vattakehi
saddhim bodhisattampi gahetva anesi. Bodhisatto cintesi sacaham
imina dinnam gocaram paniyanca paribhunjissami ayam mam gahetva
---------------------------------------------------------------------------------------------
page301.
Agatanam manussanam dassati sace panaham na paribhunjissami aham
milayissami atha mam milatam disva manussa na ganhissanti
evam me sotthi bhavissati imam upayam karissamiti. So tatha
karonto milayitva atthicammamatto ahosi. Manussa tam disva
na ganhimsu. Luddako bodhisattam thapetva sesesu vattakesu
parikkhinesu pacchito niharitva dvare thapetva bodhisattam hatthatale
katva kim nu kho ayam vattakoti nam oloketum araddho.
Athassa pamattabhavam natva bodhisatto pakkhe pasaretva uppatitva
arannameva gato. Anne vattaka tam disva kim nu kho na
pannayasi kaham gatositi pucchitva luddakena gahitomhiti vutte
kinti katva muttositi pucchimsu. Bodhisatto aham tena dinnagocaram
agahetva paniyam apivitva upayacintavasena muttoti vatva imam
gathamaha
nacintayanto puriso visesamadhigacchati
cintitassa phalam passa muttosmi vadhabandhanati.
Tatrayam pindattho puriso dukkham patva imina nama
upayena imamha dukkha muccissamiti acintayanto attano
dukkhamokkhasankhatam visesam nadhigacchati idani pana maya cintitakammassa
phalam passa teneva upayena muttosmi vadhabandhana maranato ca
bandhanato ca mutto ahanti.
Evam bodhisatto attana katakaranam acikkhi.
---------------------------------------------------------------------------------------------
page302.
Sattha imam dhammadesanam aharitva jatakam samodhanesi tada
muttavattako pana ahamevati.
Vattakajatakam atthamam.
-------
The Pali Atthakatha in Roman Book 36 page 297-302.
http://84000.org/tipitaka/atthapali/read_rm.php?B=36&A=5936&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=36&A=5936&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=118
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=777
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=774
The Pali Tipitaka in Roman Character :-
http://84000.org/tipitaka/read/roman_read.php?B=27&A=774
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]