AtthaPali Vol.36

10 Bandhanamokkhajatakam abaddha tattha bajjhantiti idam sattha jetavane viharanto cincamanavikam arabbha kathesi. Tassa vatthu dvadasanipate mahapadumajatake avibhavissati. Tada pana sattha na bhikkhave cincamanavika idaneva mam abhutena abbhacikkhati pubbepi abbhacikkhiyevati vatva atitam ahari. Atite baranasiyam brahmadatte rajjam karente bodhisatto purohitassa gehe nibbatto vayappatto pitu accayena tassa purohito ahosi. Tena aggamahesiya varo dinno hoti bhadde Yam icchasi tam vadeyyasiti. Sa evamaha mayham anno varo nama na dullabho ito patthaya anna itthi kilesavasena na oloketabbati. So patikkhipitvapi punappunam piliyamano tassa vacanam atikkamitum asakkonto sampaticchitva tato patthaya solasasu natakitthisahassesu kilesavasena ekam itthimpi na olokesi. Athassa paccanto kupito. Paccante thita yodha corehi saddhim dve tayo sangame katva ito uttarim mayam na sakkomati ranno pannam pesesum. Raja tattha gantukamo balakayam samharitva tam pakkositva bhadde aham paccantam gacchami tattha nanappakarani yuddhani honti jayaparajayopi anibaddho tadisesu thanesu matugamo duppariharo tvam idheva nivattahiti aha. Sapi na sakka deva maya nivattitunti punappunam ranna patikkhitta aha tenahi ekekam yojanam gantva mayham sukhadukkham jananattham ekekam manussam peseyyathati. Raja sadhuti sampaticchitva bodhisattam nagare thapetva mahantena balakayena nikkhamitva gacchanto yojane yojane ekekam purisam amhakam arogyam arocetva deviya sukhadukkham janitva agacchati pesesi. Sa agatagatapurisam raja tam kimattham pesesiti pucchitva tumhakam sukhadukkham jananatthayati vutte tenahi ehiti tena saddhim asaddhammam patisevati. Raja dvattimsayojanamaggam gacchanto dvattimsa jane pesesi. Sa sabbehi tehi saddhim tatheva akasi. Raja paccantam vupasametva janapadam samassasetva puna agacchanto tatheva dvattimsa jane pesesi. Sa tehipi saddhim vippatipajjiyeva. Raja agantva jayakhandhavaratthane thatva nagaram patijaggapetuti bodhisattassa pannam pesesi. Bodhisatto sakalanagaram patijaggapetva rajanivesanam patijaggapento deviya vasanatthanam agamasi. Sa bodhisattassa rupasobhaggappattam kayam disva santhatum asakkonti ehi brahmana sayanam abhiruhati aha. Bodhisatto ma evam avaca rajapi me garu akusalapi bhayami na sakka maya evam katunti aha. Catussatthiya padamulikanam neva raja garu na akusala bhayanti taveva raja garu tvamyeva ca akusala bhayasiti. Ama sace tesampi evam bhaveyya na evarupam kareyyam ahampana janamano evarupam sahasikakammam na karissamiti. Kim bahum vippalapasi sace me vacanam na karosi sisante chindapessamiti. Titthatu ekasmim attabhave sisam attabhavasahassepi sise chindantena na sakka maya evarupam katunti. Sa hotu janissamiti bodhisattam tajjetva attano gabbham pavisitva sarire nakhavalanjam dassetva telena gattani abbhanjitva kilitthavattham nivasetva gilanalayam katva dasiyo anapesi ranna kaham deviti vutte gilanati katheyyathati. Bodhisattopi ranno patipatham agamasi. Raja nagaram padakkhinam katva pasadam abhiruyha kaham deviti pucchi. Gilana devati. So sirigabbham pavisitva tassa pitthim parimajjanto kinte bhadde aphasukanti pucchi. Sa tunhi ahosi. Tatiyavare rajanam oloketva tvampi maharaja jivasi nama madisapi itthiyo sassamikayevati aha. Kim pana etam bhaddeti. Tumhehi nagaram rakkhanatthaya thapitapurohito nivesanam patijaggamiti idhagantva attano vacanam akarontam mam paharitva attano manam puretva gatoti. Raja aggimhi pakkhittalonasakkhara viya kodhena tatatatayanto sirigabbha nikkhamitva dovarikapadamulikadayo pakkosapetva gacchatha bhane purohitam pacchabahum bandhitva vajbheavappattam katva nagara niharitva aghatanam netva sisamassa chindathati aha. Te vegena gantva tam pacchabahum bandhitva vajjhabherim carapesum. Bodhisatto cintesi addha taya dutthadeviya raja puretaram paribhinno ajjadanaham attano baleneva attanam mocessamiti. So te purise aha bho tumhe mam amarenta ranno dassetvava marethati. Kimkaranati. Aham rajakammiko bahum me kammam katam bahuni nidhitthanani janami rajakutumbam maya vicaritam sace mam ranno na dassessatha bahum dhanam nassissati maya ranno sapateyye acikkhite paccha katabbam karothati. Te tam ranno dassayimsu. Raja tam disvava kasma bho brahmana mayi lajjam nakasi kasma te evarupam papakammam katanti aha. Maharaja so aham sotthiyakule jato maya kunthakipillakamattopi panatipato Na katapubbo tinasalakamattampi adinnam nadinnapubbam lobhavasena paresam itthi akkhini ummiletvapi na olokitapubba hasanavasenapi musa na bhasitapubba kusaggenapi majjam na pivitapubbam aham tumhesu niraparadho sa pana bala lobhavasena mam hatthe gahetva maya patikkhitta mam tajjetva attana katapapam uttanam katva mama acikkhitva antogabbham pavittha aham niraparadho pannam gahetva pana agata catussatthijana saparadha te pakkositva tassa tesam vacanam katam na katanti puccha devati. Raja te catussatthijane bandhapetva devim pakkosapetva taya etehi saddhim papakammam katam na katanti pucchi katam devati vutte tam pacchabahum bandhapetva imesam catussatthijananam sisani chindathati anapesi. Atha nam bodhisatto aha natthi maharaja etesam doso devi attano rucim karapesi niraparadha ete tasma nesam khamatha tassapi doso natthi itthiyo nama methunadhammena atitta jatisabhavo hi esa etasam bhavitabbayuttakameva hoti tasma etassapi khamathati nanappakarena rajanam sannapetva te catussatthijane tanca balam mocetva sabbesam yathasakani thanani dapesi. Evam te sabbe mocapetva sakatthane patitthapetva bodhisatto rajanam upasankamitva maharaja andhabalanam nama avatthukena vacanena abandhitabbayuttaka pandita pacchabahum bandha pandita karanayuttena vacanena pacchabahum bandhapi mutta evam Bala nama abandhitabbayuttakepi bandhapenti pandita bandhehi mocentiti vatva imam gathamaha abaddha tattha bajjhanti yattha bala pabhasare baddhapi tattha muccanti yattha dhira pabhasareti. Tattha abaddhati abandhitabbayuttaka. Pabhasareti pabhasanti vadanti kathenti. Evam bodhisatto imaya gathaya ranno dhammam desetva maya idam dukkham agare vasanabhavena laddham idani me agarena kiccam natthi pabbajjam me anujanatha devati pabbajjam anujanapetva assumukham natijanam mahantanca vibhavam pahaya isipabbajjam pabbajitva himavante vasanto abhinna ca samapattiyo ca nibbattetva brahmalokaparayano ahosi. Sattha imam dhammadesanam aharitva jatakam samodhanesi tada dutthadevi cincamanavika ahosi raja anando ahosi purohito pana ahamevati. Bandhanamokkhajatakam dasamam. Hamsivaggo dvadasamo. ------------- @Footnote: @*** hanranir m+mikhramula ***

The Pali Atthakatha in Roman Book 36 page 304-310. http://84000.org/tipitaka/atthapali/read_rm.php?B=36&A=6078&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=6078&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=120 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=787 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=784 The Pali Tipitaka in Roman Character :- http://84000.org/tipitaka/read/roman_read.php?B=27&A=784 Contents of The Tipitaka Volume 27 http://84000.org/tipitaka/read/?index_27