บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
13 Kusanalivaggavannana --------- 1 kusanalijatakam kare sarikkhoti idam sattha jetavane viharanto anathapindikassa nicchayamittam arabbha kathesi. Anathapindikassa hi mittasuhajjanatibandhava ekato hutva mahasetthi ayam taya jatigottadhanadhannadihi neva sadiso na uttaritaro kasma etena saddhim santhavam karosi ma karohiti punappunam nivaresum. Anathapindiko pana mittasanthavo nama hinehipi samehipi atirekehipi kattabboyevati tesam vacanam agahetva bhogagamam gacchanto tam kutumbarakkhakam katva agamasiti sabbam kalakannivatthusmim vuttanayeneva veditabbam. Idha pana anathapindikena attano gharappavattiya arocitaya sattha gahapati mitto nama khuddako natthi mittadhammam rakkhitum samatthabhavo cettha pamanam mitto nama attana samopi hinopi visitthopi gahetabbo sabbepi hi te attano pattabharam nittharantiyeva idani tava tvam attano nicchayamittam nissaya kutumbassa samiko jato porana pana nicchayamittam nissaya vimanasamika jatati vatva tena yacito atitam ahari. Atite baranasiyam brahmadatte rajjam karente bodhisatto ranno uyyane kusanaligacche devata hutva nibbatti. Tasmimyeva pana uyyane mangalasilam nissaya ujugatakkhandho parimandalasakhavitapasampanno ranno santika laddhasammano rucamangalarukkho atthi. Samukhakotipi vuccati. Tasmim eko mahesakkho devaraja nibbatti. Bodhisattassa tena saddhim mittasanthavo ahosi. Tada raja ekatthambhake pasade vasati. Tassa so thambho cali. Athassa calitabhavam ranno arocesum. Raja vaddhaki pakkosapetva tata mama ekatthambhakassa mangalappasadassa thambho calito ekam saratthambham aharitva tam niccalam karethati aha. Te sadhu devati ranno vacanam sampaticchitva tadanucchavikam rukkham pariyesamana annattha adisva uyyanam pavisitva tam samukhakarukkham disva ranno santikam gantva kim tata dittho tadanucchaviko rukkhoti vutte dittho deva apica kho nam chinditum na visahamati ahamsu. Kimkaranati. Mayam annatra rukkham apassanta uyyanam pavisimha tatrapi thapetva mangalarukkham annam na passama iti nam mangalarukkhataya chinditum na visahamati. Gacchatha chinditva pasadam thiram karotha mayam annam mangalarukkham karissamati. Te sadhuti balikammam gahetva uyyanam gantva sve chindissamati rukkhassa balikammam katva nikkhamimsu. Rukkhadevata tam karanam natva sve mayham vimanam nasessati darake gahetva kuhim gamissamiti gantabbatthanam Apassanti puttake givayam gahetva parodi. Tassa sanditthasambhatta rukkhadevata gantva kim etanti pucchitva tam karanam sutva sayampi vaddhakinam patikkhipanupayam apassantiyo tam parissajjitva roditum arabhimsu. Tasmim samaye bodhisatto rukkhadevatam passissamiti tattha gantva tam karanam sutva hotu ma cintayittha aham tam rukkham chinditum na dassami sve vaddhakinam agatakale mama karanam passathati ta devatayo samassasetva punadivase vaddhakinam agatavelaya kakantakavesam gahetva vaddhakinam purato gantva mangalarukkhassa mulam pavisitva tam rukkham susiram viya katva rukkhamajjhena abhiruhitva khandhamatthakena nikkhamitva sisam kampayamano nipajji. Mahavaddhaki tam kakantakam disva rukkham hatthena paharitva susirarukkho eso nissaro hiyyo anupadharetvava balikammam karimhati ekaghanam maharukkham garahitva pakkami. Rukkhadevata bodhisattam nissaya vimanassa samika jata. Tassa patisantharatthaya sanditthasambhatta bahu devata sannipatimsu. Rukkhadevata vimanam me laddhanti tutthacitta tasam devatanam majjhe bodhisattassa gunam kathayamano bho devata mayam mahesakkha devata hutvapi dandhapannataya imam upayam na janimha kusanalidevata pana attano nanasampattiya amhe vimanasamike akasi mitto nama sadisopi adhikopi hinopi Kattabboyeva sabbopi attano thamena sahayanam uppannam dukkham nittharitva sukhe patitthapentiyevati mittadhammam vannayitva imam gathamaha kare sarikkho athavapi settho nihinako capi kareyya eko kareyyu te byasane uttamattham yatha aham kusanali rucayanti tattha kare sarikkhoti jatiadihi sadisopi mittadhammam kareyya. Athavapi setthoti jatiadihi setthopi adhikopi kareyya. Nihinako capi kareyya ekoti eko jatiadihi hinopi mittadhammam kareyya. Tasma sabbepi ete mitta katabbayevati dipeti. Kimkarana. Kareyyu te byasane uttamatthanti sabbe cete sahayassa byasane uppanne attano pattabharam vahamana uttamattham kareyyum kayikacetasikadukkhato tam sahayakam moceyyumevati attho. Tasma hinopi mitto katabboyeva pageva itare. Tatridam opammam. Yatha aham kusanali rucayanti yatha aham rucayam nibbattadevata ayanca kusanalidevata appesakkha mittasanthavam karimha tatrapaham mahesakkhapi samana attano uppannam dukkham balataya anupayakusalataya haritum nasakkhim imampana appesakkhampi samanam panditam devatam nissaya dukkhato muttomhiti. Tasma annehipi dukkha muccitukamehi samavisitthabhavam anoloketva hinopi panitopi mitto katabbo. Rucadevata imaya gathaya devasanghassa dhammam desetva yavatayukam thatva saddhim kusanalidevataya yathakammam gata. Sattha imam dhammadesanam aharitva jatakam samodhanesi tada rucadevata anando ahosi kusanalidevata pana ahamevati. Kusanalijatakam pathamam. ----------The Pali Atthakatha in Roman Book 36 page 311-315. http://84000.org/tipitaka/atthapali/read_rm.php?B=36&A=6192&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=6192&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=121 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=801 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=796 The Pali Tipitaka in Roman Character :- http://84000.org/tipitaka/read/roman_read.php?B=27&A=796 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]