|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8 Musikajatakam yo ve dhammaddhajam katvati idam sattha jetavane viharanto ekam kuhakam bhikkhum arabbha kathesi. Tada hi sattha tassa kuhakabhave arocite na bhikkhave idaneva pubbepesa kuhakoyevati vatva atitam ahari. Atite baranasiyam brahmadatte rajjam karente bodhisatto musikayoniyam patisandhim gahetva vuddhimanvaya mahasariro sukaracchapakasadiso hutva anekasatamusikahi parivuto aranne vicarati. Atheko sigalo ito cito ca vicaranto tam musikayutham disva ima musika vancetva khadissamiti cintetva musikanam asayassa avidure suriyabhimukho vatam pivanto ekena padena atthasi. Bodhisatto gocaraya caramano tam disva silava eso bhavissatiti tassa santikam gantva bhante tvam ko namati pucchi. Dhammiko namati. Cattaro pade bhumiyam atthapetva kasma ekeneva thitositi. Mayi cattaro pade pathaviyam thapente pathavi sahitum na sakkoti tasma ekeneva titthamiti. Mukham vivaritva kasma thatositi. Mayam annam na bhakkhayama vatameva bhakkhayamati. Atha kasma suriyabhimukha titthathati. Suriyam namassamati. Bodhisatto tassa vacanam sutva silava eso bhavissatiti tato--------------------------------------------------------------------------------------------- page339.
Patthaya musikaganena saddhim sayam patam tassa upatthanam gacchati. Athassa upatthanam katva gamanakale sigalo sabbapacchimam musikam gahetva mamsam khaditva ajjhoharitva mukham punchitva titthati. Anupubbena musikagano tanuko jato. Musika pubbe amhakam asayo nappahoti mayam nirantara titthama idani sithilo evampi asayo na purateva kim nu kho etanti bodhisattassa pavuttim arocesum. Bodhisatto kena nu kho karanena musika tanukati cintento sigale asankam thapetva vimamsissami nanti upatthanakale sesamusika purato katva sayam pacchato ahosi. Sigalo tassa upari pakkhandi. Bodhisatto attano gahanatthaya tam pakkhantam disva nivattetva bho sigala idante vattasamadanam na dhammasudhammataya paresampana vihimsanatthaya dhammaddhajam katva carasiti vatva imam gathamaha yo ve dhammaddhajam katva niguyho papamacare vissasayitva bhutani bilarannama tam vatanti. Tattha yo veti khattiyadisu yokocideva. Dhammaddhajam katvati dasakusalakammapatham dhammaddhajam katva tam karonto viya ussapetva dassentoti attho. Vissasayitvati silava ayanti sannaya sanjatavissasani katva. Bilarannama tam vatanti tam evam dhammaddhajam katva raho papani karontasseva vatam keratikavatannama hotiti attho. Musikaraja kathentova uppatitva tassa givayam patitva--------------------------------------------------------------------------------------------- page340.
Hanukassa hettha antogalanaliyam damsitva jivitakkhayam papesi. Musikagano nivattitva sigalam murumurati khaditva agamasi. Pathamagatapi kirassa mamsam labhimsu paccha agata na labhimsu. Tato patthaya musikagano nibbhayo jato sukhalabho. Sattha imam dhammadesanam aharitva jatakam samodhanesi tada sigalo kuhakabhikkhu ahosi musikaraja pana ahamevati. Musikajatakam atthamam. -------The Pali Atthakatha in Roman Book 36 page 338-340. http://84000.org/tipitaka/atthapali/read_rm.php?B=36&A=6737&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=6737&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=128 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=843 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=836 The Pali Tipitaka in Roman Character :- http://84000.org/tipitaka/read/roman_read.php?B=27&A=836 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]