AtthaPali Vol.36

10. Dummedhajatakam dummedhananti idam sattha jetavane viharanto lokatthacariyam arabbha kathesi. Sa dvadasanipate mahakanhajatake avibhavissati. Atite baranasiyam brahmadatte rajjam karente bodhisatto tassa ranno aggamahesiya kucchimhi patisandhim ganhi. Tassa matu kucchito nikkhantassa namagahanadivase brahmadattakumaroti namam akamsu. So solasavassuddesiko hutva takkasilayam sippam ugganhitva tinnam vedanam param gantva attharasannam vijjatthananam nipphattim papuni. Athassa pita uparajjam adasi. Tasmim samaye baranasiyam manussa devatamangalika honti devatam namassanti bahu ajelaka kukkuta sukaradayo vadhitva nanappakarehi pupphagandhehi ceva mamsalohitehi ca balikammam karonti. Bodhisatto cintesi idani Satta devatamangalika panavadham karonti mahajano yebhuyyena adhammasmimyeva nivittho aham pitu accayena rajjam labhitva ekampi akilametva upayeneva panavadham katum na dassamiti. So ekadivasam ratham abhiruyha nagara nikkhamanto addasa ekasmim mahante vatarukkhe mahajanam sannipatitam tasmim rukkhe nibbattadevataya santike puttadhituyasadhanadisu yam yam icchati tam tam patthentam. So ratha oruyha tam rukkham upasankamitva gandhapupphehi pujetva udakena abhisekam katva rukkham padakkhinam katva devatamangaliko viya hutva devatam namassitva ratham abhiruyha nagarameva pavisi. Tato patthaya iminava niyamena antarantare tattha gantva devatamangaliko viya pujam karoti. So aparena samayena pitu accayena rajje patitthaya catasso agatiyo vajjetva dasa rajadhamme akopento dhammena rajjam karento cintesi mayham manoratho matthakam patto rajje patitthitosmi yam panaham pubbe ekam attham vicintayim idani tam matthakam papessamiti. Amacce ca brahmanagahapatikadayo ca sannipatapetva amantesi janatha bho maya kena karanena rajjam pattanti. Na janama devati. Aham asukannama vatarukkham gandhadihi pujetva anjalim paggahetva namassamano ditthapubboti. Ama devati. Tadaham patthanam akasim sace rajjam papunissami balikammante karissamiti maya tassa devataya anubhavena idam rajjam laddham idani tassa balikammam karissami tumhe papancam akatva khippam Devataya balikammam sajjethati. Kim ganhama devati. Bhonto aham devataya ayacamano ye ca mayham rajje panatipatadini pancavidhadussilakammani dasa akusalakammapathe samadaya vattissanti te ghatetva antavattimamsalohitadihi balikammam karissamiti ayacim tasma tumhe evam bherincarapetha amhakam raja uparajakaleyeva evam ayaci sacaham rajjam papunissami ye me rajje dussila bhavissanti te sabbe ghatapetva balikammam karissamiti so idani pancavidham dussilakammam samadaya vattamananam dussilanam sahassam ghatapetva tesam hadayamamsadini gahapetva devataya balikammam karapetukamo evam nagaravasino janantuti. Evanca pana vatva yedani ito patthaya dussilakamme vattissanti tesam sahassam ghatetva yannam yajitva ayacanato muccissamiti etamattham pakasento imam gathamaha dummedhanam sahassena yanno me upayacito idani khoham yajissami bahu adhammiko janoti. Tattha dummedhanam sahassenati idam kammam katum vattati idam na vattatiti ajananabhavena dasasu va pana akusalakammapathesu samadaya vattanabhavena dummedha etesanti dummedha tesam dummedhanam nippannanam balapuggalanam ganitva gahitena sahassena. Yanno me upayacitoti maya devatam upasankamitva evam yajissamiti yanno yacito. Idani khoham yajissamiti so aham imina ayacanena rajjassa patiladdhatta idani yajissami. Kimkarana. Idani hi bahu Adhammiko jano tasma idaneva nam gahetva balikammam karissamiti. Amacca bodhisattassa vacanam sutva sadhu devati dvadasayojanike baranasinagare bherincarapesum. Bheriya anam sutva ekampi dussilakammam samadaya thito ekapurisopi nahosi. Iti yava bodhisatto rajjam karesi tava ekapuggalopi pancasu va dasasu va dussilakammesu ekampi kammam karonto na pannayittha. Evam bodhisatto ekapuggalampi akilamanto sakalaratthavasino silam rakkhapetva sayampi danadini punnani karitva jivitapariyosane attano parisam adaya devanagaram purento agamasi . Satthapi na bhikkhave tathagato idaneva lokassa attham carati pubbepi cariyevati imam dhammadesanam aharitva anusandhim ghatetva jatakam samodhanesi tada parisa buddhaparisa ahesum baranasiraja pana ahamevati. Dummedhajatakam dasamam. Atthakamavaggo pancamo. Pathamam pannasakam. --------------- @Footnote: @*** hanranir m+mikhramula ***

The Pali Atthakatha in Roman Book 36 page 36-40. http://84000.org/tipitaka/atthapali/read_rm.php?B=36&A=723&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=723&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=50 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=328 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=322 The Pali Tipitaka in Roman Character :- http://84000.org/tipitaka/read/roman_read.php?B=27&A=322 Contents of The Tipitaka Volume 27 http://84000.org/tipitaka/read/?index_27