บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Virocanajatakam lasi ca te nipphalitati idam sattha veluvane viharanto devadattena gayasise sugatalayassa dassitabhavam arabbha kathesi. Devadatto hi parihinajjhano labhasakkara parihino attheko upayoti cintetva sattharam panca vatthuni yacitva alabhamano dvinnam aggasavakanam saddhiviharike adhuna pabbajite dhammavinayamhi akovide pancasate bhikkhu gahetva gayasisam gantva sangham bhinditva ekasimayam avenikam sanghakammam akasi. Sattha tesam bhikkhunam nanaparipakakalam natva dve aggasavake pesesi. Te disva devadatto tutthamanaso rattim dhammam desayamano buddhalilham karissamiti sugatalayam dassento vigatathinamiddho kho avuso sariputta bhikkhusangho patibhatu tam bhikkhunam dhammikatha pitthi me agilayati tamaham ayamissamiti vatva niddam upagato. Dve aggasavaka tesam bhikkhunam dhammam desetva maggaphalehi pabodhetva Sabbe adaya veluvanameva paccagamimsu. Kokaliko viharam tuccham disva devadattassa santikam gantva avuso devadatta parisante bhinditva dve aggasavaka viharam tuccham katva gata tvam pana niddayasiyevati vatva uttarasangamassa apanetva bhittiyam pitthikantakam phusanto viya panhikaya nam hadaye pahari. Tavadevassa mukhato lohitam ugganchi. So tato patthaya gilano ahosi. Sattha theram pucchi sariputta tumhakam gatakale devadatto kim akasiti. Bhante devadatto amhe disva buddhalilham karissamiti sugatalayam dassento mahavinasam pattoti. Sattha na kho sariputta devadatto idaneva mama anubharonto vinasam patto pubbepi pattoyevati vatva therena yacito atitam ahari. Atite baranasiyam brahmadatte rajjam karente bodhisatto kesarasiho hutva himavantappadese kancanaguhayam vasam kappesi. So ekadivasam kancanaguhaya nikkhamitva vijambhitva catuddisam oloketva sihanadam naditva gocaraya pakkamanto mahamahisam vadhitvava mamsam khaditva ekam saram otaritva manivannassa udakassa kucchim puretva guham sandhaya payasi. Atheko sigalo gocarappasuto sahasava siham disva palayitum asakkonto sihassa purato padesu patitva nipajjati kim jambukati vutte aham te sami pade upatthatukamomhiti aha. Siho sadhu ehi mam upatthaha Varamamsani tam khadapessamiti vatva sigalam adaya kancanaguham agamasi. Sigalo tato patthaya sihavighasam khadati. So katipahaccayena thullasariro ahosi. Atha nam ekadivasam guhayam nipannakova siho aha gaccha jambuka tvam pabbatasikhare thatva pabbatapade sancarantesu hatthiassamahisadisu yassa mamsam khaditukamosi tam oloketva agantva asukamamsam khaditukamomhiti vatva viroca samiti vadehi aham tam vadhitva madhuramamsam khaditva tuyhampi dassamiti. Sigalo pabbatasikharam abhiruhitva nanappakare mige oloketva yasseva mamsam khaditukamo ahosi kancanaguham pavisitva tameva sihassa arocetva padesu patitva viroca samiti vadati. Siho vegena pakkhanditva sacepi mattavaravarano ahosi tattheva nam jivitakkhayam papetva sayampi varamamsam khadati sigalassapi deti. Sigalo kucchipuram mamsam khaditva guham pavisitva niddayati. So gacchante kale manam vaddheti ahampi catuppadova kimkarana divase divase parehi posiyamano viharami ito patthaya ahampi hatthiadayo paharitva mamsam khadissami sihopi migaraja viroca samiti vuttameva padam nissaya varane vadhesi aham sihena viroca jambukati mam vadapetva ekam varavaranam vadhitva mamsam khadissamiti. So siham upasankamitva etadavoca sami maya digharattam tumhehi vadhitavaravarananam mamsam khaditam ahampi ekam varanam paharitva mamsam khaditukamo tasma tumhehi nipannatthane Kancanaguhayam nipajjissami tumhe pabbatapade vicarantam varavaranam oloketva mama santikam agantva viroca jambukati vadetha ettakamattampi maccheram ma karitthati. Atha nam siho aha na tvam jambuka varane vadhitum samattho sihakule uppanno varanam paharitva mamsam khadanasamattho sigalo nama loke natthi ma te evam rucci maya vadhitavaravaranananneva mamsam khaditva vasassuti. So evam vuttopi oramitum na icchi punappunam yaciyeva. Siho tam nivaretum asakkonto sampaticchitva tenahi mama vasanatthanam pavisitva nipajjati jambukam kancanaguhayam nipajjapetva sayam pabbatapade mattavaravaranam oloketva guhadvaram gantva viroca jambukati aha. Sigalo kancanaguhaya nikkhamitva vijambhitva catuddisam oloketva tikkhattum vassitva mattavaranassa kumbhe patissamiti virajjhitva padamule pati. Varano dakkhinapadam ukkhipitva tassa sisam akkami. Sisatthini cunnavicunnani ahesum. Athassa sariram varano padena ghamsitva rasim katva upari landam patetva koncanadam nadanto arannam pavisi. Bodhisatto imam pavuttim disva idani viroca jambukati vatva imam gathamaha lasi ca te nipphalita matthako ca paphalito sabba te phasuka bhagga ajja kho tvam virocasiti. Tattha lasiti matthalungam. Nipphalitati nikkhanta. Bodhisatto imam gatham vatva yavatayukam thatva yathakammam gato. Sattha imam dhammadesanam aharitva jatakam samodhanesi tada sigalo devadatto ahosi siho pana ahamevati. Virocanajatakam tatiyam. ------The Pali Atthakatha in Roman Book 36 page 384-388. http://84000.org/tipitaka/atthapali/read_rm.php?B=36&A=7638&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=7638&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=143 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=949 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=937 The Pali Tipitaka in Roman Character :- http://84000.org/tipitaka/read/roman_read.php?B=27&A=937 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]