AtthaPali Vol.36

6. Asimsavaggavannana ------------ 1. Mahasilavajatakam asimsetheva purisoti idam sattha jetavane viharanto ossatthaviriyam bhikkhum arabbha kathesi. Tam hi sattha saccam kira tvam bhikkhu ossatthaviriyoti pucchitva ama bhanteti vutte kasma tvam bhikkhu evarupe niyyanikasasane pabbajitva viriyam ossajji pubbe pandita rajja parihayitvapi attano viriye thatvava natthampi yasam puna uppadayimsuti vatva atitam ahari. Atite baranasiyam brahmadatte rajjam karente bodhisatto ranno aggamahesiya kucchimhi nibbatto. Tassa namagahanadivase silavakumaroti namam akamsu. So solasavassuddesiko sabbasippesu nipphattim patva aparabhage pitu accayena rajje patitthito mahasilavaraja nama ahosi dhammiko dhammaraja. So nagarassa catusu dvaresu catasso majjhe ekam nivesanadvare ekanti cha danasalayo karetva kapanaddhikanam danam deti silam rakkhati uposathakammam karoti khantimettanuddayasampanno anke nisinnam puttam paritosayamano Viya sabbasatte paritosayamano dhammena rajjam karesi. Tasseko amacco antepure padussitva aparabhage pakato jato. Amacca ranno arocesum. Raja parigganhanto attana paccakkhato natva tam amaccam pakkosapetva andhabala ayuttante katam na tvam mama vijite vasitum arahasi attano dhananca puttadaranca gahetva annattha yahiti rattha pabbajesi. So kasirattham atikkamma kosalajanapadam gantva kosalarajanam upatthahanto anukkamena ranno abbhantare vissasiko jato. So ekadivasam kosalarajanam aha deva baranasirajjam nama nimmakkhikamadhupatalasadisam raja atimuduko appeneva balavahanena sakka baranasirajjam ganhitunti. Raja tassa vacanam sutva baranasirajjam nama maha ayanca appeneva balavahanena sakka baranasirajjam ganhitunti aha kim nu kho payuttakacoro siyati cintetva payuttakosi manneti aha. Naham deva payuttako saccameva vadami sace me na saddahatha manusse pesetva paccantagamam hanapetha te manusse gahetva attano santakam coranam dhanam datva vissajjessatiti. Raja ayam ativiya suro hutva kathesi vimamsissami tava nanti attano purise pesetva baranasiranno paccantagamam hanapesi. Te core gahetva baranasiranno dassesum. Raja te disva tata kasma gamam hanathati pucchi. Jivitum asakkonta devati. Atha kasma mama santikam Na agamittha itodani patthaya evarupam ma karitthati tesam dhanam datva vissajjesi. Te gantva kosalaranno tam pavuttim arocesum. So ettakenapi gantum avisahanto puna majjhe janapadam hanapesi. Tepi core raja tatheva dhanam datva vissajjesi. So ettakenapi agantva puna pesetva antaravithim vilumpapesi. Rajapi tesam coranam dhanam datva vissajjesiyeva. Tada kosalaraja ativiya dhammiko rajati natva baranasirajjam gahessamiti balavahanam adaya niyyasi. Tada pana baranasiranno mattavaranepi abhimukham agacchante anivattanadhamma asuniyapi sise patantiya asantasanasabhava silavamaharajassa ruciya sati sakalajambudipe rajjam gahetum samattha sahassamatta abhejjavarasura mahayodha honti. Te kosalaraja gacchatiti sutva rajanam upasankamitva deva kosalaraja kira baranasirajjam ganhissamiti agacchati gacchama mayam amhakam rajjasimam anokkantameva nam pothetva ganhamati vadimsu. Raja tata mam nissaya annesam kilamanakiccam natthi rajjatthiko rajjam ganhatu ma gamitthati nivaresi. Kosalaraja rajjasimam atikkamitva janapadamajjham pavisi. Amacca punapi rajanam upasankamitva tatheva vadimsu. Raja purimanayeneva nivaresi. Kosalaraja bahinagareyeva thatva rajjam va detu yuddham vati silavamaharajassa sasanam pesesi. Raja tam sutva natthi taya saddhim yuddham Rajjam ganhatuti patisasanam pesesi. Punapi amacca rajanam upasankamitva deva na mayam kosalaranno nagaram pavisitum dema bahinagareyeva pothetva ganhamati ahamsu. Raja purimanayeneva nivaretva nagaradvarani avapurapetva saddhim amaccasahassena mahatale pallankamajjhe nisidi. Kosalaraja mahantena balavahanena baranasim pavisi. So ekampi patisattum apassanto ranno nivesanadvaram gantva amaccaganaparivuto aparutadvare nivesane alankatapatiyattam mahatalam aruyha nisinnam niraparadham silavamaharajanam saddhim amaccasahassena ganhapetva gacchatha imam rajanam saddhim amaccehi pacchabahum galhabandhanam bandhitva amakasusanam netva galappamane avate khanitva yatha ekopi hattham ukkhipitum na sakkoti evam pamsum pakkhipitva nikkhanatha rattim sigala agantva etesam kattabbayuttakam karissantiti aha. Manussa coraranno anam sutva rajanam saddhim amaccehi pacchabahum galhabandhanam bandhitva nikkhamimsu. Tasmimpi kale silavamaharaja coraranno aghatamattampi nakasi. Tesupi amaccesu evam bandhitva niyamanesu ekopi ranno vacanam bhinditum samattho nama nahosi. Evam suvinita kirassa parisa. Atha te rajapurisa samaccam silavamaharajanam amakasusanam netva galappamane avate khanitva silavamaharajanam majjhe ubhosu passesu sesaamacce sabbepi avatesu Otaretva pamsum akiritva ghanam akotetva agamimsu. Silavamaharaja amacce amantetva coraranno upari kopam akatva mettameva bhavetha tatati ovadi. Atha addharattikasamaye manussamamsam khadissamati sigala agamimsu. Te disva raja ca amacca ca ekappahareneva saddamakamsu. Singala bhita palayimsu. Te nivattitva olokenta pacchato kassaci anagamanabhavam natva puna paccagamimsu. Itarepi tatheva saddamakamsu. Evam yavatatiyam palayitva puna olokenta tesu ekassapi anagamanabhavam natva vajjhappatta ete bhavissantiti sura hutva nivattitva puna tesu saddam karontesupi na palayimsu. Jetthakasigalo rajanam upagacchi. Sesa sesanam santikam agamamsu. Upayakusalo raja tassa attano santikam agatabhavam natva damsitum okasam dento viya givam ukkhipitva tam givayam damsamanam hanukatthikena akaddhitva yantena pakkhipitva viya galham ganhi. Nagabalena ranna hanukatthikena akaddhitva givayam dalhagahitasingalo attanam mocetum asakkonto maranabhayatajjito mahaviravam viravi. Avasesa sigala tassa tam saddam sutva etena purisenesa gahito bhavissatiti amacce upasankamitum asakkonta maranabhayatajjita sabbe palayimsu. Ranno hanukatthikena yantena pakkhipitva viya dalham katva gahitasigale aparaparam sancarante pamsu sithila ahosi. Sopi singalo maranabhayabhito catuhi padehi ranno uparibhage pamsum apabyuhati. Raja pamsunam sithilabhavam natva sigalam vissajjetva nagabalo thamasampanno aparaparam sancalento ubho hatthe ukkhipitva avatamukhavattiyam olubbha vatacchinnavalahako viya nikkhamitva thito amacce assasetva pamsum viyuhitva te sabbe uddharitva amaccaparivuto amakasusane atthasi. Tasmim samaye manussa ekam matamanussam amakasusane chaddenta dvinnam yakkhanam simantarikaya chaddesum. Te yakkha tam manussam bhajetum asakkonta vivadamakamsu mayam imam bhajetum na sakkoma ayam silavamaharaja dhammiko esa no bhajetva dassati etassa santikam gacchamati tam matamanussam pade gahetva kaddhanta ranno santikam gantva deva amhakam imam bhajetva dehiti ahamsu. Bho yakkha aham imam tumhakam bhajetva dadeyyam aparisuddhasariro panamhi nhayissami tavati. Yakkha coraranno thapitam vasitaudakam attano anubhavena aharitva ranno nhapanatthaya adamsu. Nhatva thitassa cassa samharitva thapite coraranno satake aharitva adamsu. Te nivasetva thitassa catujjatiyagandhasamuggam aharitva adamsu. Gandhe vilimpitva thitassa suvannasamugge manitalavantesu thapitani nanapupphani aharitva adamsu. Pupphani pilandhitva thitakale annam kim karomati pucchimsu. Raja attano chatakakaram dassesi. Te yakkha gantva coraranno sampaditam nanaggarasabhojanam aharitva adamsu. Raja nhananulitto Sumanditappasadhito nanaggarasabhojanam bhunji. Yakkha coraranno thapitam vasitapaniyam suvannabhingareneva suvannasarakenapi saddhim aharitva adamsu. Athassa paniyam pivitva mukham vikkhaletva hatthe dhovitva thitakale coraranno sampaditam pancasugandhikaparivaram tambulam aharitva adamsu. Tam khaditva thitakale annam kim karomati pucchimsu. Gantva coraranno ussisake nikkhittam mangalakhaggam aharathati. Te tampi gantva aharimsu. Raja khaggam gahetva tam matamanussam ujukam thapetva matthakamajjhe asina paharitva dve kotthase katva dvinnam yakkhanam samavibhattameva vibhajitva adasi datva ca pana khaggam dhovitva sannayhitva atthasi. Atha te yakkha manussamamsam khaditva suhita hutva tutthacitta annam te maharaja kim karomati pucchimsu. Tenahi tumhe attano anubhavena mam coraranno sirigabbhe otaretha ime ca amacce attano gehe patitthapethati. Te sadhu devati sampaticchitva tatha akamsu. Tasmim samaye coraraja alankatasirigabbhe sirisayanapitthe nipanno niddayati. Raja tassa pamattassa niddayantassa khaggatalena udaram pahari. So bhito pabujjhitva dipalokena silavamaharajanam sanjanitva sayanato utthaya satim upatthapetva thito rajanam aha maharaja evarupaya rattiya gahitarakkhe pihitadvare bhavane arakkhamanussehi nirokase thane khagagam sannayhitva Alankatapatiyatto kathannama tvam imam sayanapittham agatoti. Raja attano agamanakaranam sabbam vittharato kathesi. Tam sutva coraraja samviggamanaso maharaja aham manussabhutopi samano tumhakam gune na janami paresam lohitamamsam khadakehi pana kakkhalehi pharusehi yakkhehi tava guna nata na idanaham narinda evarupe silasampanne tayi dubbhissamiti khaggam adaya sapatham katva rajanam khamapetva mahasayane nipajjapetva attano khuddakamancake nipajjitva pabhataya rattiya utthite suriye bherincarapetva sabbaseniyo ca amaccabrahmanagahapatike ca sannipatapetva tesam purato akase punnacandam ukkhipanto viya silavaranno gune kathetva parisamajjheyeva puna rajanam khamapetva rajjam paticchapetva ito patthaya tumhakam uppanno corupaddavo mayham bharo maya gahitarakkha tumhe rajjam karethati vatva pesunnakarakassa anam katva attano balavahanam adaya sakaratthameva gato. Silavamaharajapi kho alankatapatiyatto setacchattassa hettha sarabhapadake kancanapallanke nisinno attano sampattim oloketva ayanca evarupa sampatti amaccasahassassa ca jivitapatilabho mayi viriyam akaronte kinci na abhavissa viriyabalena panaham natthanca imam yasanca patilabhim amaccasahassassa ca jivitadanam adasim asacchedam vata akatva viriyameva kattabbam kataviriyassa hi phalam nama evam samijjhatiti cintetva udanavasena imam gathamaha Asimsetheva puriso na nibbindeyya pandito passami voham attanam yatha icchim tatha ahuti. Tattha asimsethevati evaham viriyam arabhanto imamha dukkha muccissamiti attano viriyabalena asam karotheva. Na nibbindeyya panditoti upayakusalo yuttappayuttatthane viriyam karonto aham imassa viriyassa phalam na labhissamiti na ukkantheyya asacchedakammam na kareyyati attho. Passami voham attananti ettha voti nipatamattam aham ajja attanam passami. Yatha icchim tatha ahuti aham hi avate nikkhato tamha dukkha muccitva puna attano rajjasampattim icchim soham imam sampattim pattam attanam passami yathevaham pubbe icchim tatheva me atta jatoti. Evam bodhisatto aho vata bho silasampannanam viriyaphalam nama samijjhatiti imaya gathaya udanam udanetva yavajivam punnani karitva yathakammangato. Satthapi imam dhammadesanam aharitva saccani pakasesi. Saccapariyosane ossatthaviriyo bhikkhu arahatte patitthasi. Sattha anusandhim ghatetva jatakam samodhanesi tada dutthamacco devadatto ahosi amaccasahassa buddhaparisa silavamaharaja pana ahamevati. Mahasilavajatakam pathamam. -------------

The Pali Atthakatha in Roman Book 36 page 41-49. http://84000.org/tipitaka/atthapali/read_rm.php?B=36&A=796&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=36&A=796&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=51 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=342 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=336 The Pali Tipitaka in Roman Character :- http://84000.org/tipitaka/read/roman_read.php?B=27&A=336 Contents of The Tipitaka Volume 27 http://84000.org/tipitaka/read/?index_27