|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
5 Ruhakavaggavannana --------- 1 ruhakajatakam. Ambho ruhakacchinnapiti idam sattha jetavane viharanto poranadutiyikapalobhanam arabbha kathesi. Vatthu atthakanipate indriyajatake avibhavissati. Sattha pana tam bhikkhum ayante bhikkhu itthi anatthakarika, pubbepi tam esa sarajikaya parisaya majjhe lajjapetva geha nikkhamanakaram akasiti vatva atitam ahari. Atite baranasiyam brahmadatte rajjam karente bodhisatto tassa aggamahesiya kucchimhi nibbattitva vayappatto pitu accayena rajje patitthaya dhammena rajjam karesi. Tassa ruhako nama purohito ahosi. Tassa purani nama brahmani bhariya. Raja brahmanassa assam bhandakena alankaritva assam adasi. So tam assam abhiruyha ranno upatthanam gacchati. Atha nam alankatassa assassa pitthe nisiditva gacchantamagacchantanca disva tahim tahim thita manussa aho assassa rupam, aho asso sobhatiti assameva pasamsanti. So geham agantva pasadam abhiruhitva bhariyam amantesi bhadde amhakam asso ativiya sobhati, ubhosu passesu thita manussa amhakam assameva vannentiti. Sa pana brahmani thokam--------------------------------------------------------------------------------------------- page152.
Chinnika dhuttikajatika 1- tena nam evamaha ayya tvam assassa sobhanakaranam na janasi, ayam asso attano alankatam assabhandakam nissaya sobhati, sace tvampi asso viya sobhitukamo assabhandam pilandhitva antaravithim oruyha asso viya pade kottayamano gantva rajanam passa, rajapi tam vannayissati, manussapi tanneva vannayissantiti. So ummattajatiko brahmano tassa vacanam sutva imina nama karanena sa mam vadatiti ajanitva sobhanasanni hutva tatha akasi yeva. Ye ye passanti te te parihasam karonta sobhati acariyoti vadimsu. Raja pana nam kim acariya cittante 2- kuppitam, ummattakosi jatoti adini vatva lajjapesi. Tasmim kale brahmano ayuttam maya katanti lajjito brahmaniya kujjhitva tayamhi sarajikaya senaya antare lajjapito pothetva tam nikkaddhissamiti geham agamasi. Dhuttibrahmani tassa kujjhitva agamanabhavam natva puretarameva culladvarena nikkhamitva rajanivesanam gantva catuhapancaham tattheva ahosi. Raja tam karanam natva purohitam pakkosapetva acariya matugamassa nama doso hoti yeva, brahmaniya khamitum vattatiti khamapanatthaya pathamam gathamaha ambho ruhaka chinnapi jiya sandhiyyate puna, sandhiyyassu puraniya, ma kodhassa vasam gamiti. Tatrayam sankhepattho bho ruhaka nanu chinnapi dhanujiya puna @Footnote: 1 dhuttikadhatukatipi . 2 pittantetipi.--------------------------------------------------------------------------------------------- page153.
Sandhiyyati ghatiyati, evameva tvam puraniya saddhim sandhiyyassu kodhassa vasam ma gamiti. Tam sutva ruhako dutiyam gathamaha vijjamanesu muduvakesu vijjamanesu karisu annam jiyam karissami, alanneva puraniyati. Tassattho maharaja muduvakesu ca jiyakarakesu ca manussesu vijjamanesu annam jiyam karissami, imaya chinnaya puraniya jiyaya alam, natthi me koci atthoti. Evanca pana vatva tam niharitva annam brahmanim anesi. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthitabhikkhu sotapattiphale patitthahi. Tada purani puranadutiyika ahosi, ruhako ukkanthitabhikkhu, baranasiraja pana ahamevati. Ruhakajatakam pathamam. ---------The Pali Atthakatha in Roman Book 37 page 151-153. http://84000.org/tipitaka/atthapali/read_rm.php?B=37&A=2977&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=2977&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=231 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1402 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1385 The Pali Tipitaka in Roman Character :- http://84000.org/tipitaka/read/roman_read.php?B=27&A=1385 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]