AtthaPali Vol.37

2 Ucchitthabhattajatakam anno uparimo vannoti idam sattha jetavane viharanto puranadutiyikapalobhanam arabbha kathesi. So hi bhikkhu satthara saccam kira tvam bhikkhu ukkanthitoti puttho saccanti vatva ko tam ukkanthapesiti vutte puranadutiyikati aha. Atha nam sattha bhikkhu ayante itthi anatthakarika pubbepi attano jarassa ucchitthakam bhojesiti vatva atitam ahari. Atite baranasiyam brahmadatte rajjam karente bodhisatto ekasmim bhikkham caritva jivitakappake kapane natakakule nibbattetva vayappatto duggato durupako hutva bhikkham caritva jivitam kappesi.

--------------------------------------------------------------------------------------------- page223.

Tada kasikaratthe ekasmim gamake ekassa brahmanassa brahmani dussila papadhamma aticaram carati. Athekadivasam kenacideva karaniyena brahmane bahigate tassa jaro tam khanam oloketva tam geham pavisi. Sa tena saddhim aticaritva muhuttam bhattam bhunjitva va gamissasiti ^1- bhattam sampadetva supabyanjanasampannam unham bhattam vaddhitva bhunjahiti tassa datva sayam brahmanassa agamanam olokayamana dvare atthasi. Bodhisatto brahmaniya jarassa bhunjanatthane pindam paccasimsanto atthasi. Tasmim khane brahmano gehabhimukho agacchati. Brahmani tam agacchantam disva vegena pavisitva utthehi, brahmano agacchatiti jaram kotthe otaretva brahmanassa pavisitva nisinnakale phalakam upanetva hatthadhovanam datva itarena bhuttavasitthassa sitabhattassa upari unhabhattam vaddhitva brahmanassa adasi. So bhatte hattham otaretva upari unham hettha bhattam sitalam disva cintesi imina annassa bhuttadhikena ucchitthabhattena bhavitabbanti. So brahmanim pucchanto pathamam gathamaha anno uparimo vanno, anno vanno ca hetthimo, brahmani tveva pucchami kim hettha kinca upariti. Tattha vannoti akaro. Ayam hi uparimassa unhabhavam hetthimassa ca sitalabhavam pucchanto evamaha. Kim hettha kinca upariti bhadde vaddhitabhattena nama upari sitalena hettha unhena @Footnote: ¹ gamissamiti vuttetipi.

--------------------------------------------------------------------------------------------- page224.

Bhavitabbam, idanca na tadisam, tena tam pucchami kena karanena uparibhattam unham hetthimam sitalanti. Brahmani attana katakammassa uttanabhavabhayena brahmane punappunam kathentepi tunhi yeva ahosi. Tasmim khane nataputtassa etadahosi kotthe nisidapitapurisena jarena bhavitabbam, imina gehasamikena, brahmani pana attana katakammassa pakatabhavabhayena kinci na kathesi, handaham imissa kammam pakasetva jarassa kotthake nisidapitabhavam brahmanassa kathessamiti. So brahmanassa geha nikkhantakalato patthaya itarassa gehappavesam aticaranam aggabhattabhunjanam brahmaniya dvare thatva maggam olokanam itarassa kotthe otaritabhavanti sabbantam pavuttim acikkhitva dutiyam gathamaha aham natosmi bhaddante bhikkhakosmi idhagato, ayam hi kotthamotinno ayam so yam gavesasiti. Tattha aham natosmi bhaddanteti sami aham natajatiko varako bhavami. Bhikkhakosmi idhagatoti svaham imam thanam bhikkhako bhikkham pariyesamano agatosmi. Ayam hi kotthamotinnoti ayam pana etassa jaro imam bhattam bhunjanto tava bhayena kottham otinno. Ayam so yam gavesasiti yam tvam kassa nu kho imina ucchitthakena bhavitabbanti gavesasi, ayam so. Culaya nam gahetva pothetva kottha niharitva yatha na punevarupam papam karoti tathassa tam janahiti vatva pakkami.

--------------------------------------------------------------------------------------------- page225.

Brahmano ubhopi yatha na punevarupam papam karonti, tajjanapothanehi tatha sikkhapetva yathakammam gato. Sattha imam dhammadesanam aharitva saccani pakasetva jatakam samodhanesi. Saccapariyosane ukkanthito sotapattiphale patitthahi. Tada brahmani puranadutiyika ahosi, brahmano ukkanthito, nataputto pana ahamevati. Ucchitthabhattajatakam dutiyam. ---------

The Pali Atthakatha in Roman Book 37 page 222-225. http://84000.org/tipitaka/atthapali/read_rm.php?B=37&A=4383&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=4383&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=273 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1598 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1587 The Pali Tipitaka in Roman Character :- http://84000.org/tipitaka/read/roman_read.php?B=27&A=1587 Contents of The Tipitaka Volume 27 http://84000.org/tipitaka/read/?index_27