|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7 Biranatthambhakavaggavannana --------- 1 somadattajatakam. Akasi yogganti idam sattha jetavane viharanto loludayittheram arabbha kathesi. So hi dvinnam tinnam jananam antare ekavacanampi sampadetva kathetum na sakkoti, sarajjabahulo annam kathessamiti annameva kathesi. Tassa tam pavattim bhikkhu dhammasabhayam kathenta nisidimsu. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave loludayi idaneva sarajjabahulo pubbepi sarajjabahulo yevati vatva atitam ahari. Atite baranasiyam brahmadatte rajjam karente bodhisatto kasikaratthe annatarasmim brahmanakule nibbattitva vayappatto takkasilayam sippam ugganhitva puna geham agantva matapitunam duggatabhavam natva parihinakulam patitthapessamiti matapitaro apucchitva baranasiyam gantva rajanam upatthasi. So ranno piyo ahosi manapo. Athassa pituno dvihi yeva gonehi kasim katva jivitam kappentassa eko gono mato. So bodhisattam upasankamitva tata eko gono mato, kasikammam nappavattati, rajanam ekam gonam yacahiti aha. Tata na cirasseva me raja dittho,--------------------------------------------------------------------------------------------- page220.
Idaneva gonam yacitum na yuttam, tumheva yaceyyathati. Tata tvam mayham sarajjabahulabhavam na janasi, aham hi dvinnam tinnam sammukhe katham sampadetum na sakkomi, sace aham ranno santikam gonam yacitum gamissami, imampi datva agamissamiti. Tata yam hoti, tam hotu, na sakka maya rajanam yacitum, api ca kho panaham tumhe yoggam karessamiti. Tena hi sadhukam mam yoggam karehiti. Bodhisatto pitaram adaya biranatthambhakasusanam gantva tattha tattha tinakalape bandhitva ayam raja ayam uparaja ayam senapatiti namani katva patipatiya pitu dassetva tata tvam ranno santikam gantva jayatu maharajati vatva imam gatham vatva gonam yaceyyathati gatham ugganhapesi dve me gona maharaja yehi khettam kasamhase, tesu eko mato deva, dutiyam dehi khattiyati. Brahmano ekena samvaccharena imam gatham pagunam katva bodhisattam aha tata somadatta gatha me paguna jata, idani nam aham yassa kassaci santike vattum sakkomi, mam ranno santikam nehiti. So sadhu tatati tatharupam pannakaram gahapetva pitaram ranno santikam neti. Brahmano jayatu maharajati vatva pannakaram adasi. Raja ayante somadatta brahmano kim hotiti aha. Pita me maharajati. Kenatthenagatoti. Tasmim khane brahmano gonam yacanatthaya gatham vadanto--------------------------------------------------------------------------------------------- page221.
Dve me gona maharaja yehi khettam kasamhase, tesu eko mato deva, dutiyam ganha khattiyati aha. Raja brahmanena virajjhitva kathitabhavam natva sitam katva somadatta tumhakam gehe bahu manne gonati aha. Tumhehi dinna bhavissanti maharajati. Raja bodhisattassa tussitva brahmanassa solasa gone alankarabhandake nivasanagamancassa brahmadeyyam datva mahantena yasena brahmanam uyyojesi. Brahmano sabbasetasindhavayuttam ratham abhiruyha mahantena parivarena gamam agamasi. Bodhisatto pitara saddhim rathe nisiditva gacchanto tata aham tumhe sakalam samvaccharam yoggam karesim, sannitthanakale pana tumhakam gonam ranno adatthati vatva pathamam gathamaha akasi yoggam dhuvam appamatto samvaccharam viranatthambhakasmim, byakasi annam 1- parisam vigayha, na niyyamo tayati appapannanti. Tattha akasi yoggam dhuvam appamatto samvaccharam viranatthambhakasminti tata tvam niccam appamatto viranatthambhakamaye susane yoggam akasi. Byakasi annam 1- parisam vigayhati atha pana parisam vigahitva tam annampi 2- akasi vikaram akasi parivattesiti attho. Na niyyamo tayati appapannanti appapannam nama @Footnote: 1 sannantipi . 2 sannampitipi.--------------------------------------------------------------------------------------------- page222.
Puggalam niyyamo yogo cinnacaranam na tayati na rakkhatiti. Athassa vacanam sutva brahmano dutiyam gathamaha dvayam yacanako tata somadatta nigacchati alabham dhanalabham va, evamdhamma hi yacanati. Tattha evamdhamma hi yacanati yacana hi evamsabhavati. Sattha na bhikkhave loludayi idaneva sarajjabahulo pubbepi sarajjabahuloti imam dhammadesanam aharitva jatakam samodhanesi. Tada somadattassa pita loludayi ahosi, somadatto pana ahamevati. Somadattajatakam pathamam. --------The Pali Atthakatha in Roman Book 37 page 219-222. http://84000.org/tipitaka/atthapali/read_rm.php?B=37&A=4311&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=37&A=4311&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=271 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=1589 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=1576 The Pali Tipitaka in Roman Character :- http://84000.org/tipitaka/read/roman_read.php?B=27&A=1576 Contents of The Tipitaka Volume 27 http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]