|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
palasajatakam
hamso palasamavacati idam sattha jetavane viharanto kilesaniggaham
arabbha kathesi.
Vatthu pannasajatake 1- avibhavissati. Idha pana sattha bhikkhu
amantetva bhikkhave kilesa nama asankitabbava appamattako
samanopi nigrodhagaccho viya vinasam papesi poranakapanditapi
asankitabbam asankimsuyevati vatva atitam ahari.
Atite baranasiyam brahmadatte rajjam karente bodhisatto
suvannahamsayoniyam nibbattitva vayappatto cittakutapabbate suvannaguhayam
vasanto himavantappadese jatassare sanjatasalim khaditva
agacchati. Tassa gamanagamanamagge mahapalasarukkho ahosi. So
gacchantopi tattha vissamitva gacchati. Agacchantopi vissamitva
agacchati. Athassa tasmim rukkhe nibbattadevataya saddhim vissaso
ahosi. Aparabhage eka sakunika ekasmim nigrodharukkhe nigrodhapakkam
khaditva agantva tasmim palasarukkhe nisiditva vitapabbhantare
vaccam patesi. Tato nigrodhagaccho jato. So caturangulamattakale
rattankurapalasataya sobhati. Hamsaraja tam disva rukkhadevatam
@Footnote: 1. pannajatake.
Amantetva samma palasa nigrodho nama yamhi rukkhe jayati
vaddhanto tam naseti imassa vaddhitum ma dehi vimanam te
nasessati patikacceva nam uddharitva chaddehi asankitabbayuttakam
nama asankitum vattatiti palasadevataya saddhim mantento pathamam
gathamaha
hamso palasamavaca nigrodho samma jayati
ankasmim te nisinnova so te mammani checchatiti.
Pathamapado panettha abhisambuddhena hutva satthara vutto.
Palasanti palasadevatam. Sammati vayassa. Ankasminti vitabhiyam.
So te mammani checchatiti so te anke samvaddho sapatto viya
jivitam chindissatiti attho. Jivitasankhara hi idha mammaniti vutta.
Tam sutva tassa vacanam agganhanti palasadevata dutiyam gathamaha
vaddhitameva nigrodham 1- patitthassa bhavamaham
yatha pita ca mata ca evameso bhavissatiti.
Tassattho samma na tvam janasi vaddhakale me esa
ahamassa yatha balakale puttanam matapitaro patittha honti
tatha bhavissami yatha pana samvaddha putta paccha mahallakakale
matapitunam patittha honti mayhampi paccha mahallakakale evameso
patittha bhavissatiti.
Tato hamso tatiyam gathamaha
@Footnote: 1. vaddhatameva nigrodho.
Yam tvam ankasmim vaddhesi khirarukkham bhayanakam
amanta kho tam gacchama vuddhimassa na ruccatiti.
Tattha yam tvanti yasma tvam etanca bhayadayakattena bhayanakam
khirarukkham sapattam viya anke vaddhesi. Amanta kho tanti tasma
mayam tam amantetva janapetva gacchama. Vuddhimassati assa
vuddhi mayham na ruccatiti.
Evancapana vatva hamsaraja pakkhe pasaretva cittakutapabbatameva
gato. Tato patthaya na punagacchi. Aparabhage nigrodho
vaddhi. Tasmim eka rukkhadevatapi nibbatti. So
vaddhanto palasam bhanji. Sakhahi saddhimyeva devataya vimanam
pati. Sa tasmim kale hamsaranno vacanam sallakkhetva idam
anagatabhayam disva hamsaraja kathesi aham pana vacanam nakasinti
paridevamana catuttham gathamaha
idani kho mam bhayati mahanerunidassanam
hamsassa anabhinnaya maha me bhayamagatanti.
Tattha idani kho mam bhayatiti ayam nigrodho tarunakale tosetva
idani mam bhayapeti santaseti. Mahanerunidassananti sinerupabbatasadisam
mahantam hamsarajassa vacanam sutva ajanitva tarunakaleyeva
etassa anuddhatatta. Maha me bhayamagatanti idani mayham mahantam
bhayam agatanti paridevi.
Nigrodhopi vaddhanto sabbam palasam bhanjitva khanukamattameva
Akasi. Devataya vimanam sabbam antaradhayi.
Na tassa vuddhi kusalappasattha
yo vaddhamano ghasate patittham
tassuparodham parisankamano
patarayi mulavadhaya dhiroti
pancama abhisambuddhagatha.
Tattha kusalappasatthati kusalehi pasattha. Ghasateti khadati
vinasetiti attho. Patarayiti patarati vayamati. Idam vuttam hoti
bhikkhave yo vaddhamano attano patittham naseti tassa vuddhi
panditehi na pasattha tassa pana abbhantarassa va bahirassa va
parissayassa ito me uparodho bhavissatiti evam uparodham vinasam
parisankamano dhiro nanasampanno mulavadhaya parakkamatiti.
Sattha imam dhammadesanam aharitva saccani pakasetva jatakam
samodhanesi. Saccapariyosane pancasata bhikkhu arahattam papunimsu.
Tada suvannahamso ahameva ahositi.
Palasajatakam dasamam
vannarohavaggo dutiyo
-----------
The Pali Atthakatha in Roman Book 38 page 491-494.
http://84000.org/tipitaka/atthapali/read_rm.php?B=38&A=10198&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=10198&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=27&i=798
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=3697
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=3659
The Pali Tipitaka in Roman Character :-
http://84000.org/tipitaka/read/roman_read.php?B=27&A=3659
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]