|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
suvannakakkatakajatakam
singi migoti idam sattha jetavane viharanto annataram itthim
arabbha kathesi.
Savatthiyam kireko kutumbiko attano bhariyam gahetva
uddharasodhanatthaya janapadam gato uddharam sodhetva agacchanto
antaramagge corehi gahito. Bhariya panassa abhirupa pasadika.
Corajetthako tassa sinehena kutumbikam maretum arabhi. Sa pana
itthi silavati acarasampanna patidevata. Sa corajetthakassa
padesu nipatitva sami corajetthaka sace mayi tuyham sineho
atthi ma mayham samikam marehi sace maressasi aham visam
khaditva nasavatam va sannirumhitva marissami taya pana saddhim
na gamissami ma me akaranena samikam marehiti yacitva tam
---------------------------------------------------------------------------------------------
page85.
Visajjapesi. Te ubhopi sotthina savatthim patva jetavanapitthi-
viharenagacchanta viharam pavisitva paniyam pivitva sattharam
vandissamati gandhakutiparivenam gantva sattharam vanditva ekamantam
nisidimsu. Te satthara kaham gatatthati puttha uddhara-
sodhanatthayati ahamsu. Antaramagge pana arogyena agatatthati
vutte kutumbiko aha antaramagge no bhante cora ganhimsu
tattha ayam mam mariyamanam corajetthakam yacitva mocesi imam
nissaya maya jivitam laddhanti. Sattha upasaka na idaneva
tuyham jivitadanam dinnam pubbe pana panditanampi adasiti vatva
tena yacito atitam ahari.
Atite baranasiyam brahmadatte rajjam karente himavante
mahaudakarahado. Tattha mahasuvannakakkatako ahosi. So tassa
nivasanabhavena kulirarahadoti pannayittha. Kakkatako maha ahosi
khalamandalappamano hatthim gahetva khadati. Hatthi tassa bhayena
tattha otaritva gocaram ganhitum na sakkonti. Tada bodhisatto
kulirarahadam upanissaya vasamane hatthiyuthe jetthakahatthim paticca karenuya
kucchimhi patisandhim ganhi. Athassa mata gabbham rakkhissamiti
annam pabbatapadesam gantva gabbham rakkhitva puttam vijayi. So
anukkamena vinnutam patto mahaparivaro thamasampanno sobhaggappatto
anjanapabbato viya ahosi. So ekaya karenuya saddhim
samvasam kappetva kakkatakam ganhissamiti cintetva attano
---------------------------------------------------------------------------------------------
page86.
Bhariyanca mataranca adaya tam hatthiyutham upasankamitva pitaram
passitva tata aham kakkatakam ganhissamiti aha. Atha nam pita
na sakkhissasi puttati nivareti. Punappunam vadantam tumheva me
balam janissathati aha. So kulirarahadam upanissaya vasante sabbe
varane sannipatetva sabbehi saddhim rahadasamipam gantva kim so
kakkatako otaranakale ganhati udahu gocaraggahanakale udahu
uttaranakaleti pucchitva uttaranakaleti sutva tenahi tumhepi
kulirarahadam otaritva yavadattham gocaram ganhitva pathamam uttaratha
aham pacchato bhavissamiti aha. Varana tatha karimsu. Kuliro
paccha uttarantam bodhisattam mahasandasena kammaro lohasalakam
viya aladvayena pade dalham ganhi. Karenuka bodhisattam
avijahitva samipeyeva atthasi. Bodhisatto akaddhanto kuliram caletum
nasakkhi. Kuliro pana tam akaddhanto attano abhimukham karoti.
So maranabhayatajjito bandharavam viravi. Sabbe varana maranabhayabhita
koncanadam katva muttakarisancajamana palayimsu. Karenukapi
santharetum asakkonti palayitum arabhi. Atha nam so attano
bandhanabhavam sannapetva tassa apalayanattham pathamam gathamaha
singi migo ayatacakkhunetto
atthittaco varisayo alomo
tenabhibhuto kapanam rudami
maheva mam panasamam jaheyyati.
---------------------------------------------------------------------------------------------
page87.
Tattha singi migoti singi suvannavannamigo dvihi alehi
singakiccam sadhentehi yuttataya singiti attho. Migoti pana
sabbasangahikavasena idha kuliroti vutto. Ayatacakkhunettoti ettha
dassanatthena cakkhu nayanatthena nettam ayatani cakkhusankhatani
nettani assati ayatacakkhunetto dighaakkhiti attho. Atthimevassa
tacakiccam sadhetiti atthittaco. Tenabhibhutoti teneva migena
abhibhuto ajjhottharito niccalaggahito hutva. Kapanam rudamiti
karunnappatto hutva rodami viravami. Maheva manti mam
evarupam byasanam pattam attano panasamam piyasamikam tvam maheva
jahati.
Atha sa karenuka nivattetva tam assasiyamana dutiyam
gathamaha
ayya na tam jahissami kunjaram satthihayanam
pathabya caturantaya suppiyo hosi me tuvanti.
Tattha satthihayananti jatiya satthivassakalasmim hi kunjara
thamena parihayanti sa aham evam thamehi sampannam imam byasanam
pattam tam na jahissami ma bhayi imissa hi catusu disasu
samuddam patva thitaya caturantaya pathaviya tvam mayham sutthu piyoti.
Atha nam santhambhetva ayya idani tam kulirena saddhim
thokam kathasallapam labhamana visajjapessamiti vatva kuliram yacamana
tatiyam gathamaha
---------------------------------------------------------------------------------------------
page88.
Ye kulira samuddasmim gangaya yamunaya ca
tesam tvam varijo settho munca rodantiya patinti.
Tassattho ye samudde va gangaya va yamunaya va nadiya
kulira sabbesam vannasampattiya ca mahantattena ca tvameva
settho tena tam yacami mayham rodamanaya samikam muncati.
Kuliro tassa kathayamanaya itthisadde nimittam ganhitva
akaddhiyamanaso hutva varanassa padato ale vinivedhento ayam
visattho idam nama karissatiti na kinci annasi. Atha nam
varano padam ukkhipitva pitthiyam akkami. Tavadeva atthini bhijjimsu.
Varano tuttharavam viravi. Sabbe varana sannipatitva kuliram
niharitva bahithale 1- thapetva maddanta cunnavicunnamakamsu.
Tassa dve ala sarirato bhijjitva ekamantam patimsu. So ca
kulirarahado gangaya ekabaddho gangaya puranakale gangodakena
purati. Udake mandibhute rahadodakam gangam otarati. Atha dvepi
te ala uppalavitva gangaya vuyhimsu. Tesu eko samuddam
pavisi. Ekam alam dasabhatikarajano udake kilamana labhitva
anikam 2- nama mudingam akamsu. Samuddam pavittham pana asura gahetva
alambaram 3- nama bherim karesum. Te aparabhage sakkena sangame
parajita tam chaddetva palayimsu. Atha nam sakko attano atthaya
gahapesi. Alambaro megho viya thanatiti tam sandhaya vadanti.
@Footnote: 1 mahitale. 2 anakam. alikanti bhavitabbam. 3 alambaram.
---------------------------------------------------------------------------------------------
page89.
Sattha imam dhammadesanam aharitva saccani pakasetva
jatakam samodhanesi. Saccapariyosane ubhopi jayapatika
sotapattiphale patitthahimsu. Tada karenuka ayam upasika ahosi.
Varano pana ahamevati.
Suvannakakkatakajatakam sattamam
--------
The Pali Atthakatha in Roman Book 38 page 84-89.
http://84000.org/tipitaka/atthapali/read_rm.php?B=38&A=1751&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=1751&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=400
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2181
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2162
The Pali Tipitaka in Roman Character :-
http://84000.org/tipitaka/read/roman_read.php?B=27&A=2162
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]