บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
aramadusakajatakam yomesanca sametananti idam sattha dakkhinagirijanapade viharanto annataram uyyanapalaputtam arabbha kathesi. Sattha kira vutthavasso jetavana nikkhamitva dakkhinagirijanapade carikam carati. Atheko upasako buddhappamukham bhikkhusangham nimantetva uyyane nisidapetva yagukhajjakehi santappetva ayya uyyane caritukama imina uyyanapalena saddhim carantuti vatva uyyane ayyanam phalaphalani dadeyyasiti uyyanapalam anapesi. Bhikkhu caramana ekam chiddatthanam disva imam thanam chiddam avirulharukkham kinnukho karananti pucchimsu. Atha tesam uyyanapalo acikkhi eko kira uyyanapalaputto uparopakesu udakam asincanto mulappamanena asincissamiti uppatetva malappamanena udakam asinci tena tam thanam chiddam jatanti. Bhikkhu satthu santikam agantva etamattham arocesum. Sattha na bhikkhave idaneva pubbepi so kumaro aramadusakoyevati vatva tehi Yacito atitam ahari. Atite baranasiyam vissasene nama (raje 1-) rajjam karente ussave sanghutthe uyyanapalo ussavam kilissamiti uyyanavasino makkate aha imam uyyanam tumhakam bahupakaram aham sattaham ussavam kilissami tumhe satta divase uparopakesu udakam asincathati aha. Te sadhuti sampaticchimsu. So tesam cammaghatake datva pakkami. Makkata udakam asincitva uparopa kesu asincimsu. Atha ne makkatajetthako aha agametha tava udakam nama sabbakalam dullabham tam rakkhitabbam uparopakesu uppatetva mulappamanam natva dighamulakesu bahum rassamulakesu appam udakam abhisincitum vattatiti. Te sadhuti sampaticchitva ekacce uparopakesu uppatetva gacchanti ekacce ropetva udakam asincanti. Tasmim kale bodhisatto baranasiyam ekassa kulassa putto ahosi. So kenacideva karaniyena uyyanam gantva te makkate tatha karonte disva ko tumhe evam karetiti pucchitva vanarajetthakoti vutte jetthakassa tava vo ayam panna tumhakam pana kidisa bhavissatiti etamattham pakasento pathamam gathamaha yomesanca sametanam ahuva setthasammato tassayam edisi panna kimeva itara pajati. Tattha yomesanca sametananti yo imesam sabbesampi @Footnote: 1 ranne. Samanajatinam ahuva setathasammato ahosi. Kimeva itara pajati ya itara etesu lamaka paja kidisa nukho tassa pannati. Tassa katham sutva vanara dutiyam gathamahamsu evameva tuvam brahme anannaya vinindasi katham hi mulam adisva rukkham janna patitthitanti. Tattha brahmeti alapanamattam. Ayam panettha sankhepattho tvam bho purisa yatha karanakaranam ajanitva evameva amhe vinindasi rukkho nama gambhire patitthito va esa na vati mulam anuppatetva katham natum sakka tena mayam uppatetva mulappamanena udakam asincamati. Tam sutva bodhisatto tatiyam gathamaha naham tumhe vinindami ye cettha vanara vane vissaseno ca garayho yassattha rukkharopakati. Tattha vissaseno ca garayhoti baranasiraja vissaseno cettha garahitabbo. Yassattha rukkharopakati yassatthaya tumhadisa rukkharopaka jatati. Sattha imam dhammadesanam aharitva jatakam samodhanesi tada vanarajetthako aramadusakakumaro ahosi panditapuriso pana ahamevati. Aramadusakajatakam atthamam ----------The Pali Atthakatha in Roman Book 38 page 89-91. http://84000.org/tipitaka/atthapali/read_rm.php?B=38&A=1853&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=1853&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=403 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2193 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2173 The Pali Tipitaka in Roman Character :- http://84000.org/tipitaka/read/roman_read.php?B=27&A=2173 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]